Search for Stories

Monday, November 01, 2021

Kaguran - Completed

 

#Kaguran

Part 1: Nakahuwam naba tanan ug kaguran mga mars? Huwam na aron magkinaguray nata rawr. Just call mi Inday 25 years existing in this world. Kay uso naman ang kaguran karong panahona nga kalag2x, swak pud akong story kay nagka close mi sa akong banana tungod sa kaguran.

Actually dili to siya kalag2x, semana santa tong panahona nga na close nako si Dodong, kababata ni nako pero dili nami close pag dagko na namo. Gikan ug abroad nis Dodong adtong panahona kay seaman si Dodong. Ug ako usa ka government employee sa among city. NBSB ko adto mga mars kay workaholic ko kaayo dili man pud ko pilian pero wa lang gyoy nanguyab nako. Mangil lang kong focus sa work pero wa gyoy naibog sa inyong Inday oy, ambot ngano gwapa man unta pud ko ingon sa among iro. Lami kaayo ang lovelife sa uban pero ako lami ra tawon pero sagdi lang basta buhi.

So enough sa akong description, proceed ta sa among story ni Dodong. As I've said holy week tong panahona ug busy ang mga tawo ug kinaguray kay mag benignit. Kinaguray here kinaguray there kinaguray everywhere.
Ug ako kay wala koy lalaking igsoon, so ako ang nangunay ug kagod sa among lubi nga isagol sa among benignit. Samtang nagkagod ko, nianha si Dodong sa amo, actually wala ko kahibalo nga niuli na diay siya. Wala napud ko kaayo makakita niya I think mga 3 years na kay kanunay siyang sa Manila mouli kay naa iyang mama adto kay separated iyang parents. So kay malayo naman pud ug isaysay pa nako nganong nag separate ilang parents, balik ta sa kinagoray este pag-anha ni Dodong sa among balay.

Serious ko nagkagod ug lubi sa among gamay nga purok sa gawas dihang

Dodong: Ayo!

Ako: bilahan sa inahan! Makuratan pud ta nimo oy.

Dodong: nag-unsa man ka diha?

Ako: nagbalhin kog kanding dong! kita kang nagkagod ta pangutan-on pa tag nag-unsa. Common sense where are you?

Dodong: inig human nimo , pahulma sa ko ha, naguba man gud amoa.

Ako: unsa kaha ning tuiga makabalik sa among balay.

Dodong: ibalik lagi na nako nig human. Ako nooy kagod ani be.

Ako: good idea! Perfect.

So si Dodong ang nipadayon ug kagod. Oh my gosh, mga mars. Naglaway ko nagkagod si Dodong. Sa iyang puti ug dakong mga bukton ug paa nga dagko, nakatulon kog laway Mars as in nagwapo si Dodong ug samot, makagwapo diay ning dagat. Sa una sip-onon pa ni magkaon ug lollipop karon siya ang lami himoong lollipop rawr.

Ako: kanus-a raman ka niuli?

Dodong: niaging adlaw ra. Asa naman ka trabaho ron?

Ako: diha ra sa atong city.

Gipaningot na ug kagod si Dodong mga mars ug ako nagtan-aw gipaningot pud bisag nagtan-aw ra pud. Paspas kaayo ni kagod si Dodong sa lubi rawr.

Ako: asa naman imong asawa?

Dodong: unsay asawa, wa gani tay uyab.

RAWR ! ni tindog man akong balhibo mga mars, siguro sa electricity sa pagkagod ni Dodong sa lubi. Gipaspasan kay hapit na mahuman atat na kaayo makahimo ug benignit.

Dodong: hooh! Humana, ibalik ra ni nako unya.

Ako: be sure , 6pm kinahanglang nakabalik na ng kaguran namo.

Dodong: mura mag idagan ni nako ibalik lagi ni nako nig human nakog kagod.

Nilakaw na si Dodong nag-imagine gihapon ko nga nagkagod siya rawr!

Promises are made to be broken kay niabot nalang ug buntag wala na giuli ni Dodong among kaguran. Kamao mahulam dili kamao mouli. Nangita na si Mama kay mohulam napud sila Auntie. No choice ko kondi chatan si Dodong nga iuli among kaguran first convo namo sa messenger.

Ako: Iuli na among kaguran dong!

Dodong: day kuhaa sa ari kay naa koy gibuhat.

Ako: how dare you.. ikaw nihuwam ikaw mouli.

Dodong: please bitaw , naa koy gibuhat ari.

Ug dili palang ni gwapo si Dodong asa ko maghago ug kuhag balik sa among kaguran. So kay wa may batasan ni si Dodong manghuwam dili na kamao mouli ako ang nidung sa ilaha.Tinood gyod diay nga busy kay nag semento man diay sa ilang house pero my gosh mga mars! Naghukas si Dodong while nag masa sa semento sweats all over the world rawr.

Ako: wow, busy..

Dodong: lagi, naa rang kaguran sa kusina Day palihog lang kog kuha, naa man si Papa adto.

Ako: nagpa sweldo diay ka ana? Kugihan kaayo oy.

Dodong: mao ra ni akong pa sweldoan? Ako nalay mounay , gamay raman pud ni.

Ka kugihan ni Dodong oy, paspas pa mo kagod paspas pa momasa ug semento. Amazing talent rawr. Dili pa unta ko mouli kay mag chika pa ming Dodong pero , need na jud ang kaguran ni Auntie. Motan-aw pa unta ko ni Dodong mag masa sa semento sayang Mars.

One Monday morning naghuwat ko ug masakyan kay trabaho duol raman ang munisipyo pwede ra gani lakwon pero magsakay jud ko kay madaot akong fresh beauty dili ko magbaktas.
Sa kalit nihunong ang Pajero ni Dodong.

Dodong: trabaho ka day?

Ako: yup? Pwede maki ride?

Dodong: Dali, padung man pud kog munisipyo.

