Search for Stories

Friday, November 12, 2021

Whats Meant To Be Will Always FindIts Way


 #WhatsMeantToBeWillAlwaysFindItsWay 


"Dli man tanan love story happy ang ending, dli puros kalipay atong mafeel, naa pud kaguol, kasakit. Pero nganung gusto lang gihapon ta ma in love despite all sorrows and pains na atong naagian? Why? Because the person who became the cause of your sorrow would also be the reason for your happiness. 

Hi UCFB! Itago lang ko sa ngan na Krisha ug 28 nko karon gusto lang nko ishare sa inyu ang akong story(btw admins dummy account ra ni nako just to hide my identity.) Taga Cebu ra ko ug dri pud mi nagkaila aning akong pinalanggang laki. Dli diay ko writer ha, palihug sabta lang ko.. hehe.

Way back 2014, (nagpuyo mi sa isa ka village, dli lang ko musulti kung asa pero dli jud as in sosyal kaayo na village ha, naay dagko na balay pero naa sa atubangan jud then ang mga gamay2x rag balay naa sa luyo located ug dha mi sa luyo) Saturday to sya ug bag.o ra jud ko mata ato, nakamata ko tungod sa kasaba sa gawas mao to mibangon ko ug milili ko sa bintana kung naunsa sila. Miabot na diay tong amoa kono bag.ong silingan ug kilid ra jud sa amoa, gitabangan sila sa amoa pud uban silingan ug sa akong father sa pag alsa sa ilang mga gamit. Mao to nag ilis ko ug minaog kay gusto pud ko makakita sa bag.ong silingan namu, sa dihang busy kaayo silang tanan naa jud isa ka laki ang nagpa twinkle2x sa akong mata, taas siya, gwapo ug moreno, lami pa jud kaayo ug mga muscles (hahah). Akong gikuhit akong mama ug nangutana.
------
(Non-verbatim)
Ako: ma? Mao na sya atong bag.o na silingan? Kanang taas na gwapohon?
Mama: oo, murag kinamaguwangan sguro na sya.
A: ahhh.. diin diay na sila gkan ma?
M: taga Davao na sila, ilang parents diri man na assign mao ng namalhin sila diri.
------
Sugod ato mag sge na jud ko lili sa bintana paabot na mugawas na sya sa ilaha, ambot lang pud uie pero malipay jud ko makakita niya, dli kompleto akong adlaw kung dli ko kita niya. Feel nko mibalik ko pagka teenager ani. 

Ff. Isa ka gabii nag labay ko ug basura sa gawas ug mihapit pud ko ug tan.aw sa ilaha, nag tutok ra jud ko sa ila ug sa dihang miabli man na ilang gate ug migawas sya, naratol jud ko mao to mitalikod na dayun ko ug padung na unta ko sulod sa amoa, iya man kaha ko gitawag so miatubang ko niya.
-------
Sya: aahh miss, imong 20pesos natagak.
Ako: huh? (Kuot pud dayun ko sa akong bulsa ug nawala jud diay, ako dayun gikuha ang 20 sa iyaha) thank you, nalimot ko magpaload man diay ko. Salamat kaayo ha, ari sa ko. (Dali2x lakaw paingon sa tindahan)
Sya: ay miss, pwde ko mukuyog nmu? Naa pud unta koy paliton. Wala ko kabalo kung asa ang tindahan diri.
A: (nakurat gamay :D) ah sge, naa ra man sa unahan ang tindahan inig liko dha sa eskina.
S: aahh.. ako diay si kent, ikaw?
A: krisha (shakehands)
-------
Ddto na dayun nagsugod ang tanan. Nagkasuod mi niya ug sa iyang manghud pud. Mag adtuan pud na sya sa amoa. Kani diay si kent kay 25 na pero nag skwela lang gihapon sya kay nag shift2x man ug kurso mao dugay naka graduate. Ako kay nagwork nako ani. Suod pud ni sila nila mama ug papa kay sa amo lage magtambayan, mingaw man gud sa ilaha kay busy sge iyang parents puros nanarbaho unya sge pud naay business trip, ang iya pud ate kay nagpabilin sa davao kay ddto nag work. Ang iyang mama nagpa reassign jud ug tuyo dri Cebu kay ilang papa dri man giassign aron pud magkuyog gihapon sila. Ang naa sa ila sge sila ra duha sa iyang manghud na babay na si Shiena. Taga abot jud nako sa amoa gkan work naa jud na sila sa iyang manghud usahay sya ra usa, sayo man ko permi mu uli kay way lablife heheh.. inig abot nako magduwa mig cards, millionaires game ug uban pang board games dha. Mao ra jud nay lingaw namu usahay tabangan pud nako iyang manghud sa mga assignments, bilib pud ko aning tawhana kay wa jud ko kita nagtuon na sya. Haha, dagko man pud kono syag grado. 

