Search for Stories

Thursday, November 11, 2021

She's A Jehovah's Witness

 

#ReligionOverLove

I'm Rico 28 years old now. Para ni sa babaye nga gibuhian nako tungod kay mas gipili niya iyang religion. Teenager nga move pero mao lang ni ang paagi aron makahibalo siya sa akong gibati karon kay dili naman siya managad bag-o lang nako siya nakita. Unta tagdon ko nimo diri.

Itago lang nako siya pangalan nga Joy, second name unta na niya pero dili na niya tiggamit kay wala sa iyang NSO. aron isip respeto nalang sa ilang religion ug sa iyang baroganan aron dili siya mailhan.  

Nagkaila mi sa BISU main campus, Bohol, she's taking DIT Major in Food Technology. Ug ako BS in Electrical Engineering. 

We started as textmates kay naay nihatag ug number niya sa ako. Wala pa siya nag enrol sa University, textmates nami. I was in my second year that time, wala gyod mi mag meet sukad niabot nalang mi ug halos usa ka tuig wala siya kita sa ako wala pud ko kita sa iya kay dili pa siya active ug social media that time. Dili pud siya makig meet nako kay mahadlok daw siya basig unsa ko mao nga girespeto nalang nako iyang gusto.Hangtod sa niingon siya nga mo skwela siyag college ug sa BISU siya mag enroll. Lipay kaayo ko kay makita na nako ang ka text ug katawag nako for almost a year. Day sa entrance exam, maoy sabot namo nga mag meet sa campus kay ubanan nako siya mo take sa exam. 

Diha gyod ko nag atang sa entrance kay sugaton nako siya, balik2 nakog memorize iyang giingon sa suot ug porma niya. Hangtod sa dihay nilabay sa akong atubangan nga babaye ug sure gyod ko nga siya na, wa ko katingog sa una kay nakalitan ko nga diha na diay siya sa akong atubangan wala ko kabantay sa kadaghang nisulod. Pas2 kaayo siyang naglakaw, wala siya kahibalo nga diha nako sa iyang likod nagsunod niya. 

Hangtod sa nipila na siya aron mopasa ug mga requirements diha gihapon ko nagsunod sa iyang likod. Gwapa man diay pero murag striktag nawong dili mokatawa maong naulaw kong moduol. Pagkita nako nga nikuha na siya sa iyang cellphone, gitawagan nako dayon. Una niyang tubag  
 ' Asa ka? ' . Wala ko nitubag niduol ra ko niya ug gikuhit ra nako iyang likod sige kog katawa. Nangatawa ra ming duha kay dili gyod mapug-ngan akong ngisi. Worth it ang almost 1 year nga paghulat. 

Nakapasar si Joy sa entrance exam ug naka sulod sa University. Kanunay ming mag kita sa Campus, pero dili kaayo ko makaduol niya kay kanunay siyang daghang amiga nga uban. Sige ra kog paramdam niya nga niangay ko niya ug gusto kong manguyab pero kanunay niyang e-change topic. Pero base sa akong tan-aw ug makita ko niya bisag naa ko sa layo nakabantay ko nga magsige siyag lantaw nako ug usahay pa magka eye to eye contact mi, feel gyod nako nga mutual among feelings pero naay nakababag niya. Usahay napud siya mo text nako, akong hunahuna na busy na gyod siya sa pag skwela.  

Until acquaintance party sa University. Plano nako nga manguyab na niya pero wala siya motunga sa acquaintance. Wala nako siya nakita sa iyang mga kauban, gipangutana nako sila ug nganong wala siya. Ilang ingon bawal daw sa ilang religion. Didto ko naka hibalo nga dili diay siya Catholic.  

Naghimo gyod ko ug paagi aron ma estorya nako si Joy, sigeg kog pangutana kon kanus-a iyang vacant kay mag estorya mi nga naay koy importante nga iingon. Sa kadugayan nakong hangyo nisugot ra siya. 