Yehey first time inyong Inday nakasakay sa car ni Dodong. Anad jud kaayo mo drive si Dodong rawr.
Every Monday mag flag rising sa Munisipyo that's why daghang nakakita nga ninaog kog Pajero unya ninaog pud si Dodong. Nanaka ang kilay sa akong mga ka mars. Mga chismosa nakong kauban nga lami pangkaguron ang mga baba.

Sila: kinsa to Day? Imong uyab?

Ako: nanguyab pa.

Rawr, advance lang ko..

Sila: ehhhh, gwapo oh char..dili na ni virgin ba. ( Gituslok akong kilid ) ay dili na jud .

Ako: naa na diay ron sa akong kilid ang bangag?

Sila: hahahahaha

Mga tampalasan ug makatawa murag wa nay ugma, pero bisag wala silay mga buot magkasinabot gihapon mi rawr! So hot topic noon ko kuwang nalang mochika silang Mayor. Dako kaayong issue nga nakauyab ko bisag wala jud. Way kalibotan si Dodong nga naa na diay siyay uyab.

Sa ka advance nakog huna2x na develop nuon nga murag camera akong feelings ni Dodong. Imbes kay wa ko ni angay niya, nabuang nga niangay naman nuon ko niya. Gikuha niya akong heart ug wala na niya gibalik kay di jud kamao mouli ni si Dodong kamao raman manguha. So everytime makakita kong Dodong, gusto kong magpakagud este magpapansin. Bahalag wa siyay feelings nako basta ako naa rawr.
So sa birthday nako, gi invite nako si Dodong aron magpakagud I mean makakita ko niya. Dili pa to covid ha mao nga tapok tapok galor. Gi chat nako si Dodong

Ako: good morning Dong, ug naa moy time sa imong papa naa koy hikay diri sa balay gamay ra gud kay birthday nako lagi unya gamay ra mig bisita kay pista pud. Basig makadung mo ari unyang mga hapon2.

Dodong: oy salamat

Ako: welcome kamo2 ra lagi bisita kay atol pud pista ginagmay ra gud. Unya ra nang dinagko ug madato nata haha. Nagkita man to imong Papa ug si Papa naingnan naman pud to niya, giingnan ra pud ka nako basig makalimot imong Papa.

Dodong: k tnx.

Lami balibagon ug kaguran! Kanang taas imong chat taas pas buhok ni Rapunzel unya ang reply mubo pas bangs ni Dora. Kalami kaguron ni Dodong rawr!

And then niabot akong birthday unya niabot jud si Dodong, oh my god mars! Akong feelings nahagbong pero wala punita ni Dodong iya nuong gitamakan kay diha siyay gikuyog nga murag buyog. Nipait akong gikaon nga cake. Maayo nalang wala diha tong mga ka mars nakong mga bulala kay nanguli na. Giingnan ra ba jud nako silang uyab ming Dodong matagbaw jud kog kagod sa ilang mga baba.

Dodong: happy birthday Day.

Ako: yes, thanks.

Dodong: kikuyog nalang nako ni si Angela kay way kuyog sa balay.

Hello Angela! I'm Demonic lami ingnon.

Ako: sige oy, maayo noon gidala nimo Dong kay gamay ra puy nianhi kay pista lagi.

Dodong: lagi giimbitar bitaw ko unya nakasaad naman ko ani.

Ako: sige kaon namo gigutom na siguro mo.

Mga mars! Ang mga buko ni Angela ang lulusog. Pina fitting ug pinakita pa , way salig sa nawong? Nalain jud akong timpla. Kay pagtan-aw nako sa akoa, never mind kasagaran sa mga gwapa flat chested. Nangaon sila Dodong, wa jud ko mahiluna nagtan-aw lami labayon ug kaguran si Dodong. Kay diha may nag videoke nikanta nalang ko pero unfair jud ang kalibotan mars kung kinsa tong hilig ug videoke mao pay batig tingog but never mind way magbuot kay akong balay. Nagselos jud ko nagtan-aw nga dungan ug kaon si Dodong ug kadtong Angela kanang lami kaayo kuhaan ug plato bitaw. Masakitan pud ko oy, di lang halata kay cute ko rawr.

Paghuman ug kaon nila Dodong nakig chika sila sa among sala kay diha man pud akong mga silingan. Nakipag picture pa nako tong si Angela feeling close, unya giapil pa jud si Dodong. Ingon nila sa picture nga tulo naay mamatay nga usa I'm pretty sure dili kaming Dodong kay si Angela ang naa sa tunga rawr.

Pinabitter2x pa akong feelings kang Angela pero sa tinuod diay, ig-agaw ra diay siyang Dodong. Wa pud niingon nis Dodong nga ig-agaw diay niya nag expect pud kong naa na koy karibal lami jud kaguron rawr. So continue akong feelings ni Dodong.

Kay naa may tindahan duol ila Dodong, mao ang sige nakog himuong pasumangil. Palit ug bisag unsa unya dili ko mouli dayon makig chika pa kos tindera mga 2hrs. pud basig moanha diay si Dodong ug di jud ko masayop kay motambay man usahay si Dodong anang tindahan kay magpahangin ug motan-aw ug manok sa silingan kay hilig pud nig manok si Dodong kay tungod pud sa kadaghang manok sa iyang Papa. Naka idea gani ko nga unsa kahag magbuhi kog manok aron labokon I mean anhaon kong Dodong sa balay rawr.

One time walay trabaho nilaag napud ko sa tindahan dapit ila Dodong, chika napud ug hapit 2 hrs. unya diha si Dodong nigawas sa ilang balay.

Dodong: Day! Ayo kay naa ka adto ta sa amo manihapon unya ba ingna pud sila imong mama.

Ako: Char, unsay okasyon?

Dodong: Birthday ni Papa, ako ra lagi nagluto2x.

Actually chef jud ni si Dodong sa barko rawr.

Ako: you need help? Available ko wa koy lingaw.

