Search for Stories

Thursday, November 11, 2021

Swat Goals - Completed

 

#SWATGoals

Hi everyone! Maayong gabii sa tanan! (Gabii, kay gabii man ko gasulat) late na ba ko sa deadline? hehe bitaw readers and admins, ania pod ko diri aron sa pag share sa akoang sugilanon kabahin sa akong MIU lovestory (ayieeee ga una man akong kilig diria) ug sa di madugay sugdan ko na dayon ang akong sugilanon aron kitang tanan mag malipayon. (chos! HAHAHA).

NOTE: I'm not really good on narrating stories guyses so please bare with me.

Good evening! Call me Rose (particularly not my real name) a wife, a teacher, and a mom. 28 ug lumulopyo sa lugar diin ginatawag nga "City of the Gentle People" Dumaguete City! (di nalang ko mo detalye og asa na jud dapita basta kay diha na.) 

Nakapuyo og naka eskwela ko diha sa Cebu ug 5 years, ug ma klaro naman seguro sa akoang title kung unsa pod akoang tuyo diria, gusto lang ko mo share pod sa akoang experience isip usa ka partner og MIU (naa bay willing mo basa sa amoang story diria? kay ug wala di nalang ko mupadayon😁 chos!) at first i was hesitant to share our story kay tungod sa amoang work duha but then i think there's nothing wrong man sad diba to share my own lovestory? ( i'll be careful lang jud in every details lang.) 

FF. When i graduated highschool, I ask both my Mama & Papa nga adto ko mo school ug college sa Cebu, because i believe nga mas dako akong opportunity sa Cebu kontar sa among lugar at first wala sila musugot kay kesyo wala daw koy kaila sa City or relatives (naa man ugali pero naa sa mga provinces wala sa syudad). Sa kadugayan na kong pangulit sa ilaha ming sugot rapod. Ang among family diay guyses naay small business sa Dumaguete and other area's of Neg Or. maong sa akong pag stay ug pag eskwela sa Cebu is dili ra kaayo lisod, and duha laman me ka magsoon, duna koy magulang laki nga usa napod ron ka sundalo (single pa to guyses! available! HAHA)

Nag stay ko sa Cebu and nag rent lang ko og BH near rapod sa school. My 1 year of staying in the City went well and doing normal, i made new friends but that's not mean nga dia ko sa syudad ga lakwatsa pod ko not like that, sometimes mo tapok lang ko with my friends if naay mga special occassions, what i do everyday while i'm staying in Cebu is School & BH, if weekends laba, tulog and laag gamay (but not every weekend).

Year 2013 month of August ( I don't remember the exact date but i do remember the year and month.) I was 2nd year college that time, walay klase kay holiday aning adlawa (shout out sa mga students diha! pinaka fave month jud ni namo sauna kay daghang holidays atong f2f class pa) Nanglaba ko (kay wa najud koy panty guyses hahaha chos!) nang halay nako ani nga time when suddenly naay group of boys nga nanganaog gikan sa 3rd floor i guess 4 to sila kabuok (yes mga manang! naa ko sa isa ka building nag board and akong ge rentahan nga room is naa sa 2nd floor and ang naa sa 1st floor kay ang owner) so inyong manang is naa sa hagdanan so kay dili man kaayo ingon ana ka dako ang hagdanan maong kinahanglan gayud nakong mo padaplin, ug sa dihang naka labay na sila sa akoang tungod mipadayon ko sa akong pag panghalay, na shock na sad ko ani mga manang kay duna pa diay naulahi nga gadali pod kanaog ug sa iyang ka dalian ( kani nga hitaboa guyses wa jud ko mag expect nga ingon ato ka epic ang among panagkita) duna koy isa ka balde nga gilain nga puros undies and socks nako like mga small garments lang kay didto man gud ko ni ipang halay sa kwarto (maulaw pod tag ibalandra nato atong bandera sa gawas mga manang noooh? HAHAHA) balik nata sa laki nga naulahi og nagdali sa iyang pagka naog og sa dihang pag abot niya sa ika upat ka ang'2 sa hagdanan na hagbong jud siya og tua mipa ingon sa akong balde nga puno sa akong undies (jusko! nganong diha paman gyud tawon ka mitugpa ngano wa man sa akoa sharlangs! hahaha) nayabo gayud akong mga bandera mga manang og sa akong ka shock wala nako pamunita dayon ga tanga pakog pila ka minutes. Nahugyaw ko sa dihang nitingog ang maong laki ug wako makabantay nga naka barog na pod diay siya, naka matngon ko nga nayabo man diay ning akong mga bandera uy so akong ge dali og pamunit. And take note! ge tabangan ko niyag pamunit (ka liki ba aning hitaboa uy ngano ako pamay ge timing ani kwaa nako lord bi ka uwaw jud pwede nako kaonon sa lupa ani) 