Giingon nako niya tanan nakong gusto nga isulti apil akong gibati niya. Nakurat ko kay gisugot ko niya dayon, pwerte nakong lipaya. 
Wa ko nag expect nga dali ra kaayo ko masugot dugay ra daw pud siyang nakaangay nako pero wala ko kasagang sa iyang giingon. ' Itago sa lang nato ni Rico kay dili pwede sa amoa nga manguyab ug laing religion ' . Kahiubos akong unang gibati kay ngano diay, bawal sa ilaha ang mahigugma? Daghan kog pangutana about sa ilang religion ug gipasabot ko niya. Naglibog gihapon ko pero gidawat nalang nako nga tago among relasyon, naa ra siguroy solusyon sa unahan.

 Love nako si Joy labaw na kay naa siyay mga prinsipyo ug baroganan nga panagsa ra makita sa babaye. Balay, skwela ug sa ilang simbahan ra gyod iyang routine. Maminaw pud ko niya ug mag share siya nakog about sa bible everytime mag uban mi sa Campus, bible among hisgotan. Daghan silag bawal, Christmas, Birthday, Fiesta ug uban pang naandan sa mga katoliko. Gi explain niya tanan nakog maayo ug nakasabot ko. Nakasabot pud siya nako kon nganong dili gyod nako malikayan nga mag participate gihapon ana kay mao nay namat-an nako.

Kaingon kog ma ok ra gyod among relasyon pero, niabot ang panahon nga kinahanglang mopili si Joy. Na diskobre sa iyang ginikanan nga naa siyay uyab nga dili pareha nila. Naghilak si Joy nga nagtawag nako kay wala siya kahibalo sa iyang himoon. Nangutana kog unsay address nila kay akoy moatubang pero wala gyod siya mosugot nga modung ko sa ilaha.  

Gikuhaan si Joy ug cellphone, wala nako naka contact niya. Ang pag-asa nalang nako ang pagkita namo sa campus. Dili gyod ko gusto nga magbuwag mi , dili na ko ganahan ug maghisgot siya bahin sa ilang religion kay basig mopadung sa desisyon nga magbulag nalang mi. 

Pero di gyod lalim ug Ginoo nay mobabag. Hapit na to summer break ug birthday nako. Wala kahibalo si Joy nga birthday nako gituyo gyod to nako aron maka ingon ra siya nga normal ra nga adlaw. Bisag akong birthday gipalitan nako siyag bulak ug gi treat ug lunch sa restaurant sa mall. Gitigoman gyod to nako kay aron makauban siya nako sa akong birthday pero wala ko nagdahom nga maoy birthday nako nga dili gyod nako makalimtan. Ingon siya nako 
' Rico, sorry.. Nakonsensya na kog maayo dili na nako kaya akong pagpamakak. Dili gyod ta pwede,love ka nako pero dili ta pwede, love ka nako pero mas bug-at nako among prinsipyo. Magbuwag nalang ta karon Ric. " 

Murag gilambos sa ako ang kamatuoran. Dili ordinaryong babaye si Joy, naa siyay baroganan ug prinsipyong gidapigan. Mas bug-at pa sa gugma niya nako. Wa na koy mahimo. Naghilak siya nga nagsulti nako, pero wala gyod nako ipakita akong luha. Gipakita nalang nako niya nga nakasabot ko sa iyahang desisyon pero sa sulod nako, kinasakitan kaayo.Wala nalang nako gipamugos akong gugma niya. Wala pud nako gipakita niya akong luha, pero paglakaw niya, gidungo nalang nako akong hilak aron walay makakita. Murag maparehas gyod ko nila ba, dili na mag celebrate ug birthday.

Sukad adto, wala nami contact ni Joy. Pag abri pud sa klase, wala na nako siya nakita. Nangutana ko sa iyang mga ka batch. Niundang daw si Joy. Wala sila kahibalo sa hinungdan. 