Actually mangil ra to nako aron makakod este makauban nako si Dodong.

Dodong: di jud ko mobalibad ana ba, kay daghan kag hiwaon diri.

Actually pwede ako ang hiwaon I mean ang lamas diay rawr.

Ako: sure! Expert ko ana.

So, naghiwaanay este nagluto ming Dodong sa ilang house. First time nakong makita ni Dodong magluto, expert kaayo mokutaw2 si Dodong. Ako ang tighiwa sa mga ingredients niya mura mig husband and wife bata nalang ang kulang rawr.

Ako: kanus-a pud ka mobalik ug barko Dong?

Dodong: next month pa, mahuway sa gamay.

So naa pa koy 3 weeks ani nga makagod I mean makauban si Dodong sa dili pa siya mosakay ug balik rawr.

Ako: daghan mang blonde adtong abroad, wa diay ka kapili.

Dodong: di kog blonde man ani ra sa Pilipinas akong gusto.

RAWR! hapit mahiwa nako akong kamot. Gikilig akong agtang adto kay taga Pilipinas baya ko naay chance.

Ako: Dong pwede ako nalang?

Silence..

Ako: Ako nalang ang mohugas aning mga Plato ba kay init imong kamot gikag luto.

Dodong: kana maayo kaayo na ba.

Ako: of course boutan gud ko

Actually lami kaayo ingnon dayon si Dodong nga pwede pakagod I mean pwede ako nalang iyang magustohan rawr!

Suwayan sa nako nig ma post ba be. Hahaha rawr! - End of part 1

Part 2:



Hello mga mars! Nauli naba tanang kaguran? Basig nag stambay pa gihapon nas inyoha human nang kalag2 sa semana santa napud na mauli. Basig kamo ang kaguron sa tag-iya ana.

Wana tay daghang estorya ipadayon na nato ang sugilanon namong Dodong kay na post man diay pud abi kog semana santa pa ma post rawr.

Human ug luto ni Dodong sa mga karne sa baboy, time na nga mag-ihaw siyag manok ug nagpatabang siya nako kay dako pud nga manok iyang ihawon. Actually di jud ko ganahan ug akoy magpatay sa manok, ngilngigan ko kaayo kay malooy ko pero kay nagpatabang man jud si Dodong giagwanta jud nako. Si Dodong untay mogunit ug akoy mohiwa unya kay malooy man jud ko mogogol sa liog ako nalay nigunit.

Dodong: tarungag gunit Day.

Ako: wait, pwede tok-on nalang nimo ning manok Dong?

Dodong: buang dili mogawas ning dugo. Gunitig tarong ng pako ug tiil.

Jusko mga mars, malooy jud ko magtan-aw sa manok nga gihiwa2 ni Dodong ang liog. Nipiyong nalang ko naggunit ug giampo ang kalag sa manok, unya kay nikalit bitaw nag kirig2. Nakalitan jud ko ug nabuhian nakong pako ai! Nagkapa2 ang manok unya ang mga dugo nga iyang gisawod sa platito gisikaran sa manok nanglagsik namong duha apil nawong nako nalagsikan ug dugo.

Dodong: y*w* na ni, nganong wa man nimo gunitig tarong.

Ako: nganong wa man pud nimo deretsoha ug putol, paantoson pa jud ng manok.

Dodong: ingon bitaw kog ako ray gunit.

Namura na nuon ming Dodong ug naay krimen nga gihimo kay nagkadugo ming duha, gidali nalang ug putol ni Dodong ang liog kay naghingalong na tawon ang manok. Nagpasalamat jud ko nga wala ko gipakatawo sa kalibutan nga mahimong manok oy.

Human ug kagod este human ug luto ni Dodong. Ako ang ni volunteer nga manghugas ug plato nagkadugo pa jud akong t-shirt pero wa jud ko pahulma ug t-shirt ni Dodong ungentleman kaayo tawhana. But never mind feel na feel gihapon kaayo nako akong paghugas . Gitarong jud nakog maayo kay basig manimahong sabon ma discourage unya si Dodong nako nga dili ko kamao manghugas basig akoy iyang mahugasan nuon rawr! Unya niabot iyang Papa

Papa: Oy! Naa naman lagi mi tighugas ani

Ako: 150 ra ko per hour Nong.

Papa: ha? Murag tutor diay

Ako: ana jud, bitaw gitabangan ra nakos Dodong Nong kay nagkita man mi ganina unya niingon siyag busy siyag luto kay birthday nimo, unya kay buotan man ko gitabangan nalang nakos Dodong

Actually, dili exactly kana akong giingon nakalimot na jud ko, Basta kay murag ing-ana jud to, gets? rawr

Papa: ah, maayog kamo nalay magpares ni Dodong.

Actually, kana ang wala jud nako makalimti.

Me: ay, haha buang man ka nong aw
I mean joker ka kaayo Nong. Wala pa ko ana oy, masuko pa si Mama.

Papa: bitaw Day! pero dili pud ko kaboot ni Dodong kay siya may mamili. Pero mas maayo jud tong silingan ra aron dali masabotan.

Yeah right maong pahulmon jud nako perme nig kaguran ning Papa ni Dodong kay gustog silingan ray mahimong binaje.

After nakong manghugas niuli sa ko sa balay aron mag-ilis kay nagkadugo na tawon ko, after 2hrs. ready napud kong morampa sa atubangan ni Dodong rawr. But! pagbalik nako diha nay mga bisita sa ilang balay syempre mga silingan ra pud namo But! nasungot ko kay daghang da-la-ga. Single ladies every corner in the house kasagaran mga high school ug college, unsa ni University of Dodong? Na awngan tawon ang beauty sa inyong Inday kay naay mga bag-ong tubo nga mga chicks kaayo. Nauwaw akong blazer sa ilang mga sleeveless ug bakuna blouse mga pution raba jud ang mga iha unsaon nalang akong panit nga pang Venus Raj pero never mind bahalag itomon basta puti lang ug ngipon rawr.