*Our Conversation*

Me: Hala kuya, ako ra uy kaya ra kaayo ni nako.
Kuya: Pasensya na ma'am ga dali man gud ko wala ko makabantay nga duna diay basa maong na digyas ko. (So ako diay sad-an ani? kay sa akoa man tinulo gikan) 
Me: Wala ra kay gipamati nga sakit kuya? (Kuya akong tawag niya guyses kay mas magulang pa siya nako ug gulang2 na pod ug dagway HAHAHA)
Kuya: Wala raman hinoon ma'am, basin napungot ka ma'am kay nahurot ka yabo imong mga nilabhan (syempre kuya! alangan pod kinsay di masuko ana nga gwapo kaayo ka nya kita rakas akong mga bandera nga naa pay bitas og lustridan pa og garter ang uban, ulaw kaayo kuya ulaw kaayo hahahaha) 
Me: Ok ra kuya ako na lama- (naputol sa dihang naay ga tawag niya sa hagdan sa 2nd floor padong 1st floor, kamo nay imagine unsay porma😅)
Boy: Chief! naunsa nga duro meg hinulat, nakig date paman diay ka diraa.
Kuya: Na, natapig-as ko aning hagdanan chief uy timing naa si ma'am nanghalay.
In my mind ( hala uy! nganong chief man gud ni ilang tawagan, mga security guard seguro ni sila maong chief) 

Mao jud nay na hunahunaan nako atong panahona wala man ko mag hunahuna nga pwede sad diay na sa mga pulis. (wala nako ka hunahuna ato uy kay tungod sa akong undies nga na yabo, labi na nga niapil pa ug pamunit si Chief HAHAHA).

Aguy! dira laman usa ta kutob mga higala, kay mo duty usa ko isip usa ka ilaw ng tahanan kay miuli na sab ang akoang haligi ng tahanan. Sumpayan ko na sa tukmang panahon🙂

Amping ug Ampo kita kanunay! 
~Rose❤

--------------------


#SWATGoals PART 2

Hi madlang pips! Kumusta atung mga ka studyantehan diha? laban ra ta sa module mga langga ha, unaha ang module sa skwelahan ayha ang module sa UCFB chos! Bitaw busy man gud si ma'am ninyo sa mga modules ug uban pa, wa pud ko magdahum nga ma post ni ug ma trending ug sa akoang magulang comment lang mo ug MINE😂 Btw sa ako cousin ni nga gmail acc. admin paki secure lang hihi labyo and tnx sa pag post admin😘

angay pa ba ko mo padayon sa akong story? taas'2 gyud ni siya mga langga nya inyung ma'am limitado ra ang oras tungod kay nagsugod na ang klase ug kudkod bunot nasad ta para maka loan aw unsa ba😂, bitaw mga pinalangga kong mga tig babasa hinaot taas mog pasensya ug kon ugaling mag putol'2 akong sugilanon nga ipang share diria sa inyoha, unta masabtan ninyo nga si teacher mag module sad tawn hihi ug inahan sa balay ug asawa pag naa si Sir hehehe, but one thing is for sure HUMANON KO NI BAHALAG PILA KA PARTS PA AKONG MAHIMO, AND OF COURSE HAPPY ENDING STORY NI MGA LANGGA. (daghan nasad ning mag sanaol ani andam nalang ko daan ug subabida kay basig malumos najud kos inyong sanaol hahaha)