Ff. August, mao jud ni ang month na d nako malimtan. Nanawag na iyang manghud nako, gabie na kaayo to mga around 11pm namn sguro to...
-----
(Non-verbatim)
Shiena: hello ate?
Ako: dae? Unsa man, naa kay problema?
(Si kent na saba kaayo sa background : gara jud shien!)
S: te!!!! Naa koy isulti nmu.. HAHAHAHA
Kent: (background) ayaw ba! Isumbong tkang mama ba!
A: hoi! Nganu mu dha?
S: halaaaaa te.. si kuya ba HAHAHHAHA kay kuan te HAHAHAHA
K: ambi baaa!!!
(Tooooooooott, toooooot)
-----
Nahibong nalang jud ko nganu to sila, ambot kay napawng man ug kalit so natog nalang ko. Pagkaugmaan ana nanilhig ko sa gawas ug dako kaayo ug ngisi ning si shiena.
-----
S: te!!! Good morning!
A: ka alive ba gud nato? Morning pud, naunsa diay mu gabie dae?
S: HAHAHAHHA.. ayyy daahhh ate, si kuya....
A: oh?naunsa man imung kuya?
S: na crush nmu.. HAHAHAH.. ateeeee, ayaw baya pag samok anang kuya ha, kay mapatay jud lage ko.
-----
Wa ko katingog ug kalihok pagkadungog nako ato, grabe ka kusog sa pitik sa akong heart na mura kog mabungol. Syempre uie kay tungod sa kalipay ug kakilig. Heheh. Sugod ato ma awkwardan na jud ko basta naa si kent labi na kung naa iyang manghud kay mag sge ug panungog, muapil pud raba akong mama ug papa, pastilan nalang jud. Niabot ang dominggo, nagkuyog mi ani nila ug panimba paghoman namu simba nananghid ko nila mama nga muhapit sa ko sa national bookstore kay naa koy paliton ug paunahon nalang nako sila ug uli. Palakaw na unta ko ato pero gikuptan kong kent kay mukuyog pud sya nako kay naa pud kono syay paliton, so mao to napuno mi ug sungog nila mama ug sa iyang manghud. Pag abot namu sa national, samtang namili ko ug mga libro ddto, sya pud sa akong kilid kay dli jud mahimutang.
------
(Non-verbatim)
A: ok ra ka kent? Nganung gipaningot man kag taman na aircon man, kalibangon ka?
K: ha? Dli uie.. kanang sha.. naa koy isulti nmu.
A: hmm? Unsa man?
K: unsaon man ni uie,.. kanang ayaw kalain ha, basin dli naka managad nako ba..
A: (kagets na gamay ug gikulbaan jud ko ug maayo) aaahhh.. unsa diay na kent? Pag sure dha uie, makulbaan man pud ta. Ug nganung dli naman ko managad nmu uie, mura tag bata ana. Isulti nalang gud, unsa man na ba?
K: sha.. I like you..
A: (sigang mata) ha????
K: I mean, I have a huge crush on you and I think I'm falling in love with you. Is it ok with you, if manguyab ko nmu? I already asked tita and tito about this and ok ra nila if musugot ka. No pressure, I'm willing to wait.
A: I don't know.. (pa hard to get :D )
K: sha..please, just give me a chance.
A: sure ka kent? Kung sure ka aw, sge.. sugot ko manguyab ka.. manguyab pa hap.
K: yes! (Pero gihinay ra niya) thank you sha.. d jud ka magmahay..
------

Ff. Sweet jud kaayo ni si kent though dli sya parihas sa mga manguyab na magdala ug chocolates, flowers ug uban pa dha kay kabalo man sya na dli ko ganahan ana, mas gusto man gud nako na makita jud ang effort sa taw na dli paagi sa mga ingon ana. Mas importante jud sa akoa ang time ug effort. Mao to sulod sa upat ka buwan na panguyab niya, mag sge na syag adto sa amoa, mutabang ug luto ni mama, usahay mutabang ni papa kanang naay mga pangayuhon na guba dri sa balay, mag movie marathon, kung manlaag mi kay dha lang sa park kay dli man ko gusto na mugasto2x sya unya allowance niya ang gamiton unya dli man pud sya musugot na ako ang manlibre. Nalipay jud ko niya kay sa iyang pagpanguyab, giapil pud niya ug panguyab akong parents ug mao jud nay importante sa tanan na dako syag respeto sa akoang ginikanan. After 4 months ako na jud syang gisugot, kay nakita nako jud kung unsa sya ka seryoso ug love na pud nako sya, so unsa pa man ang dugayan, dba?