Kay mura naman nakog balay ang house ni Dodong of course deretso nako sa sulod wa nay uwaw2.
Excuse me mga iha? Moagi ang Reyna rawr.

Deretso na dayon sa kusina kay gigutom na jud inyong Inday. Daghan man diay ug giimbitar ni si Dodong murag usa ka barangay kay nagpalit man diay ug lechon yayamanin jud inyong Dodong dili tihik unlike me.

Dodong: Day, palihog kog hugas aring mga sudlanan sa salad be.

Bastos! tungod sa ka close namong Dodong wa nay uwaw mosugo nako murag gi sweldohan ko niyag libo. Ug pahugason to niya tong mga iha adtong gawas nga sige ramang pang gi cellphone huwat lang ug agdahon dili unta ko mahago diba? Nalagot jud ko, maayo pag wa nako mobalik himoon raman diay gihapon tang dish washer. Sige kog bagotbot sa akong hunahuna. Lami ipangbalibag ang mga hugason adtong gawas, maayo untag naa tay papel sa kinabuhe ni Dodong, naa lagi tay papel pero scratch paper pud meow.

Paghuman nakog panghugas nilighot dayon ko sa gawas oy, hago nako kaayo. Ganina pang pagluto basig makalimot si Dodong ba nga bisita ko di ko ilang maid. Nagpa busy kog chika sa mga bisita aron dili masugoan ni Dodong.

Silingan: nganong wala paman ka naminyo Day.

Ako: ikaw te, ug papilion ka naminyo ka o nadaga ka.

Silingan: aw nindot jud tong daga

Ako: oh diba, maong wa jud ko magminyo te.

Simple question with a simple answer. Kay ang tinuod wa juy nanguyab sa inyong Inday bahalag way uyab basta hilas rawr.

After a few minutes dugay kaayo makahukad nis Dodong kainan na, nagtago2 jud kong Dodong kay masugoan napud ko gutom na jud ko kaayo basig siya akong makaon ba rawr. Nagdali2 jud kog kaon kay manawag napud tog dish washer si Dodong malagot na jud ko mangabuak jud ilang mga plato kay akong himoong flying saucer. Dali2 ko kay mosibat ko inig humag kaon gipangtulon na nakong mga lechon
wa nay usap2x matunaw ra bitaw nas tiyan. Nadistorbo pa ko kay dihay ni txt.

DAY, ASA KA? ARI TA KAON ARING KUSINA

Hapit ko natuk-an sa txt ni Dodong. Gibasa pa nakog tarong kay basig ang nakabutang DAY, NAA KAY HUGASON ARING KUSINA. Kay marupok man inyong Inday, dali2 dayon ko ug sulod sa kusina. Didto sila Dodong busy nag kaon, gitan-aw jud nako una ang lababo, jusko inahan sa kanunayng panabang pagkadaghan sa hugason murag padung nag langit sa kadaghan wala pa gani nahuman ang uban ug kaon, nawala jud akong gana.
Nagkuhit kuhit nalang kos cake kay sure ko magkig-away napud kos mga plato unya pero never mind tapad man pud nakog kaon si Dodong rawr!

And the war of plates started. Ang mga silingan ijahay nag panguli akong pamilya pay pinaka unang nilupad. Maayo nalang kay nitabang pud ang Auntie ni Dodong. Kaming duha ang nakigkumbati sa mga hugason nga murag way kahumanan, matiguwang nalang siguro mi wa pa nahuman ang among hugason. Grabe kaayo akong labor anang adlawa, dili man unta mi ig-unsa ni Dodong unsa na kahag ako nay asawa, mabughat siguro kog panghugas.

Human sa usa ka dekadang pagpanghugas nahuman ra jud mi. Grabe nanghawoy jud tawon akong bukton, gipangita na nako si Dodong kay maningil nako sa akong sweldo.
Didto nagtagay2 ang akong amo gi textan pa bitaw nako.

MOULI NAKO

Kay gigutom man ko humag hugas, ni hapit pud kog kaon ug salad oy. Gabuot2 ra kog panguha sa ilang ref
unya ni anha si Dodong sa kusina, namuwa na akong amo kay daghan na sigurog nainom.

Dodong: mouli naka day?

Ako: alang namag stay in ko ani sir. Naa pud koy balay oy.

Dodong: ah salamat diay day

Ako: no probs, pero naa koy sakit Dong.

Dodong: unsay sakit? Naa kay sakit?

Ako: yes! I'm in pain Dong! Sakit jud kaayo.

Dodong: unsa may sakit nimo?
( Niduol nako si Dodong )

Ako: ouch , sakit jud kaayo Dong! kinahanglan kog kwartacetamol with bonusgesic.

Gidakngan lang kong Dodong, murag niuyog akong earth. Maong gidakngan pud nako siyag balik. Hangtod sa mura mig si Mayweather ug si Pacquiao nag kinaguday este naghapakanay, Joke!

Dodong: naa kay uyab ron day?

What the? Mars, akong gikaon nga salad hapit molugwa sa akong mata bastos.

Ako: pag law-oy dong oy! Aron nahuwasan ka diha.

Dodong: law-oyi ko day be.

Gamay nalang jud ako ng makagod este matook nis Dodong kay galangi ang hubog. Human sa pag ka dish washer , mahimo napud kong Chef unsa ko ani all around?

Ako: Basig naa pa kay labhonon ana dong, ayaw lang kauwaw.

Dodong: tinood bitaw day naa kay uyab ron?

Ako: as of now, wala. Naa kay ikahatag diha?

Dodong: pwede ko mo apply ?