Padayon tas akong sugilanon nga naputol. Pagkahuman atong nahitabo na busy na pod ko sa school kay ubay'2 gyud ang apason tungods kadaghang holiday, mao sa pagbalik sa skwelahan makalumos sad ang mga buhatonon (wako ka andam ug subabida kay wako mag expect😂) ug tag alas 6 na jud ko sa gabii maka uli sa bh and wala na pod ko makasugat balik ato nilang chief or maski si chief man lang, sa akong huna'2 mao seguro wa ko makakita ni chief kay permi guro to mag tulog kay security guard gud ug basin pag gabii iyaha duty mao di ko maka bantay na niya diri sa bh (maayo rasad kay maulaw nako mo atubang ni chief kay segurado ko kita gyud to siya sa akong panty nga naay gamayng bitas ug ang garter sa ako medyas na lustridan pa haha).

Month of October same year lang, sembreak na kay padong na kalag'2 atong panahona ug si ako bh ug laag ginagmay lang jud ako buhat sulod anang isa ka semana nga walay klase. Adlaw sa mga minatay Nov. 1 me punta kog menteryo nga duol laman sa bh midagkot lang sa dakong krus kay wala paman ko maka uli pa sa dumaguete, ug sa dihang pasulod na unta ko sa menteryo duna may station sa Pulis nga naka display sa may entrance ug maoy nangunay pag inspection so si ako ning linya ra pod para maka sulod kay isa isahon man pag check pag abot na sa akoang turno naay mi istorya ug kalit ug pag hagad naku si kuya man diay to sa bh nga nadigyas paingon sa akong mga bandera uy! (pulis man diay ang panuhak)

Kuya: Maayong gabie ma'am gamay ra nga bag imuhang dala deretso nalang di nako na e check
Ako: Ah hala kuya! ay sir! ikaw man diay na wa pod tika ma klaro kay ngit'2, sige sir salamat, kadali raman pod ko
Kuya: Pag amping ma'am daghan rabang tawo huot ug alimoot.

Wala nako nitubag ug misulod na dayon ko tinood gyud perti jud daghana sa tao ug grabe ka init kay nag sigkit'2 naman tungod sa ka huot maong sa wa madugay paghuman nakog ampo sa mga kalag nga mitaliwan na ming gawas na dayon ko nya deretso pauli sa bh. Pag abot sa bh nag ilis ug mikaon ug naghuman sa mga buhatonon sa skwelahan pero akung huna'2 wala naka focus sa akoang gibuhat kundi tua ni kuya sir chief, pulis man diay to siya uy mao diayng chief ang tawag ato iyang kauban, ka bulok sad nako uy wa man ko maghuna huna nga pwede sad diay sa pulis ang chief naulawan na hinoon ko ug samot nga nag kuya pa gyud. Sukad atong hitaboa nga mahadlok naman ko mugawas sa akong room uy kay basin ma timing magkasugat me na maulaw najud kaayo ko ba, pero wa jud tay mahimo kung si tadhana ang mangita ug paagi para magka tagbo nasad me ug balik, kay nagka tagbo jud me sa di inaasahang oras hahaha. Ge gutom man gud ko aning orasa mga lawom na jud to ang kagabhion. Sa dihang ge gutom ko ug nigawas kay mupalit unta ug canton sa dihang pa baktas nako balik sa bh diha puy 4 ka motor nagkadungan ug abot ako grabe ng kulba nag libog ko mubalik ba kos tindahan or mupadayon pag saka sa bh, so kay no choice man jud inyong lola maong nag paspas jud kos akong mga tikang samtang sila nag parking pas ilang mga motor, pero pagka malas naman lang jud kay timing pag labay nako sa ilang tungod mao puy paghuman sa ilang isa ka kauban ug park ug ni singgit gyud siya nako maski perti ra nakong duola. (di ko bongol sir gwapa ra pero di bongol)