Nipadayon nalang ko sa akong kinabuhi hangtod sa naka graduate ko sa college ug nakasulod ug trabaho dinhi sa Cebu.
Nakauyab kog kaduha pero puros wala nagdugay. Sala pud nako kay pangitaon gyod nako nila ang character ni Joy. Wala na nako gisuwayan ug pangita si Joy bisag sa social media kay dili nako ma explain, naa gihapon akong gugma nimo. 

Karon lang bag-o, nag byahe ko padung ubay kay mobalik kog Cebu. Nag commute lang kog series bus. After 9 years, nagkita ming Joy. Nagkasakay ming duha, wala ko kaayo nakaila niya kay ga mask. Atbang ramig gilingkoran, pag tingog niya gikulbaan kog kalit kay dili gyod ko makalimot sa iyang tingog. Wala ko kahibalo ug nakabantay ba siya nako. Pero sa tibuok byahe, lipay kaayo ko. Gusto kong motapad niya pero naulaw ko. Nakahinumdom pa kaha siya nako? Sure ko dalaga pa siya gihapon kay walay nausab sa iyang lawas, slim gihapon. Diha ko nakahuna2 nga e search siya, pero dili nako makita iyang name. Lahi siguro iyang gamit. Kaingon kog layo pa siya pero nitindog na siya kay monaog na, diha pa na ko siya gisitsitan, gikuha nako akong mask. Nisiga lang iyang mata ug niingon ug Hoy! nakuratan pud siya pero dili na siya pwede magdugay. Lami unta pud monaog pero gadali pud ko. 

Kung mabasa ni nimo Joy. Send sa akong email dre or mamalihog kog kinsay admin ani nga page.  
Mag attached kog picture ni Joy para makahibalo ang admin kon siya na ang mo message pero please AYAW LANG EPOST kay aron dili siya ma question. Need lang nako makit-an ug mahibaw-an imong account ug gusto kong makita napud nimo nig uli nakog Bohol. Aron mahilona na akong kalag. Ayaw kabalaka kay wala na tay problema. 
Ug naa naman gani kay gihigugma lain, andam nakong dawaton. 

Perme kong mobisita ani nga page ug follow sa mga admin ug naay update ni Joy. Salamat. 

Rics.

______________________________________

#ReligionOverLove RESPONSE

Response to Rico

Principles of Love _ Joy

Good day sa tanang avid readers ani nga page. Ako si Joy nga gihisgotan ni Rico ug usa sa ko sa mga Saksi ni Jehova. Salamat diay una ni Admin Selene nga maoy nag connect sa mga fb account namong Rico aron magka contact mi. Nakuratan ko pagbasa nako sa iyang confession ug sa dili gyud ko makatuo nga naa siyay kaisog nga mo send ug mga ing-ani. Mao nga pahimuslan nalang pud nako ni nga kahigayonan nga mo explain ug masabtan sa uban kon nganong ing-adto ang akong nahimong desisyon.

Nagbata ko nga Saksi ug ginatudloan ug unsay mga pagtulon-an sa bibliya, pero dili gyod malikayan nga madani sa mga normal nga buhat sa mga teenager. Usa ana ang textmates, uso na kaayo sa una. Unya dinha nako naka text si Rico. Na enjoy pud nako nga maka text siya kay dili pud magbinastos pero wala nako siya tug-ani nga dili ko Catholic. Hangtod sa niabot ang time nga nagkita mi kay nisuway ko ug eskwela sa college ug didto nakagusto ko ni Rico.

Dili bawal sa amoa ang mainlove kay ang romantikong gugma natural nga emosyon nga bation natong mga tawo ug gift kini nga gikan sa atong Diyos. Pero sa sitwasyon namo ni Rico adtong panahona, dili gyod pwede nga ipadayon pa namo. Kay una, kawat kawat nga pag date among nahimo kay wala kahibalo akong ginikanan. Ug dako kaayong sayop kay nag-uban ana nga kinahanglang mamakak ko sa akong ginikanan aron dili ma diskobre ang relasyon namong Rico.