Kiligon na unta akong agtang pero nakahinumdom kong hubog nis Dodong basig kaingon siyag si Venus Raj ko. Nag anam ug kaduol si Dodong nako, unsa ni? Sa kusina mi magkagod
este mag labokanay I mean estorya nalang diay. Ni alisngaw ang red horse nga iyang giinom mga Mars apil ko nahubog ug naluya. Nagpadung pa bitaw ng Papa ni Dodong sa kusina, nahungitan nakog pinakalit si Dodong ug salad bisag wala matunong sa iyang baba. Mura siyag batang karon pa kakaon ug salad.

Ako: Nong! Komusta? Komustang tagay, ok pa? Ayaw palabi Nong, makadaot raba nas atay. Parehas aning Dodong oh hubog na kaayo.

Papa: ginagmay pud day, nag-unsa man mo aning duha.

Ako: kaog salad lagi, naunsa na nis Dodong di na kamao mohungit, Mao na lagi ni tagay pa Dong! Daghan pang red horse adto! Unya mouli nako Nong kay trabaho pa ugma.

Papa: oy pagdalag mga sud-an day. Kay daghan mang sud-an ari bilin. Aysa kay kuhaan ka nako.

Ako: ayaw na nong!

Papa: unsay ayaw, pagdala ani ikaw ra ba tawoy naghugas.

Ayaw dugaya Nong ba pasabot nako rawr. Hago ra bag hugas ug koskos sa mga kaha ug kaldero unya wa koy bring house dad-on basig mayabo nako ilang balay. Nag parag2 niduol sa lababo si Dodong kay manghilam-os ulit man gud kaayo ug salad nga init.

Nigawas nalang ko sa kusina kay murag init ang panahon pero wa jud mawala akong kakulba kay naunsa tos Dodong mura mag padung manguyab nako. Nabali naba ang earth? Kontento naman kong ako ray niangay niya no need na nga bawsan ang pagmahal nako rawr. Wa jud ko kasabot sa akong gibati kay way subtitles nakabutang.

Niuli inyong Inday nga naglibog ug naunsa tos Dodong ganina murag naka singhot ug utot sa demonyo kay murag na high nikalit ug kalami . Maong pagkaugma lami kaayo akong buntag bisag ma stress na pud sa kadaghang trabaho, pero kanang stress bitaw ko kaayo pero gwapa gihapon rawr.

Naghuwat nakog habal2 adto sa kalsada kay madaot lagi akong beauty sa buntag ug magbaktas dihang nagpadulong si Dodong nako. What the? Nakubaan kog kalit wa ko kasabot ug ngano kay wala lagi subtitles.

Nilakaw bitaw ko , maglakaw nalang ko oy never mind sa akong morning beauty, exercise pud panagsa aron fit and right atong body.

Dodong: Day!

Wa koy nadungog kay bungol ko ron. Padayon lang sa baktas aron dili masaag deretso lang sa tuwid na daan.

Dodong: Day! (Nagdagan nas Dodong )

Lain pud ug mokalit ra pud kog dagan maggukod ming Dodong sayang akong poise. Nilingi nalang pud ko pa as if karon pa kita niya.

Ako: oh? Good morning Dong! Jogging?

Dodong: nganong naglakaw man ka?

Ako: lain pug magkamang ko naa man koy tiil.

Dodong: pilosopo kaayo ka ba. Ihatod ka nako huwat ani.

Ako: ayaw na oy maglakaw ra ko kay exercise pud. Lami pud kaayong adlaw I need vitamin A.

Dodong: ay di ihatod nalang ka nako maglakaw tang duha exercise pud.

Ako: ay nindot pud magsakay ta kay sakit diay akong bagtak. Kuhaa nalang imong car.

Dodong: way klaro huwat ani.

Jusko mga mars! Wa jud ko kahibalo ug unsay akong buhaton nga first time pa man jud nakong mapanguyaban ani. Ako bang sugton o akong sugton jud. Basta akong ma feel is daghang bitok sa akong tiyan kay katol man.
Wa jud ko nagpahunong dapit sa munisipyo kay ma hot topic napud kos mga mars nga mga abtik ug mga mata pero pagnaog nako.

Dodong: Day, kuhaon ka nako unya.

Ako: naa koy lakwon unya dong

Dodong: asa?

Ako: naa mi laag unya

Dodong: asa gani?

Ako: basta, girl thing.

Dodong: kuhaon ka nako asa diay inyong laag.

Ako: ana ra gud.

Dodong: asa gani kay ako kang kuhaon

Ako: nganong imo man kong kuhaon?

Dodong: basta kuhaon ka nako

Nalipong kos estorya namong Dodong ug asa padung. Ang ending wala mi magkasinabot kay wa mi mga klaro rawr. Paghuman sa working hours, nagpa dugay2 pa ko kay basig naa si Dodong sa gawas, kubaan jud kog naa si Dodong niangay man unta ko niya pero ambot mano pung mahadlok ko.
Tingala ko kay mga kauban nako dagko kaayog mga mata nagtan-aw nako , dagko pas owl.

Sila: Day! Imong uyab naa sa gawas Chaaaaaaaaarrrr!

Ako: buang, pag sure oy.

Sila: Lage! Naghuwat adtong gawas.

Ako: ilamba jud mo nakog nagbinuang mo.

Sila: ikaw ilamba namog wa mi magbinuang.

Nigawas ko, paggawas nako diha jud diay si Dodong naghuwat! Kulbaan kog mogawas ba ko o mogawas ko? Pero mogawas jud ko kay asa man diay ko moagi ug mouli lain pug sa bintana ni Mayor ko monaog.


Wait sa mga mars kapoy man diay ning mag type, gihawoy akong tikod. Magkagod sa ko diri, ha. Kay kuwang ang biko ganina rawr.

Finale:



Sorry kaayo kay naputol na busy man gud kog kagud este estorya ni Dodong.
Hago kaayo ning layo atong banana kay wa tay kagudon I mean ka estorya rawr.

Anyways padayon ta sa sugilanon namong Dodong ug taposon na ni nako akong sugilanon kay gikapoy nakog kagud este type.