Sir: hi ma'am, gutom?
Ako: Ah oh sir hihi gamay (patay najud ko ani kay ni atubang napod tos kuya ay este sir chief diay ug niapil sad sa chika)
KuyaSir: ma'am gabii naman kaayo ming gawas paman lage ka?
Ako: ah gutom man gud sir maong migawas ko kadali
KuyaSir: ah mao (nge ka tipid ba gud mo tubag aning kuya sir nga dako man untag sweldo ni ilang trabaho chos! haha)
Ako: oh sir, sige sir una lang ko ninyo

Milakaw na dayon ko, bahalag wa pa sila mahuman ug pangutana kay maulaw najud ko kaayo kay sila naka uniform pa, pero duna koy na batian samtang galakaw ko padong sa hagdanan, ana iyang kauban isa nila nga.

Sir1: kusgana ba aning chief ****** (refering to sir nga ni approach nako ganina dili si kuya sir ha!) tingalig ugma inig mata namo chief uyab na nimo to si ma'am ha
Sir2: Bali isoga nimo chief, mahabilin ka gyud diri sa cebu kay ma minyo nagyud ka. (sabay pangatawa nila tanan)
Ni interrupt jud si kuya sir kay sa akong nadunggan ana siya nga "Paghilom namo kay madungog mo ato". Ug kalit na pod silang nangatawa, ambot ug unsa ila ge kataw-an wala nako ka bati kay misaka nako ug sila sad ga padulong napod saka. (dagkong tao naka uniform pag pulis pero grabe man sad diay ug maka libak kay mura man pod diay ug mga baye duro pod ug katawa hahaha) 

Days has passed ug duna koy isa nga naka suod nga ka room mate ang iyaha room atbang lang sa akoa room maong dali rami nagka sood kay hilig man siyag pangabli sa iyang pultahan ug mga bintana maong taga panglimpyo nako sa akong room dugay najud ko maka sira pag balik kay grabe man tabisa sa baba bayhana uy sobra ka chikadora ay este tabian diay hahaha bitaw pero malingaw man pod ko maminaw sa iyaha gud maong pasagdan na lamang nako siya nga mag burara sa iyang baba hahaha. Tawagon nato siya sa ngalan nga Marites (kay tabian man gud hahaha nya chismosa sad) bag.o palang ni siya sa BH mga 4 months pa seguro pero halos tanan nakasood na niya asta napod diay sila KuyaSir naka higala napod niya tungod sa iyang kakatol ay este ka friendly (sorry besh! katol man sad ka usahay diba? labi na atung isa ka kauban nilang KuyaSir nga pormahan ug si richard gomez hahaha) duna may miagi nga isa ka kauban nilang Kuyasir naka uniform pa mao tong si inday marites abtik kaayo nga nakaduol og naka chika nako parte nila