Ff. 11 months after going strong ang amoang relasyon ni kent, miski busy napud sya kay graduating naman ni sya mangita lang gihapon na sya ug paagi na magkita mi. Taga uli ana niya gkan klase muhapit na sya sa balay, magdala ug pasalabong like, orange, apple, mais, chuckie, yakult, usahay pizza. Hehe.. kay mao pud na ako irequest if mangutana na sya unsay gusto nako. Happy kaayo ko niya, tanan kinaiya sa laki na akong gusto naa jud niya ug mayta siya na jud ang para sa akoa. Pero naa jud hangganan ang tanan. Miabot naning adlaw na akong gikahadlokan, mikalit lang siya na halos dli na jud nako sya makita, kasabot ko na busy sya pero miski kanang text lang unta na good morning malimtan pa jud na niya, usahay the next day nana sya makatext. Kung kanus.a pa man unta hapit na amoang anniversary ayha ra mi na ingon ani. So naka decide ko na adtuon nalang nako sya sa ilaha. Pag adto nako iyang manghud ang nakaabli sa gate.
-----
(Non-Verbatim)
S: te? Nangita kang kuya?
A: oo, naa sya shien?
S: hala te, wala raba si kuya.. 
A: mao ba? Wa man gud mitext unya dli pud sya mureply. Kabalo ka kung asa to muadto?
S: te, naa koy isulti sa imu.. kabalo baya jud kaayo ka te na ganahan kaayo ko nmu. Mura na jud tka ug tinuod nga ate. Kanang ayaw lang kasuko te ha, pero dli man pud ko sure ani te gud..
A: sulti nalang shien kung unsa man na.
S: te.. kato last week mianhi man to dri sa balay ang Ex ni kuya ug nagstorya sila. Pero wala man pud koy sure kung unsa ilang gistoryahan. Pero naghilak man to si ate Anna unya gigakos sya ni kuya. Pagkahoman nanlakaw sila, unya gabie naman to nauli si kuya.
(Kahilakon kaayo ko naminaw, pero gipugos nako na dli ko mag huna2x ug daotan kay dli ko gusto na mujudge dayun nila)
S: te? Ok ra ka ate? 
A: bag.o ra milakaw imung kuya?
S: bag.ohay ra jud ate, nadunggan man to nako na naa sya kastorya sa cellphone unya magkita daw sila sa 7eleven.
A: sge shien. Thank you, anhi sa ko.
------
Paghoman namu storya ni shiena, wa nako kasabot sa akong gibati, kahilakon kaayo ko pero dli mutulo akong luha.. way masud sa akong utok jud ato nga time, ambot ug nganu milakaw ra ko ug kalit ug miadto sa 7eleven. Dli ko ready kung unsa akong makit.an ddto pero padayun lang gihapon ko ug lakaw hangtod sa naabot nko sa 7eleven. Pagsulod jud nko, mao pud paglingi ni kent, mura jud ko nahutdan ug dugo nga namugnaw ko ug maayo sa akong nakita naglingkod sila unya Ang babay nagkupot sa iyang kamot na gipatong sa table. Midiritso ko ug dagan pauli kay dli na nako kaya jud ang kasakit na akong na feel sge ko ug hilak while nag dagan hangtod sa naabot ko sa amoa, midiritso ko sa kwarto ug nagpadayun ug hilak. Daghan kaayo mga pangutana nga nagdagan sa akong utok, kung unsay sala nako, unsay sayop nakong nabuhat, unsay kulang nako para iya ni buhaton sa akoa., dli ba enough akong love niya?.. nganu man?.. sa sge nako ug hilak nakatulog ko, nakamata ra ko kay Nag sge ug ring akong phone pagtan.aw nako si kent ang nanawag, nagduha2x ko kung tubagon ba nako or dli kay wala pa nawala ang kasakit ug akong kalagot niya. 

To be continued lang ta guys ha kay taas na kaayo. Salamat kaayo sa inyung pagbasa ug malipay ra ko mubasa sa inyung mga comments bahalag naay negative.. heheh.. paningkamotan nako na masumpayan dayun ni. :)

- krisha
" Visitor

----------

#WhatsMeantToBeWillAlwaysFindItsWayPart2

-Thank you kaayo sa mga naka appreciate sa akong story ug sa mga dli mutoo ug dli ganahan that's fine wala man pud ko namugos and opinion pud na ninyu, pero syempre thank you gihapon sa pagbasa. Sorry kaayo if naputol ang part 1 kay dli man gud lalim mag type then daghan pud koy dapat buhaton pero sge lang paningkamotan nako na mahoman jud ni nako, sge lang putol2x kay dli man gud mahalon akong phone parihas sa inyuha.. hehehe.. bitaw guys just bear with me and again salamat ninyu.-
........................