Diha na si Dodong naghuwat nako ka chika pa niya si konsehal. Wa jud ko kahibalo ug unsay akong himoon. Magpakita ba ko o magpakita jud ko. Oh my god mga mars gusto kong mokagud este mosayaw ug tinikling kay nakubaan ko. First time nga naay nisundo nako gwapaha kaayo ko oy. So I hurriedly pack my bags and fly away bahala na si Batman. Paggawas nako busy ko sa cellphone pa as if wala ko kita ni Dodong.

But! Nakagawas nalang ko wala jud ko tawga ni Dodong. Bastos! So rewind ta mars, naa diay koy nakalimtan nibalik napud ko sa sulod busy gihapon sa cellphone pero nakabalik nalang ko sa akong lamesa wa jud ko tawga ni Dodong How dare him!

Sila: oh, nibalik lagi ka day?

Ako: naa koy nakalimtan cge bye.

Take 2! Busy gihapon ug cellphone paggawas.

Dodong: Day!

Oh diba, try and try until you succeed.

Ako: oy? Ikaw diay na? Nag-unsa ka ani.

Dodong: naa si Mayor sa taas?

Lami jud hapakon ug kaguran si Dodong bastos kaayo. Sige kog papansin unya si Mayor gipangita.

Ako: o adtoa lang.

Dodong: salamat ( nagdali ug saka )

Nabilin jud sigurong boot aning Dodong wa gidala kay wa juy boot. Ingon siyang kuhaon ko. Inyong Inday napalaw kaayo it really hurts. Nakasimhot jud sigurog utot sa demonyo ning si Dodong. Mura mag climate change ang huna2. Na stress ko pero maintain gihapon ang ka gwapa rawr.

So nalagot ko kaayo nilakaw ko nga wa pud sa boot. Dretso kos mall kay mag shopping konuhay kay murag gipul-an nakog tan-aw sa akong bag. But pagtan-aw sa mga bags, not sure ug mahal ra kaayo ang bag karon or pobre lang jud ko. Taga liog man ang presyo di ko kaginhawa gamay pa kaayo akong pitaka kay wa pa ko sweldohe sa atong gobyerno. Never mind, madala pag laba ang bag palit nalang kog sabon maka save pa. Dinha nako sa groceries dihang nanawag si Dodong.

Dodong: asa ka Day?

Ako: diag mall

Dodong: asa ka dapit kay moanha ko.

Chucks! mars gidala na sigurong boot ni Dodong kay nitarong naman pud ang huna2.

Ako: dia kog grocery.

Dodong: o modung ko.

Gikulbaan ko nga kaihion mga mars. Wa jud ko ka explain sa akong gibati kay wa pa lagi subtitles. Jusko wa ko ka concentrate ug unsa toy akong paliton. Niabot nalang kos mga kandila. Managkot naba ko kay patay na patay na kong Dodong rawr.
Naglibot2 nalang ko sa mga groceries naghuna2 ug mopalit ba ko o mopalit jud ko. Sa kalit nanawag napud si Dodong.

Dodong: asa ka dapit Day dia nako

Gipangita nakos Dodong mga mars. Oh my , mura mag nag slow mo si Dodong galakaw. Jusko kalami kagudon este gakson si Dodong. Bisag itomon ko, dali raman pud ko makit-an mga mars kay pearly white man kog ngipon maong nig smile nako mo sidlak kini sama sa adlaw that's why nakit-an ko dayon ni Dodong,

Ako: nag-unsa man ka diri?

Dodong: mangumpra pa ka? Mangaon ta nig human.

Ako: wa koy kwarta ron

Dodong: wa nay problema. Naa pa kay paliton?

Ako: oy kwartahan si Dodong manglibre man? Apila nalang pud ning akong gipalit.

Dodong: Kani ra?

Nanguha pa bitaw kog 10 ka sakong bugas Panda ug 20kls. nga karne rawr! pero joke ra naa pud koy tinagoang uwaw mga mars. Pagkahuman namog grocery, nangita dayon mig kan-an kay mag dinner daw ming Dodong. Nisamot man noon kog kaitom nagsabay ming Dodong mura kog iyang maid but never mind bawi sa akong uniform nga DSWD kaagapay ako ng mga mahihirap kahit ako ang mukhang mahirap rawr.
Pution man gud nis Dodong mga mars unya taas ug kaguran este height ug ako putot na, kaliwat pang Venus Raj proud lang kos akong ilong nga talinis ug ngipon nga pearly white but never mind sa tanan ako gihapon ang gipili ni Dodong ako ang nagwagi rawr rawr.

Nag Mang Inasal ming Dodong kaingon pa kog sa Jollibee ko dad-on. Dili man pud ko choosy pero lami jud tong sa korean restaurant rawr.

Ako: nag-unsa man kag munisipyo ganina?

Dodong: diha koy tuyo ni Mayor, unya kuhaon unta ka nako nawala man kag kalit

Ako: wala man pud ka niingon nga pahuwaton ko.

Dodong: nagsabot bitaw tang kuhaon ka nako

Ako: ay wa magkasinabot ang amerkano ug insik.

Paghuman namog kaon nanguli naming Dodong gadala man siya sa iyang car so feeling donya inyong Inday. Kaingon kog manguli na jud mi sa amoa niliko man inyong Dodong. Nagpanic inyong Inday.

Ako: hoy! Hoy! hoy! Wait! Wait! Asa ko nimo dad-on Dong! Hoy!

Dodong: mopalit ra gani tag balut.

Ako: awww

Kaingon kog asa ko dad-on ni Dodong mokaon raman diay siyag balut. Ready na unta nako siyang karatehon ug magbinuang. So nihunong mi sa may nagtinda ug balut but of course si Dodong ra kay dili jud ko mokaon ug balut. Like ewww, naa pay tiil ug pako sa piso imong makaon naghuna2 ra gani ko giluod nako. Si Dodong ray sigeg kaon2 sa gawas ako diha ra sa sakyanan. Naa bitaw nay nitawag unknown number.