Marites: Besh! (mag besh jud ni siya tanan namo) 
Ako: yes why? (wa juy lami ang tubag nako sa?)
Marites: Lain puy ato ba kana silang Sir taga Neg Or. and blahblahblah (wa koy paki jud sa iyang gipang yawit kay wakoy paki nilang KuyaSir)
Ako: mao ba? aw bahala sila uy gulang na bitaw na sila
Marites: Di uy! ikaw ba! wa jud kay lami ika storya kay permi ka way paki
Ako: kapoy sige hisgot anang dili ma atoa uy maong hunong na daan ug unsay ge balak nimo ana nilang Sir 
Marites: Ah grabe man, wala pa gani pangunahan man masuhong gani di jud ma dayun (tan.awa ra ga plano najud diay ning bayhana ni)
Ako: na bahala ka uy, ako sa salbahon ako kabutang diri sa Cebu ayha ko mangatol hehe
Marites: Kigwa ka man uy! lain puy ato duha man sa ila naay sakyanan
Ako: pataka ka man lang! nga de motor mana silang tanan
Marites: na dili uy duha kabuok ana nila nanag iya ug auto puti ug itom lantawa gani dihas akong bintana diba kita diha
Ako: aw ambot lang pasagdahi na sila uy, daghan ng baye ayaw pa lista ug apil 
Marites: Haha pwede rasad besh, tilawan ta ni ilang pina lami nga pormahan
Ako: ada bahala ka uy! musulod nako kay maagian unya ta dinhi nagtoo pag ge libak nato
Marites: kay wala diay? ( panuhak ning bayhana siya ra jud ang nanglibak ge angin pa kos tabaghak)
Ako: Panuhak jud ka uy, bahala naka diha uy.

Pagkaugma nagkasugat me ni Sir katong ni approach sa akoa

Sir: ma'am morning, klase ma'am? (ay ka klaro ana sir kita man ka ga uniform ko diba lain sad kaayog sa bar ko paingon nya ingon ani ako porma)
Ako: ah oh sir, sige sir una lang ko
Sir: ma'am dunay birthday sa amoa kauban saka unya mo sa rooftop atong imong amega naa me gamayng hikay
Ako: mao ba sir, di lang sir uy busy pod ko sila lang guro
Sir: kita raman ma'am kay usa pa di man pod musugot ang landlady nga magpasulod ug laing tawo nga wala diari mag puyo
Ako: mao sad, tan.awn lang nako sir kay busy man gud ko (pero wa jud koy plano muadto uy kaulaw man lang jud noh)
Sir: Sige ma'am paabot me
Ako: sige sir ari sa ko

Pagka gabii na, wa jud ko mugawas sa akong kwarto uy nanirado ra gyud tawon ko kay mahadlok arion ni Marites kay niingon najud to siya daan nako pag abot nako gikan school nga gipang imbitar daw me sa birthday sa kauban nilang sir. Tuod man wa juy ga sinamok sa akoa pero mga tiod'2 naay nanuktok sa akoang kwarto, wala unta koy plano ablihan kay basin ug si marites lang pero ang landlady man moy ni tingog nga pa ablihan daw mao pag abli nako ang nibungad sa ako kay ang owner sa BH ug ang duha ka pulis tua sa luyo ga bitbit ug mga sud-an ( hala uy! mura man tawon ko ug disable ani nga hinatdan man ug pagkaon) naikog gyud ko sa ila ge buhat maong pag taod'2 misaka gyud ko sa rooftop ug naabtan nako sila nga ga tagay. Ge kamay ko ni sir nga paduolon ug ga hinay'2 ko ug duol sa dihang me babag sa akoang atubangan si KuyaSir....(sumpayan)

Aguy! ug sa dihang di masulod maong kinahanglan gyung putlon nato mga higala... sumpayan ko usab sa tukmang panahon kay si Sir manawag na sab (wa raba gyud tawon tuy kalibutan sa gibuhat sa iyang misis, unya na nako pabasahon pag mahuman nako among story.) siya ako pabooton ug mag Face Reveal ba or Response lang gikan sa iyaha hihihi (ma excite man sab ko ani uy) 

Ps. atangi ang ika 3 nga takna sa maong storya para kitang tanan mag dungan ug SANAOL 

Amping ug Ampo kita kanunay!
~Rose❤

________________________________

Part 3: 

"I found you without looking and love you without trying."