18 nako adto nga time ug para sa kadaghanan ok na kaayo na nga makipag relasyon pero nag warning daan ang bible labina natong mga batan-on nga dunay panahon nga gitawag ug " bloom of youth " o " pagbuswak sa pagkabatan-on " mabasa na sa 1 Corinthians 7:36. Diin anang panahona o aning mga edara, kusog kaayo ang bation nato nga romantic love sa atong naangayan o nagustohan nga ma curious ta kon unsa kahay feeling kon naay mag care ug love nato or unsa kahay feeling ug magka boyfriend or girlfriend. Nga naay kanunay moingon nato nga good morning love, good evening love or nikaon naka? Giingon sa bible nga natural ra gyod na nga bation sa usa ka batan-on mao nga aning panahona daghan kaayo tag crush ug makaingon nata usahay ug love na gyod ni atong gibati. Mao nga dili na ta makabantay nga atong gibati, infatuation lang diay.

Lahi ra kaayo ang love ug infatuation. Kay ang infatuation, maghunahuna naka deretso nga mao na ni siya, siya na ang perfect one para nimo nga feel gyod nimo nga dili naka mabuhi ug wala siya ug himoon gyod nimo ang tanan para niya mao nga mahimo nakang selosa o seloso ug over protective na kaayo niya ug walay lawom nga basehanan imong pagkagusto niya, gusto lang nimo siya kay gwapo or gwapa siya ug nindot kaayo siya mangistorya. Ang imong gibati, murag naggama rakag sand castle sa beach, dili magdugay ug daling mawala. Ing-ana ang infatuation, feels like love but it doesn't last long. Mao nga daghan sa mga batan-on nga nanguyab ug sayo kasagaran, dili gyod magdugay ug dali ra kaayong makakita ug bag-o. Dili love ilang na feel , infatuation lang.

Ang love, gi describe sa
1 Corinthians 13:4, 5, 7, that, love is patient and kind, love is not jealous. Does not behave indecently, does not look for it's own interests. It bears all things, believes all things, hope all things, endure all things. Maong ang love dili lang basta basta nimong ma feel, nagkinahanglan nig panahon ug oras kay dili lang sa physical appearance ka niya magbase kondili sa iyang sulod ug tinood gyod nga pagkatawo ug nagkinahanglan kag panahon aron imo ng makita. Love is based on knowledge of a person's strengths and weaknesses. You have a good reason to be attracted to that person , not a selfish one. Real love grow over time, and only real love can endure the test of time.

Infatuation is what you feel but Love is what you know.

Gipasidan-an pud ta sa bible nga kinahanglan natong makontrol ang atong emosyon. Kay aning mga edara ma curious pud ta about sa pagpakighilawas o buhat nga angay lang himoon sa bana ug asawa. Kusog kaayo na nga pagbati aning panahona nga pwedeng makapameligro nato ug makabuhat sa butang nga basolan gyod nato sa ulahi. Mao nga kinahanglang mag-amping kanunay ug maghulat sa saktong panahon. Murag prutas nga wa gyoy lami kon dili pa sakto ang pagkahinog.

Kana kanunay ang ipasabot sa akong mga ginikanan nako adtong panahona ug kanunay silang nag-ingon nako nga dili pa saktong panahon para anang butanga. Mao nga pagkahibalo nila nga nakig relasyon kong Rico, gitambagan ko nila ug gidisiplina sa pagsupak nako nila. Pero kay kusog lagi ang pagbati nakong Rico aning panahona wala ko naminaw ug nagpadayon gihapon ko ug niabot ug pila pa ka buwan. Pero sa kanunay nakong pagpamakak niabot sa point nga dili nako katulog sige kog ampo pero sige pud kog pamakak , nakasala nako kang Jehovah, mao nga nakadesisyon nako nga hunongon nalang among ginabuhat kay lain gyod ang mahimong resulta sa unahan. Para pud sa kaayohan namong duha.