Ako: hello?

Siya: Day!

Ako: kinsa ne?

Siya: si Estong bitaw ni

Ako: Estong? Hoy! Komusta naman ka?
Buhi pa diay ka?

Siya: laina pud patay na diay ko sa imong hunahuna.

Ako: o hapit na. Asa naman ka ron, ingon kag mobakasyon ka?

Siya: dia kos inyoha Ron

Ako: what! Kanus-a ra ka niabot!

Siya: wala man lagi ka diri?

Ako: Pauli nako, bantay akong durian

Siya: pagdali kay mahurot na ni nila.

Actually mga mars, kaning si Estong is close kaayo nakong ig-agaw nga gikag Davao unya nibakasyon lang sa amo. But! wala kahibalo si Dodong nga ig-agaw ni nako si Estong. So ni acting2 kog gamay kay aron makita nakog magselos ba nis Dodong. Pagsakay ug balik ni Dodong sige gihapon mig estorya ni Estong.

Ako: Pauli nako Tong! Gamay nalang magkita nata, gimingaw jud ko nimo oy!

Estong: kalood wa man ko mingawa nimo.

Ako: basta gimingaw ko nimo, huwata kos kalsada bi kay wa koy suga pa sud.

Estong: imo rang manghod gikapoy ko.

Ako: ikaw ra gud.

Sipat na nakos Dodong murag alunggoan nakog ulo. Murag mga blade ang mata. Jusko mga mars, giganahan nuon kog samot gipasungot si Dodong rawr. Bahalag si Estong maoy malunggoan ug ulo ni Dodong way problema nako hatagan pa nakog sundang. Mobawos ko sa iyang pagdala sa iyang ig-agaw nga dagko ug coconut. Paghumag tawag ni Estong sige na kog apura ni Dodong

Ako: wala nakay hapiton? Naa ra bay naghuwat nako.

Dodong: kinsa?

Ako: Basta

Dodong: Day nanguyab raba ko nimo ha.

Naunsa nabang mura man kog kaihion sa giingong Dodong. Sulti pa gani na ha, unsa naba kahag mag kagud este mag buhat sa kaguran aw unsa ba. Basta kanang naas inyong mga huna2 rawr.

Ako: nanguyab diay ka nako Dong?

Dodong: ingon bitaw ko nimo

Ako: kanus-a?

Dodong: gabie bitaw!

Ako: hubog man ka adto!

Dodong: unya karon? Hubog pa diay ko?

Ako: dili

Agay mga mars, nalagot jud si Dodong ai lami kagudon este ingnon ug I love you dretso rawr. Nipaandar nas Dodong mga mars ug kaingon kog manguli nami, nihunong man sa unahan napud si Dodong. Nidako nga murag owl akong mata kay nipaduol man nako si Dodong mura kog gitook sa kakulba mars. Wait sa dong di pa ko ready moingon unta ko pero wa jud nagpapugong si Dodong iyang gikuha akong virgin nga lips mars! First kiss nako jusko wa ko kahibalog mo nga2 ba ko o motak-om akong baba o ipagawas ang dila nga murag wak2. Mura jud kog nalipong nga mosulirap akong mata . Nalasahan nakong balut nga iyang gikaon nga parat2 giluod ko pero lami man diay pud nga gikan ni Dodong rawr.

Dodong: uyab nata

Ako: nge? Wa pa gani ka nako gisugot

Dodong: nganong ni baws man ka sa akong kiss

Ako: nitilaw ra gud pud ko unsay lasag balut.

Dodong: tarung ba

Ako: don't pressure me ok Dong? Kay di ko pressure cooker, maghuwat kag kanus-a ka nako sugton.

Oh diba? Bisag pareha mig panit ni Venus Raj nabuang nakos Dodong rawr. Si Dodong mura na jug padung mamunggot ug ulo kay pag-abot namo sa amoa, nalabyan namo si Estong sa tindahan gapalit ug sigarilyo. Mao jud ni siya ang front liner sa tig singhot sa utot sa demonyo.

Ako: wait, ani ra ko monaog dong. Kay naa diay si Estong

Dodong: kinsay Estong?

Ako: kanang naa sa tindahan. Sige bye Dong see you when I see you good night.

Pag-naog nako gigakos dayon nakos Estong first time nakong naka gakos aning tawhana bahalag nanimahong sigarilyo basta mapaselos nakos Dodong rawr.

Ako: tong! Gimingaw ko ni mo

Estong: manggakos diay mura tag buang ani. Buhie ko ba mapakngan man lagi ka nako ron.

Ako: gimingaw man ko ni be

Estong: saba diha Inday! Mura kag buang maaan tag uyab ani.

Ako: mouli na ta unya agbaye ko.

Estong: na plip na man siguro kang bajeha ka, nganong agbayan man pud ka nako.

Ako: Basta! palitan ka nakog usa ka rim nga mighty green.

Estong: aw kana! Nganong pa agbay2 man pud daw ka?

Na shock ko kay nikalit ug gawas si Dodong sa sakyanan mars.

Dodong: bie pre!

Estong: oy bie pud. Kauban ni nimo Day?

Dodong: oh pre, uyab na nako. Di maayo pre nga agbayan na nimo

Dungan ug paniga ang mata namong Estong. Ako murag musudlot na akong mata nakuyawan kong Dodong oy.

Estong: oy! Naa na diay kay uyab Day? Ig-agaw ra kong Inday pre ha. Gikan ra kog Davao bakasyon ani, bag-o pa kong abot pre.

Nakuyawan jud kong Dodong mars, lain man diay ug masuko ni si Dodong. Murag modugdug ug mokilat. Nakulbaan pud ko adto oy, tungod sa akong kahangol nga paseloson si Dodong hapit dihay magsinumbagay sa kalsada. Sorry kaayo kay gwapa kaayo inyong Inday nga naa nay magsinumbagay tungod kay naselos.
Taas kaayo kog buhok abot na sa Greenland rawr.