Pagtan.aw nako sa phone na si Kent ang nanawag, mitulo napud akong luha, nagkahinumdom ko sa akong nakita sa 7eleven, miski gusto nko tubagon ang tawag niya and let him explain pero sobra jud kaayo ang kasakit sa akong dughan ug dli pa jud nako kaya na makig storya niya so I turned my phone off. Mibalik ko ug higda dayun naghunahuna jud ko ug maayo sa sitwasyon, mas maayo jud sguro na paminawon sa nako sya before ko muconclude, pero miski unsaon nako ug hunahuna dli jud mawala sa akong utok kung unsa akong nakita. Ingon ani jud sguro na basta masakitan, lamonon imung utok sa kasakit ug kalagot mao puros negative jud ang masod sa utok. Naundang ra ko ug hunahuna sa dihang nanuktok si mama ug misulod sa kwarto.
-------
(Non-verbatim)
Mama: Sha? Naunsa man ka? Ganiha ra man ka dha, wa kay plano mukaon?
Naunsa man ka, nganu gahilak ka?
(ako misamot ug hilak ug migakos ni mama)
Mama: Nag away mo ni kent? Storya ra gud sha kay dli ko mananag.an aron pud matabangan tka.
Ako: Ma… nay lain si kent.. (mihilak)
M: ha? Nganu, kita ka? Unya sure kaha ka na mao jud na, nagstorya na ba mu?
A: wala pa,dli ko ganahan makig storya niya, galagot pa ko niya.
M: sha, way problema na masolbad kung imung likayan ug dli na matubag tanan nmung pangutana kung dli mu magstorya. Kasabot ka nak? (mitando ra ko) hala, naog na dha kay mangaon nata basin matog ra ka dha na way kaon.
------
Ff: Pagka ugmaan ana nagdali2x ko lakaw padung work kay late nako ug dli pud ko gusto na makakita ni kent, pero mission failed kay sayo diay kaayo siya nag atang sa gawas sa amoa. Pagkita nako niya misamot akong kalagot, pero dli sa iya kundi sa akong kaugalingon kay malanay jud akong kasing2x ug mawala tanan nakong kalagot niya. Ganahan kaayo ko mugakos niya pero ang pride jud nako akong gipataas. Midiritso ko ug lakaw, ako siyang gilabyan ug nagtoo ko na pugngan ko niya pero misunod ra sya nako. Misamot akong kalagot mao to ako sya giatubang.
-----
(Non-verbatim)
A: Ayaw kono sge ug sunod nako! Adto ddto sa imung Ex!.. ex kaha or basin nagbalik namu. Adto niya kaw!
S: walay kami sha. 
A: atika ng nawng nmu! Kung nagtoo ka na mailad ko nmu, well sayop ka kay d ko magpakatanga nmu! Pahawa dha bi! (padayon ko ug lakaw mga 10 na sguro to ka steps unya nahibong ko kay wala na sya misunod, milingi ko ug nawala jud sya.. misamot akong kalagot, wa man lang ko gisundan or gipugngan. Sa akong kalagot mibalik ko ug gipatiran nako ilang gate mga katulo sguro to kapatid nako ayha ra sya migawas.)
A: Nganu wa man ko nmu pugngi! Wala man lang ka nag sorry ug miexplain sa imung sayop! Wa jud sguro kay gusto nako sa? (naghilak na jud ko ani)
S: Come here. (he hugged me so tight) pwede mu leave sa ka karon? I want to spend time with you ug para makapag explain pud ko nmu. Pwede?
A: sge.. mananghid ko sa akong head. Make sure lang jud na valid jud ng rason nmu kung nganung nagkita mu.
-------
So mao nato, ddto mi sa ila balay nag storya para naa jud mi privacy ug maka storya jud mi ug tarung. Siya ra man pud isa sa ilaha nlang kay work na iyang parents unya klase napud ni shiena.
iya ko gistoryahan sa past niya with his Ex, nag buwag man na sila kay ang girl mas gipili man niya iyang career over ni kent, 3yrs na sila nagkauyab then miadto na ang girl sa Manila kay ddto na mag work then gusto niya na magbuwag sa sila kay mag focus sya sa iyang career. Karon nakarealize ang girl na love pa niya si Kent mao nangayo sya ug chance pero giingnan sya ni kent na ako na iyang love and dugay napud sya naka moved on. After ug explain niya sa tanan2x, gigakos jud nako sya ug maayo ug nangayo pud ko sorry kay judgemental ra kaayo ko and nagpromise mi na dapat storyahon najd namu among mga problems aron dali ra masolbad ug labaw sa tanan musalig sa usa’g usa. Ddto jud nako naproved kung unsa ko ka love ni kent and I am so madly in love with him ug wala na jud napugngi ug nadala mi sa kainit sa amoang gibati and so we made love that day, wala pud koy gimahayan kay I know masaligan jud sya and love jud ko niya.

ff. mga 1 month after Saturday to, nay miabot na unexpected visitors. Gipakanaog ko ni mama kay naay nangita nako, so nagdali2x pud intawn ko ug ilis kay bag.o ra jud ko mata ato. I was so shocked na akong nakit.an sa ubos kay si Anna ang Ex ni kent nga naay dala nga bata.
-----
(non-verbatim)
A: Unsay kailangan nmu?
S: hi! I’m Anna E… 
A: yeah.. I know, and why are you here? 
S: wala ko mianhi para makig away, I just want you to know that I’m still in love with kent. Nagmahay ko na ako sya gibyaan.. kabalo ko dako kaayo akong sala niya…
A: straight to the point please. Unsa man gusto ka na magbalik mong duha? Wa ka nalipong? Wa kay respeto? Babay man jud ka, wa ka nag huna2x kung unsa akong bation? Kuyawa nmu gud.
S: I’m sorry pero kailangan jud ka makabalo sa tinuod. Kabalo naman sguro ka sa amoang story. When I arrived in Manila, then girequired man mi ug Physical Check up and nahibaw.an nako na I was pregnant and Kent was the father of my child. Gitago ni nako ni Kent kay kabalo ko na iya ko pabalikon sa davao kung makabalo sya ug dli pa ko ready na magminyu and sayang kaayo ang opportunity labi na nga misabot ra ang company sa situation nako ug gihatagan lang gihapon ko nila ug chance. I’m so sorry Krisha, pero kasabot man sguro ka nako knowing nga naa mi anak. As what you said babay pud ko and babay pud ka, kabalo ka kung unsa akong gibati karon.
A: mao na iyang anak? (gitudlo nako ang bata na iyang gidala)
S: yes. I hope nasabtan ko nmu.
------
Natulala ra jud ko sa sala hangtod sa nakalakaw na sila, dha nako mihilak ug maayo pagduol ni mama sa akoa. Wala ko kasabot nganu sa ako man jud ni mahitabo? Na sa kadaghang taw, nganu ako man jud? Sge ra jud ko ug hilak, si mama wa ray comment jud sa panghitabo. Gigakos ra ko niya ug gipasagdan ra ko niya na maghilak. Kana ganing feel na kaayo nmu na siya na imung forever pero dili diay. Naglibog ko sa akoang buhaton, love kaayo nako si kent pero dli pud ko gusto na makaguba ug family.. maluoy pud ko sa bata na magdako na walay papa. 