I've been reading all your comments and I do really appreciate all your patience reader's, Thank you! and lablab. To those who were asking pilay age gap namo sa akung kuya, my manong is now 30 years old and yes! he's also aware nga ge baligya nako siya diri sa UCFB (para ma menyo na ba haha) Ug pasensya na kay tag mugbo ragyud akuang masulat para ninyo, dili makuha ug mataas nako that's why ako e summarize nalang kay busy pud ko sa mga gc's intawn huehue 14 ka gc's ang ako ge handle both grade 11 & 12 and wala jud naka mute tanan so si ma'am ninyo makugang intawn if mag sunod'2 ug pop ang messenger kay basin nagdahom ug si Sir ba ang mi chat unya wala ma tagad ni ma'am haha maong reader's can't make it long jud sama sa ka long sa inyong ka single chos joke lang! Lablab reader's *finger heart*

FF. that night when i was slowly walking padong nilang sir i was planning nga ni Marites mo tapad sa paglingkod but then suddenly si (butangan nalang nakog name si KuyaSir uy!) Jack me babag sa akung atubangan nga totally dili najud ko maka agi ba ug mi estorya naku nga "Muinom diay ka ug beer ma'am?" and i was like "😳" naglibog ko ug unsa akung e tubag maong me tando nalang ko. I was tipsy but i never get drunk kabalo ba mo ngano? si Jack man lang gud ang musalo sa akuang baso and this time naa siya sa akuang likod naka pwesto na that's why everytime if sa ako na ang baso siya gyud dayun ang mudawat (hala ba uy nganu ka Sir? wa lage ko na inform sa imong ka protective? chos!)

J: ayaw na ninyu tagae si ma'am kay basin ug klase pa ni siya ugma
A: ok ra sir uy! wala me class ugma kay sunday man ugma
J: aw tood man diay, unsa gani ngalan nimo ma'am?
A: Rose sir
J: Taga asa man pud ka ma'am nga naka BH man ka ug pila may edad na nimu? (interview gyud diay sir?)
A: taga dumaguete ko sir wala man gud me kaliwat nga mapuy-an naku dinhi sa syudad mao nag BH ko, 21 sir
J: asa man dagway na inyuha sa dumaguete ma'am? ako taga Neg. Or sad ko pero sa Gihulngan amo
A: mao ba sir
J: ayaw pag sir rose tawga rako ug jack dia ra bitaw ta sa BH wala bitaw me ga duty 
A: *smile

Pagka taod'2 mikanta na ilang mga kauban ug Happy Birthday song nahibong ko ug nganung naa sa akoa ge dala ang cake nga naay candle, padulong naku ug sa dihang naka realize ko naa man diay si jack sa akoang luyo haha siya diay maoy nag birthday ug na shock gyud ko kay pag padulong na niyang blow sa candle me agbay man gud na siya naku, tablaw ug pang kanchaw silang tanan labi na si inday marites (pero di man nimo siya makita nga nahubog atong orasa guyses!) nag wish ug mga 1hr si jack uy haha baling dugaya naka blow sa kandila, paghuman niyag huyop ayha pa niya ge tang'2 iyang kamot nga naa sa akong abaga ug mi hong'2 naku

J: ma'am ubani sa ko kadali naa kuy adtoon
A: ha? (mahibolong jud ta no? kay nganung ako man gyud?)
J: tara ma'am uban ta kadiyot ra
A: sila diay sir? (refering sa iyang mga kauban)
J: mga hubog na sila ma'am ikaw nalang kadali ra man ta
A: ok sir kadali raman kaha balik raman kaha dayun?
J: o ma'am, mananghid saku daan 

Paghuman niyag pananghid nanganaog dayun me ug miadto sa iyang sakyanan. (Yes mga langga dili fake news ang baba ni Marites sakyanan gyud iyaha ug sa iyaha usa ka kauban) ug didto sab nako nahibal-an nga ge palabang diay niya iyang sakyanan ug ge sugat sa pantalan lang ge swap sa iyang motor, (wala ko mangutana niya siya ray ning estorya kay seguro kita man gud ko nga motor to iyang ge park atung nagka tagbi me) miadto me una sa sto. niño (gawas ra) midagkot ug pagka human ge dala ko niya sa usa ka lugar nga bugnaw ug hilom (i know what you're thinking! but wrong mo tanan hahaha ekis!) ge dala ko niya sa usa ka lugar sa busay (nakalimot nako sa pangan atung lugara basta unahan siya sa temple of leah nga tua didto makita jud nimo ang city lights and bugnaw ang hangin ug grabe ka mingaw)  