Dili to sayon sakit pud kaayo para nako kay gibati gyod nako nga love na kaayo nako siya ug dili gyod lalim labina kay siya akong unang boyfriend, nag imagine nako nga siya na akong makadayon ug mabana. Perme nako siyang hunahunaon ug mingawon kong Rico, usahay makahunahuna kog ingnon nalang siyag balik ug Joke ra to oy aron magbalik nalang mi pero gipugngan gyod nako akong kaugalingon ug perme kong makig estorya ni Mama about sa akong gibati mao nga perme pud ko niyang tambagan aron makahunahuna kog sakto ug tarong. Walay tambag sa ginikanan nga makadaot nato, naglantaw lang sila kanunay sa unahan ug nagbantay aron dili ta motipas gikan sa saktong dalan maong kanunay pud tang gi encourage sa bible nga kanunay silang sundon ug paminawon labina sa panahon nga dili pa matured atong hunahuna. Nagkinahanglan pa ta sa ilang guidance.

Niundang kog skwela ug nagfocus sa pag-alagad kang Jehovah. Ni skwela lang kog vocational aron naa koy ika support sa akong kaugalingon ug makatabang pud sa kong ginikanan. Aning mga panahona wala gihapon nawala si Rico sa kong hunahuna. Pero gi kontrol nakog maayo aron dili ko mokakontak niyag balik. Kay usa pud sa hinungdan dili mi parehas ug baroganan ug prinsipyo ni Rico kay sa giingon sa
1 Corinthians 7:38 " magminyo lamang diha sa Ginoo " mao ni ang prinsipyo nga hugot nga ginasunod sa mga Saksi ni Jehova, kinahanglang diha lang sa pareho namog pagtuo among minyoan kay para ra pud ni sa kaayohan ug mosukod ni kon unsa mi ka faithful ug loyal kang Jehovah. Pero naa puy mga sitwasyon nga dili gyod mapugngan nga naa gyod kay nagustohan nga dili parehas namog pagtuo ug gusto gyod kaayo nimo siyang pakaslan. Naa man tay kaugalingon nga desisyon ug freedom nga mopili, mao nga walay makabuot nimo ana ang importante wala mo nakabuhat ug sala sa wala pa mo makasal.

Sa taas nga panahon nga wala mi magkita ni Rico wala nako nisulod ug relasyon. Ingon nila andam nakong maminyo pero bisan diha sulod sa among organisasyon dihay nanguyab nako pero nakaingon kog murag dili paman gyod ko andam. Mao nga single gihapon ko hangtod karon. Nalipay ko nga naka estorya mig balik ni Rico. Kay usa siya sa nakatabang nga mas ni mature akong hunahuna. Nag study na diay siyag Saksi dugay ra ug naundangan kay na busy na siya sa trabaho. Pero karon niingon siyang ipadayon na niya.

Sa pagkakaron, pakighigala lang akong mahatag niya ug dili pa nako masulti kon kanus-a ang panahon nga mahimo na kong andam mosulod pag-usab ug relasyon kay naa koy mga priorities nga kinahanglang unahon. Wala ko kahibaw unsay rason kon nganong gitagbo pag-usab ni Jehovah among mga dalan ni Rico. Kon tungod sa rason nga siya ang gi reserved para gyod nako. Andam kong maghulat niya.

Love is patient, it bears, believes , hopes and endures and it will never fails. It's costly but it is worth it.

Daghang salamat, kon gusto pa mog dugang impormasyon about sa mga tambag sa bible para sa mga batan-on pwede mong mo bisita sa website sa mga Saksi ni Jehova sa www.jw.org.

💞💞💞💞

No comments:

Post a Comment

Featured Audio: Hubog ka, mao gidala tika sa Paradise.

Latest Stories