ff. Pagka ugmaan ana miadto si Kent sa among balay, nagstorya sila sa akong parents una then after ana gipakanaog na dayun ko sa akong papa, gibyaan ming duha sa amoang sala para maka storya mi ug tarung. Kahilakon napud kaayo ko pagkita nako niya, sobra jud kaayo nako ka love ning lakiha pero kailangan nako buhaton ang sakto. Nagstorya mi ug ingon sya na gahapon ra pud sya kabalo nga naa silay anak ni Anna. Maluoy ko niya mag tan.aw kay Makita jud nako kung unsa sya kaproblemado ug dli ko gusto na makadugang pa ko sa iyang problema. I told him na nakasabot ko niya ug sa ilang sitwasyon, dli nako sya pugngan kung gusto sya na iyang panagutan si Ana ug ilang anak ug andam ko mu let go niya para sa bata. Dli jud sya musugot na magbuwag mi kay ako na jud iyang love, pero gipasabot nako sya.. ou, love nako sya pero dli jud nako kaya Makita ang bata nga way papa. Kabalo pud ko nga nalipay sya na naa syay anak ug kabalo ko na mahimo jud sya na maayo nga amahan. Naghinilakay ming duha pero wala nakoy mabuhat pa kundi ang i.let go jud sya.

-isend lang unya nako ang sumpay kay nag sge na jud ka off akong phone, pailis na jud sguro ni. Sge lang sa next part paningkamotan nako na mao nana ang last part. Salamat sa inyung mga pagbasa.-

Finale:

Nagbalik jud sila ni Anna, wa napud ko kita ni kent kay naglikay jud ko niya pero naay usahay makit.an nako ang babay na muduaw ilang kent kuyog ilang anak. Sakit kaayo dawaton ang tanan, halos taga gabie jud ko maghilak pero wa koy mahimo kung dli dawaton jud ang tanan. Mutawag na si kent nako taga gabie pero ako ireject permi iyang calls kay kabalo ko na dli jud nako kayang mapugngan akong kaugalingon once makadungog ko sa iyang tingog ug basin ako pa nuon ang muhangyo na magbalik mi ug ifight namu amoang love. Hangtod sa mistop nalng pud si kent ug contact nako. Diri na jud ko gibati ug kamingaw niya, sa trabahoan usahay dli nako maka concentrate, nakabantay ni akong suod na officemate si Xean na pirme nalng jud lutaw kaayo ko usahay mukalit lang ko ug hilak. Kani diay si Xean kay bayot ni pero formal jud kaayo na bayot, kung mustorya kay makaingon jud ka na laki jud plus taas, puti unya gwapo pa jud. Kabalo ni sya sa story namu ni kent kay sya ra man pud akong chikahan ug kami ra pud sge magkuyog sa office, ganahan unta gani ni sya makaila niya si kent pero wala na nadayun kay wala nami. Maayo nlang pud kay permi ko icomfort ni xean ug tabangan sa akong trabaho kay lutaw na jud kaayo akong utok. Isa ka adlaw nahibong na jud ko ug nag duda sa akoang lawas. Permi nako luya ug wla pa pud ko gidugo, so nagpalit ko ug PT and wa jud ko nasayop buntis jud diay ko. Wala sa ko misaba nilang mama kay mahadlok ko ug naglibog pud ko sa akong buhaton. Pag abot nako sa office misugat jud dayun na nako si xean.
----
(non-verbatim)
Xean: girl? Ok ra ka? Nangluspad man ka.
A: besh, naa koy problema.. buntis ko besh.
X: ayaw pagbinuang ra gud girl. (wala ko mitingog ug mihilak na jud ko, ganiha ra nako gipugngan akong luha na mutulo) oh my.. tinuod jud?.. girl.. Kahibalo na si kent ani?
A: wala besh.. wla pud koy plano na sultian sya. Kabalo baya ka naa na syay pamilya, naka desisyon napud ko na ako ray buhi ani. Dli na nako sila samokon.
-----
Pag uli nako sa amoa gisultian na nako silang mama ug papa, nagpasalamat nalang pud ko kay wala sila nasuko nako. Pero ang gusto unta nila nga pahibaloon si kent kay naa syay karapatan pud na makabalo, pero wala jud ko misugot dli nako gusto samokon sya ug maguba ilang pamilya. Girespeto nlang pud nila akong desisyon. Medyo migaan akong paminaw na nakabalo na silang mama ug papa, tinuod jud diay ilang giingon na kung mabuntis dli jud nmu masabtan imung gibati, hadlok pero naglabaw ang kalipay. Sugod na nakabw ko nga buntis ko gipaningkamotan jud nako na dli na kaayo maghuna2x ni kent aron dli ko mastress kay dli pud ko gusto na maapektuhan ang bata, wala pud ko pasagdi sa akong ginikanan ug dako kaayo kog pasalamat nila.