A: hala karun pako ka ari diri ka nindut gud diri sir
J: *wa mitingog
A: dugay na diay mo diria sa Cebu sir?
J: ayaw lage pag sir rose, mag 3 year's na ko diria sa cebu pero puhon mubalik nako sa neg. or kay mag schooling 
A: ha? (kaning wa tay knowledge sa ilang kurso wa jud ta kabalo nga mag schooling pa diay sila kung gusto sila mo step-up)
J: wala rose uy, paminawa ang kamingaw 
A: mao gyud sir grabeng hindota diri sir uy mingaw ug walay saba
J: nag sir napud
J: ma'am naa koy e estorya sa imuha ba dili kaha ka malain sa akua?
A: ha? unsa man sir? 
J: tua napud, jack ra lage
A: aw jack diay, unsa man?
J: kahinumdom pa ka atung una natung kita? (hala uy! tood diay ahak gipahinumdom paman nimo sir uy!)
A: Aw o sir, ayaw natu ipa hinumdom sa akua sir uy haha ulaw kaayu to
J: *katawa* bitaw ma'am pasalamat gyud ko nga nahitabo to sa akua kay diha naka ila taka.
Nitan-aw rajud ko niya daghan kaayo siyag gipang estorya bahin sa akua (dili na siya ang specific jud nga ge estorya ni jack ato ha but same'2 najud)

J: ma'am kabalo ba ka nga sukad atung hitaboa muagi gyud ko permi sa inyung school sa sige nakog agi nakabalo jud ko tag unsa ka oras mag ulian ug mag break or vacant nimo, duol ra baya among station sa inyong school maong maka chance gyud ko permi nga maka stalk gyud nimo, pasensya na gyud ma'am ug in-ani ko pero wala man koy balak sa imoha nga lain, seguro naibog ko sa imong mata nga permi lang bitaw magkatawa, maldita man gud ka ug dagway ma'am maong maski isa rata ka building ug gipuy-an mahadlok gyud ko mutagad sa imuha, wala gani ko mamugos nga karon birthday nako nga pasakahon gyud ka sa taas maong gipa hatdan na lamang taka ug sud-an sa ubos pero wa baya ko magdahom nga musaka diay ka, grabe nakong lipaya sa akoang adlaw ron ma'am tungod kay misaka ka sa rooftop ug miuban ka nako karon. Salamat.

Speechless gyud ko mga manang wa gyud maka tingog inyong rose. Nanguli nami ug wala jud koy tingog'2 pero si jack still mura rag walay ge confess sa akoa ba casual ra gihapon iyang pag tagad sa akua.

Nakabalik nami sa BH ug wa nalang ko misaka sa taas pero si jack mihunong kadali sa akong room ug mi estorya

J: ma'am musugot kag sa dili manguyab ko sa imoha
A: pag sure ka diha jack uy!
J: 5 years ramay gap natu ma'am, basta kay mo diskarte ko nimo pasagdahi lang ko
A: hubog raka jack ikatulog nana ayaw na pag inom ug balik (pero wa gyud siyay tama ani guyses kay sakto pa kaayo siya sa pamuot)
J: Sige maminaw ko sa imoha, pero pasagdahi ko sa akong pag diskarte diha nimo
A: Sige jack makapaabot man kaha kag isa ka tuig
J: da pila pana ka tuig rose ikaw ray akuang paninguhaan
A: ok mao man kaha, mangatog nata ayaw na pag inom
J: ok rose goodnight.