So mao to Mars, kaingon kog dili ra seryoso si Dodong nako kay dili man jud tantong gwapa inyong Inday ba pero cute kaayo rawr, sakto lang kaayo sa Filipina beauty . Mamawi lang ta sa atong batasan nga pang Miss U. And I can't believe nga moangay diay si Dodong ug Filipina beauty nga medyo may pag ka rawr.

So fast forward nata mga iha kay aron mahuman na dayon ta kay mokagod este daghan pa kog trabaho.

Gisugot na nako si Dodong sa wala pa siya nibalik sa barko. Wala na nako padugaya kay basig manglood si Dodong magmahay unya inyong Inday. Pero sa wala pa nisakay inyong Dodong sa barko gikagod este gikuha ni Dodong ang akong kaguran. Basta kanang inyong gihunahuna nga kagod. Kinaguday este gikagod ang lubi sa kaguran ay bahala namog imagine basta nagkagod ming duha rawr.
But gi sure namong nalabay namo ang tuno sa lubi aron walay mahimong biko rawr rawr.

Pagnaog ug balik ni Dodong sa barko mga 2018. Nag kinaguday este nagsabot mi nga nigbalik niya sunod magpakasal naming duha kay nagkinaguday este nag higugmaay naman jud ming duha. First and last nako si Dodong mga mars. Grabe kaayo inyong Inday, wa jud nakatilaw ug laing kaguran este laing uyab exclusive ra jud ko sa inyong Dodong rawr.

Mobalik napud to si Dodong ug sakay sa barko , mingaw kaayo inyong Inday. Gihatod nako siya sa airport. Lami jud kaayo mouban mga mars bahalag walay mo pay out sa 4p's.

Ako: pagdalig balik

Dodong: dili nalang ko modayon

Ako: tana! Naa raman diay na.

Dodong: buang wa tay ipangkasal

Ako: lagi pud. I will miss you dong, ayaw jud lingi sa mga engkantong puti adto ha. Mabali jud na nako imong liog ug motilaw kag laing kinilaw.

Dodong: imo ramang kinilaw akong gustong tilawan

Rawrrrr! jusko mga Mars kung nasayod lang mo grabe mokilaw nis Dodong way lamas2 asin ug suka ok na. Galangi pa ko sa airport kay gimingaw napud kong Dodong, paita jud ning layo kaayo ning atong kaguran este uyab. Paglakaw ni Dodong gahilak jud inyong Inday ug pwede palang mo walling ug moligid sa airport gihimo ko na.

Kung mora kog pato padung sa airport paglakaw ni Dodong , mura pud kog awto padung sa airport sa iyang pag-uli. Excited kaayo inyong Inday, my baby is coming back to me now. Ako jud ang nisundo niya. Murag telescope akong mga mata nangita ni Dodong sa mga tawo. Pagkakita nakong Dodong, wa jud koy uwaw ga shagit2 sa airport ga kaway2 kitang Dodong. Bahala mo diha basta dia na akong future husband. Ni dresto jud kog gakos niya kuwang nalang mokugos kong Dodong rawr.

Ako: Doooonng dugaya man ka niuli

Dodong: lain pug moambak ko sa barko kay mouli na ko.

Ako: I miss you kaayo

Dodong: love you, day pakasal nata ugma?

Ako: kinilaw ra atong handa?

Dodong: pwede pud, my favorite.

Rarrrrrrrw.. kalami nalaman jud kagudon este pakaslan dayon. Niputig samot si Dodong jusko, ang gluta nako wa paman jud motalab, akong atay paman siguro ang niunag ka puti oy but never mind maoy ganahan ni Dodong pagod2 gamay ba kay klaro jung luto na kaayo.

Unya nikagud este namalaye dayon sila Dodong ug iyang Papa diha pud iyang Auntie. Happy kaayo inyong Inday kay mahalin na jud. Pero inyong Inday ug Dodong wa na jud kahuwat sa adlaw sa kasal mga Mars. While busy silag chika sa sulod didto mi sa inyong Dodong sa likod sa among labhanan nag kaguranay este nag estoryag lubi. Jusko nahadlok kong masakpan tawon mi mga mars, naunsa man pud nis Dodong nga grabe man kakan-onon naman kaayog biko ug inyong Inday di man tihik di pakan-on pud rawr. Hago kaayo ni si Dodong nga sa labhanan jud ko gi estoryahag lubi daghang lamok kaingon kog mga dengue mi adto, nahadlok pa kos washing machine namo basig naguba.

Nirampa inyong Inday sa simbahan 2019 sa october 2 ug nahimo naming usa ka lubi ni Dodong. Nakabana jud inyong Inday ug bunos kaayo nga gwapo akong Dodong lami pa jud este dako I mean boutan kaayo akong Dodong ba.

After sa among kasal, unsa pa man diay, kaguranay este nag estorya napud mig lubi ug karon mga mars, tua napud sa barko si Dodong gikan to siya nag tambay tungod sa covid. Maong adlaw2 mi nag kagud este nag-uban sa hapit 1 year kapin pero kay covid lagi hadlok ang panahon wala sa mi mag baby ni Dodong sunod na ug mawala na ang covid nato kay maggama najud mi sa among biko.

Ug dinhi nalang kutob inyong Inday mga mars. Kay kapoy na jud ug type inyong Inday oy, lami pa unta magchika ninyo. Kamo nalay dung nako kay mag chika ta, dung lang mos inyong munisipyo sa dswd nga office basig ka lungsod ra diay ta rawr.

Kini ang inyong Inday nga mag-ingon
" Sayang lang ang kadako sa kalibotan kon ang imong mauyab imo rang Silingan "

RARRRRRRRW!!!!








1 comment:

Featured Audio: Hubog ka, mao gidala tika sa Paradise.

Latest Stories