ff. mga 1 month kapin milabay, graduate na si kent ani, nagplano ko na mu greet ko niya, miski wala nami pero nagka friends pud baya mi niya before nagkakami, ok ra pud nako na magkita mi kay gamay pa man pud akong tiyan mura rag walay sulod. Gimingaw na pud ko niya ug miski karon lang gusto nako sya Makita kay dugay2x napud ko sge ug likay niya. Sa akong nahibaw.an gahapon to iyang graduation pero karon pa ko naka decide na mugreet niya. Nanuktok ko sa ilang gate, dugay pud ko nagpaabot sa gawas ug wa jud miabli, mu uli na unta ko kay basin nanlakaw sila pero migawas si shiena.
---------
(non-verbatim)
S: te? (migakos dayun siya nako) te.. gimingaw na jud ko nmu.
A: ayaw shien, makahilak ko.. 
S: sulod sa te, ako ra man pud isa sa balay.
A: wala diay imu kuya? 
S: wala naman si kuya ate.. dugay ra man sya mibalhin ug puyo, ddto sya nag stay sa giabangan ni ate anna nga balay.
A: ahh.. mao diay wa napud jud nako sya nakit.an.. nagtoo ko na maayo ra jud ko mutiming na dli mi magkita.. mianhi ko kay mugreet unta ko niya. Dba graduation man niya? Muadto ka ddto sa ila? Igreet nalang ko shien.
S: actually te mibalik sila sa davao, paghoman sa iyang graduation sila ni ate Anna, naa naman pud si ate nagtrabaho ddto. Gitabangan pud ni papa si kuya na makasulod sa ilang company ddto sa davao mao nagdali sila ug balik ddto.
(wala ko katingog, misamot akong kaguol ug kahilakon napud kaayo ko.)
S: ate.. (naghilak) sorry jud kaayo ate, mangayo lang jud ko ug sorry para kang kuya.. 
A: ayaw shien.. wala mn sala imung kuya, wala pud to sya kabalo na nagka anak diay sila. Kasabot ra jud ko sa imung kuya. Sakit lang jud kaayo dawaton shien (perti na jud nakong hilak) permi nako mahinumdoman kung unsa ta ninyu saona. 
--------
Nag sge nalang jud mi ug hinilakay ni Shiena. Miski pud diay sya naapektohan sa sitwasyon namu, dli man kaayo sila suod ni Anna pud diay kay grabe jud ka matured dli daw parihas nako na game kaayo miski unsa nalang matripan namu nga duwa. Pero miski unsaon namu, nahitabo naman ni ug wla na jud mi mabuhat. 