FF. Pagkaugma ge tinood gyud tawon ni Jack iyang pagpanguyab sa akoa, sunday is ting simba man gyud na nako, sa dihang may nag toktok sa akong pultahan pag abli nako si Jack sputing kaayo gwapo kaayo sa iyang porma, nanghagad nga manimba daw me (kasayo ba pud ani niya makigsimba nga tag alas 5 sa hapon man ko magsimbahan uy)

A: sayo pud nimo uy
J: maayo hinoon na kay taas ta ug oras (hala no? ana diay na?)
A: wala pa ko kaligo uy kita kang mao pay paghuman nakug panghipos
J: kaligo na unya pag ready balikon tika diri after 2hrs 

Ug tood gibalik jud ko niya after 2hrs (ana jud diay mong mga lispu no? on time gyud kaayo masuko rabag malapas nata sa oras nga ilang ge tagana hahaha)

Sukad gyud atung pag confess ni jack sweet na kaayo siya naku permi nako niya gina visit sa school everytime lunch break hagaron ko niya, dungan meng maniudto, di pud ko maka deny nga di gyud ta maibog aning tawhana kay maka inlove man uy, pero gipugngan usa gyud nako akung self kay di raba uyab'2 akung tuyo diria sa Cebu mga langga akung pag eskwela intawon akung ge una, pero kabalo na si jack daan ug mas ning bilib daw siya sa ako pananaw sa akung future kay maski daw naay mag diskarte ug maninguha nako dili daw ko madali ug ilad kay mas praktikal daw ko mag huna'2 (siya ang ga ingon ana ha di ako chos!) ug andam gyud daw siyang mupaabot. 

And to my friend Marites? Wa me ma inform tanan sa building nga uyab na diay sila atung kauban ni jack nga ni approach nako atong nasugatan ko nila anang gabie nga gikan ko sa tindahan, paspas paman diay ni sa kilat akong friend nga si marites uy! ug wa mo estorya si jack nako wa gyud ko makabalo (ingon-ana ka honest si jack nako ug unsay kaganapan sa iyang kauban mo estorya gyud na siya sa akoa haha) kay di gyud sila ma ilhan pag sa building kay ug magkasugat di gyud sila magtagad maong wala gyuy makaila nga uyab diay sila (di man unta me chismosa sa building uy siya raman unta ngano wa paman me niya pahibaw-a gud hahaha). Naa pud daw silay kaugalingog world sa iyahang Sir daw maong ug hilom'2 ug tago'2 lang sa daw (pero ulitawo pa ang kay marites ha mas bata pa gamay ni jack mga 2 years guro hihi) kay lisod daw siya ug kaliwat kay ug taras siyag baba mas taras kunog baba iyang mga kaliwat HAHAHA (may pinag manahan man diay inyong inday marites uy hahaha) 

Next Part will be the FINALE guyses! and kabalo na diay Si KuyaSir ay este Jack diay nga nag confess ko diria kay naay one of his ka team nga nakabasa and usa to sa kauban nila sa Cebu and he's also one of the people who witnessed our mala mmk love story chos! and he said nga ayha na siya mubasa pag mahuman na nako, kay ug naa daw kulang or naa ba koy gipang twist daw siya daw ang mo response hahaha (kuyawan tag balig 1/8 aning jack da!) 

Diri sa ko kutob kay nagparamdam napud akung tummy and i need to eat some sour foodies hihi basin naa moy ma donate diha nga mga kamanggahan and ka bagoongan mga higala? hahaha joke! Nagparamdam nasad ang mga student's sa gc hehe kay mag exam pami later and of course HAPPY WORLD TEACHER'S MONTH TO ALL TEACHER'S💖 Laban lang jud tas mga 14 ka gc ani haps? mga mam/sir compile lang ta ng compile para maka loan nata hahaha labyo all dear reader's and specially sa admins. 

THE BEST KIND OF LOVE IS WITH THE MOST UNEXPECTED PERSON AT THE MOST UNEXPECTED TIME.

Amping ug Ampo kita kanunay!
~Rose❤

No comments:

Post a Comment

Featured Audio: Hubog ka, mao gidala tika sa Paradise.

Latest Stories