ff. 7mos. na akong tiyan ani ug nadawat napud nako akoang sitwasyon na wala na jud mi n Kent but not totally moved on kay sa tinuod lang gimingaw gihapon ko niya, pero ok ra man gihapon kay support man pud kaayo akong parents ug pinangga kaayo ko nila. Silang shiena ug iyang parents kay namalik na sila sa Davao pag 3mos pa sa akong tummy, nagkastorya mi n shiena for the last time ug ingon sya na nangumusta si kent nako, dli naman sya maka contact nako kay nag change ko ug number. Mihangyo nalang pud ko ni shiena na dli nalang ko hisgotan niya ddto sa iyang kuya para makalimot na sya nako ug magpuyo na malinawon kauban sa iyang family. Naanad napud ko na ako nalang, malipayon man pud ko labi na nga mafeel nako akong baby na maglihok sa akong tiyan, mao ra jud ni makapawala sa akong kaguol ug nagpasalamat pud ko kay wala pud ko niya gipaantos unlike sa uban na mag sakit2x. So mao nato balik ta, nangadto mi sa Sm ani, kauban nako si Xean gitabangan ko niya ug pamili sa mga sinina sa akong baby girl aron inig gawas niya ready na ang tanan, samtang namili mi ug sinina naay mitawag nako, paglingi nako perti jud nakong kulbaa, ang mama ni Kent ang mitawag nako ug perti niyang tutok sa akong tiyan.
---------
(Non-verbatim)
S: Krisha? (tutok sa akong tiyan) 
A: Ti…ta.. ku..kumusta?
S: you’re pregnant.. don’t tell me… kang kent na sha?
A: noooo.. no tita. (gibira nako si Xean) ahmm.. tita, this is Xean akong bo..boyfriend. (gisigaan ko ug mata ni Xean, ako pud nagpakiluoy na ug nawng niya hoping na iya kong isave)
S: oh… Hi (shakehands kang xean), congrats ninyung duha.
A: thanks tita.. kumusta man mu ta?
S: medyo ok lang.. nag ipon ra mi ug puyo nilang kent with his son ang that woman. Ahmm sha, can I talk to you? (nahibong jud ko nganung murag dli ganahan si tita kang anna)
Xean: yeah, pag storya lang sa mu, mamili sa ko diri ug mga gamit para kang baby.
(nanggawas mi sa boutique)
A: Tita, nag unsa ka diri Cebu?
S: business meeting namu diri timing pud ba nagkita jud ta.. kbalo ka sha, wala ko kasabot sa akong gibati pagkita nako nmu, labi na pregnant ka and I was hoping na kang kent na.
A: what do you mean ta? Dli man sa nanghimasok ko, but ok ra ba sila or naay problem? If naa ma ok ra man sguro pud na sila tita..
S: dli sha, to be honest lang jud, I really don’t like that woman. If dli lang jud tungod ni Kent and his son dugay na nako na gipalayas sa balay. She’s so irresponsible, permi lang dugay mu uli sa balay. Usahay inig uli bahog alcohol, unsa na klase na pagka inahan na sya. Wala man lang sya nag huna2x sa iyang anak. Si kent nag work man pud na pero maningkamot na sya na mu uli ug sayo para mabantayan ilang anak. (wala ko katingog, mura ko ug na guilty sa akong nadunggan ug na guilty kay namakak ko niya.)
S: I’m so sorry sha if gisamok pa tka. I know happy nka, how I wish na ikaw nalang akong mahimong daughter-in-law. 
A: no, it’s ok ta.. I know na kailangan pud ka ug kastorya. Ahmm tita.. (gusto na unta ko musulti sa tinuod kay nakonsensya ko ug maayo, pero gitawag sya sa iyang kauban kay kailangan na nila mulakaw. Naka ingon ra pud ko na sguro dli pa jud ni ang right time aron makabalo sila.)
S: sha, I need to go.. naa kay gusto isulti? Ani nalang call me ha if naa kay kailangan ( gihatag niya iyang business card) but for now I really have to go kay naa pa mi importante na lakaw. Bye sha, take care always.
A: bye tita, thanks, amping.
--------
Giduol ko ni Xean ug nasuko sya kay nganung namakak ko. Kabalo ko na sayop pero mahadlok ko musulti sa tinuod kay basin makasamok ug makaguba ko sa ilang family. Pag abot namu sa amoa ako gisultian silang mama ug papa sa nahitabo. Si mama nakasabot ra nako pero si papa wala na jud sya kauyon nga itago namu nila ang bata. Miski man pud ako gud makonsensya man ko pero mas naglabaw akong kahadlok kung unsay mahitabo if makabaw sila. 

ff. Niabot na jud ang adlaw na akong gihuwat ang manganak ko, sa pila ka bulan nako ug hinuwat nakita na jud nako akong gwapa kaayo na baby girl, dli jud malimod pud na anak ning kent kay liwat kaayo niya labi na ang mata ug ilong kent jud kaayo. Sukad migawas ni si baby sa iya na jud nagtuyok akong kalibutan, malipayon kaayo mi, iyang hilak mao among music taga adlaw. Thankful pud kaayo ko nila mama kay gialalayan jud ko nila kay wala baya intawn koy alamag magbantay ug bata kay wa koy manghud ako ra isa. Lingaw pud kaayo mi kay every month mag pictorial jud na si mama kang baby, pag 1st month gipatahian niya ug mermaid na costume pag 2nd month kay caterpillar karon 3rd month na si baby iyang gusto butterfly napud, pasagdan ra pud nako si mama, nalingaw ra man pud ming tanan. Paghoman gipost nana ni mama sa iyang fb, gahimo man na siyag album na kang baby ra tanan gikan pagpanganak hangtod sa karon na tulo na siya ka buwan. Pag gabie ana pagkatulog ng baby nag check ko sa akong fb, gitan.aw nako ang mga pictures ni baby. Dugay2x napud ko wala nag fb kay ako man to gideactivate akong account saona. Lingaw kaayo ko nag tan.aw sa mga picture ni baby, karon pa nako nabantayan na nagkadako siya misamot jud nga nagkaliwat iyang nawng sa iyang amahan. Taod2x ana naay nag friend request, si shiena diay giaccept dayun nako, gimingaw na jd kaayo ko aning bataa pud ug tuig na kapin milabay pud sukad atong last namong storya. Pag accept jud nako michat dayun na sya.
------
(non-verbatim)
S: musta naka?
A: dae shien… ok ra ko, ikaw musta naka? Mingaw na kaayo ko nmu..
S: mingaw napud kaayo ko nmu. Pwde ta mag video call?
A: sge shien.. (mitawag dayun na sya unya pag accept nako dako pa kaayo ko ug smile pero pagkita nako kung kinsa akong ka video call mura jud ko ug nakakitag ungo kabaw namu kinsa.)
A: ke…kent..? (gipugos ug smile)
K: hangtod kanus.a pa man na nimu itago sa akoa sha? Nagtoo ka na dli ko makabalo? 
(wala ko kabalo kung unsa akong isulti, nakulbaan ko ug samot kay lagot kaayo iyang nawng) 
A: huh? Ang unsa kent?
K: mangatik pa jud ka nako?.. pag una wala ko mituo nilang mama, nilang shienna na basin akoa ng bata kay ilang ingon liwat kaayo nako pero wala gihapon ko mitoo kay sobra akong kalagot na nahibaloan nako nabuntis ka sa laing laki unya bag.o pa kaayo ta nagbulag. Akong hunahuna mao sguro kaya ra kaayo nmu na ihatag ko ni Anna kay tungod nakakita naka ug lain kay pwde ra man unta jud to na musupporta lang ko sa bata miski dli name magbalik. Pero mibuhi ka, mao na dli ko mutoo na akoa jud na, pero karon pagkita nako sa picture…. (naghilak na sya) sha.. nganu man? Nganu imu man n gitago sa akoa? Bogo pud kaayo ko wala man lang nako kwentaha ang bulan gkan atong naay nahitabo sa atoa hangtod karon.. kabalo ba ka kung unsa kasakit n sa akoa?? HA!!??
A: (naghilak nako ug maayo) sorry kent.. sorry jud..
K: pasabta ko… please..
A: nahadlok ko.. nahadlok ko na makaguba sa inyung pamilya.. inyung anak ni anna nagkinahanglan na nimu.. nahadlok ko na magdako sya na wala ka..
K: b***s**t!!! unya wa ka nahadlok na magdako atoang anak na walay papa? Na wala man lang siya nakaila nako? Selfish kaayo ka sha!!
A: sorry…. Dli lng jud ko ganahan makaguba sa inyung pamilya.
K: imung gitoohan na pamilya, wala sha.. dakong bakak ra ang tanan lima na ka buwan ang milabay nga nasakpan nko si anna. Dli ako ang papa sa iyang anak sha. Sa akong kalagot niya hapit nako sya mapatay, pasalamat sya kay naa silang papa napugngan ra ko.
A: (naglibog ko sa iyang gipangsulti.. murag mabuak akong ulo sa akong nahibaw.an) wala ko kabalo.. kent.. nganu? I mean giunsa nmu pagkabalo?
K: katong nagkita mu ni mama dha sa cebu mao tong panahona nga nasakpan nako siya. Gabie na kaayo tong dako, giapas nako sya sa opisina kay wla pa jud siya miuli unya iyang ingon OT daw sila, iyang anak sge nag hilak kay nangita niya.. pag adto nako wala sya ddto, gilibot nako tanan bar ug nakit.an jud nako sya naay kauban laki nag kiss sila. Nagkagubot jud mi ddto ug mao to misulti sya sa tinuod na mao to ang tinuod amahan sa bata, miuli ko diritso sa balay ug gilabay nako tanan niyang gamit sa gawas.. pag uli niya halos mapatay na nako sya sa kalagot, pero napugngan ra ko ni papa ug shienna. Nanghawa na dayun sila sa amoa kuyog iyang anak pagkahoman ato.. wa napud koy balita nila.. giboang ra ko niya, kita.. naguba ta tungod niya.. 
---------
Pagkahoman sa akong nahibaw.an sobra kaayo akong pagmahay kung nganung gibuhian pa nako si kent, pero homana naman ang tanan.. nahitabo na ang angay mahitabo ang importante napasylo na namu ang usag usa. Sugod ato taga gabie na jud mi mag chat ni kent kay gusto sya makakita sa iyang baby, naka desisyon pud mi na friends lang sa mi. Mas maayo na dli lang sa namu dalion ang tanan pero ma feel man jud nako na love pa ko niya ug ako pud love kaayo nako sya. Dli pa man pud sya pwde makabisita dri kay bag.o pa sya sa iyang trabaho ato ug training pa man sya pero pag 1st bday sa amoang baby girl gipaningkamotan jud niya na makaanhi sa amoa. Lipay kaayo siya ug amoang baby, dali kaayo niya nasuod halos sa iyaha nlang permi magpakugos. After sa party ato kami nlang pamilya naa sa balay, nananghid na siya nilang mama ug papa sa akong atubangan na kung pwde manguyab sya ug balik sa akoa. Lipay kaayo sila mama ug papa, syempre labaw na jud ko way makatupong sa akong kalipay. Ako sya giingnan na ayaw nalang panguyab uie sugton man pud dayun tka (hahah), pero mi insist jud sya na manguyab sya ug gusto sya na iprove sa akoa na angayan jd sya para nako ug para sa amoang baby. So ako sya gipagbigyan, 2 days ra sya ato dri cebu kay kailangan na niya mureport dayun balik sa work, pero ingon sya after 5 months ma assign nman sya dri cebu ug gusto sya na inig balik niya dri ayha ra ko mudisisyon kung sugton jud nako sya or dli. Magkatawa lang ko niya kay miski klaru na kaayo na sugton nako sya mag inarte pa jud ambot niya nganu kailangan pa after 5months pa jud. Excited nako kay karon march 2018 na ang ika lima nga bulan nakong pagpaabot ug ingon sya next week na sya muanhi diri.. Intawn Kent pagdali nag uli kay excited nako na sugton ka.. hahahhaha.. ug gimingaw napud si baby girl nmu. Love you langga.

Salamat kaayo sa inyung pagbasa dri nalang ko kutob.

-Krisha

- Audio version of ''Tarong nga uyab pero uwagon'' 

No comments:

Post a Comment

Featured Audio: Hubog ka, mao gidala tika sa Paradise.

Latest Stories