Search for Stories

Sunday, October 17, 2021

Sa Balay Ni Lola (FULL STORY)

#SaBalayNiLola

Kay gabie mn naku ni gihimo, maayong gabie guys. Kinsa ng naa sa inyong likod? 

Tuod, tawga kog Helga 22 years old confidently beautiful with a heart. Usa ko sa mga nawad-an ug trabaho tungod sa pandemic. Ug tungod kay wala lagi koy trabaho dadtong panahona, akoi gihangyo nila Papa nga mag-uban ni Lola nga 79 years old nga nagpuyo sa pikas baryo namo taman makauli akong Auntie. 

Sa balay ni Lola, moingon gyud ko nga dili gyud ko mahiluna ug dadto ko. Kay ngano? Sige ra mig balik balik ug panghinlo, kay grabe kaayo ka limpyada ni Lola. Ultimo langaw maowaw na mo togpa kay mismo sila hugawan na sa ilang kaugalingon. Kay pwerte ka sinaw ang mga sawog ug mga gamit ni Lola, sinaw pas mga ka upawan danha. Mao nga ug dadto ko, sige ra gyud kog libot libot panghinlo kay lisod pud ug si Lola ra akong pasagdan malatos kog butay ni Papa. 

 Ug sa title pa daan sa akong story naa gyud ni horror gamay ug romance gamay kay idol naku si bay gamay, shout out diha, maong dadto lang mos lain nga story ug dli mo ganahag dili dako ang romance ug naay espeje. Kada basa nako dani puros k-drama mao nga mo share ko sa akong kaagi nga makapakugang kaayo , dli ni binot bot ha kay makita ra na sa lubing tugkan, tinuod ni nga hitabo. Bahala mo ug dili mo motuo.Lisod pud ug pugson mo naku.

Balik ta sa balay ni Lola. Dos andanas diay ang balay ni Lola, half karaan half glow up. 

Kauban ni Lola ug puyo si Auntie ug duha ka anak. Ug kay abroad naman ang mga anak ni Auntie, sila nalang duha ni Lola nabilin. Daghan mn pud silag silingan mao nga ok ra ug sila rang duha. Pag-abot pa lang naku , tua na si Lola sige nag panarapo unya naay ka estorya nga laki wala ko kaila.

Ako; la! 

Lola; o! dia na man diay akong gwapang apo. 

Ako; atik sad, gwapag way tapad. 

Nitan-aw naku ang laki, ui. pwede na si Koya. Dakog bukton check , taas check , lami ug likod check, lami ug sampot check, hair style check, tiyan check, nawong madala ra. Pero ni tutok kos mata, ui, manokon mn diay ug mata, ang pikas nag tan-aw naku ang pikas wa. Wala mn mag kasinabot ang mata. Na descarage [ unsay spelling sa descarage? nakalimot ko pasensya ] mn ko. Pero usahay pud magkasinabot raman pud iyang mga mata, mag syncronize [ pasensya gyud kay best in spelling gyud ko ] mn pud usahay. 

Siya; o, kinsa man ning daga nay? 

Lola; ako ning apo doy. 

Ako; buntag ya. 

Siya; ayaw ko kuyaha kay parehas raman siguro tag edad. 

Ako; pila diay edad nimo?

Siya; 25 ikaw?

Ako; 30 

Siya; huh? 

Ako; 30 bitaw , la.. abri na tong kwarto isa? 

Pa dedma dedma dayon kay na descarage lage ko sa iyang mata. Malibat pud tag apil. Pina snob lang gamay aron, ingnog suplada ba. Gibiyaan naku sila sa gawas kay na descarage lage ko. 

Pwerte gyud ka sinaw ang salog ni Lola kanang makapanamin bitaw ka nga makita pa imong mga pores, kay karaan pang kahoy gamit. Mauwaw ka motunob kay molakra imong foot frints [ sakto ba? foot frints? ]. Mag sakit napud akong kabagtakan ani ug lampaso. Daghan gyud ug mga antik nga mga gamit si Lola panahon pa siguro ning Bonifacio ug perme gyud na niya panarapohan ug mao na ang mahimong trabaho naku dani.

Dili mn pud hadlok ang balay ni Lola , sa mga Santos nga itomon lang gyud ka makuyapan kay murag tawong itom nga gabarog nga nagtan-aw nimo, mahulog gyud ka sa hagdan ug dumagan ug first time pa nimo kay naa mn sa second floor, ug kay naanad naman ko mo amen na lang ko sa kamot. Naa mn sa second floor gud akong ganahan nga kwarto kay naay aircon ug naay signal.

Nakatulog ko pag-abot kay gikapoy ko, mga ala 12 napud to mao nga lami iligid ligid labina kay aircon. Bawo ug guni guni lang to nako pero naay ni gunit sa kong tiil. Ug kay mura lagi ko ug manok ma tog dali ko nakamata. Mura gyug naay nihawid sa kong tiil. Wala rapud to naku kay basig nasaghid lang sa habol. 

Mga alas 3, nigawas ko kay nanuktok na akong mga bitok. Diha si Lola sa kusina sigeg kuri kuri ug asa ang hugaw. Ako gyud ang kapoyon aning Lola kay dli mahimutang mura mag naka teleskopyo kay dali ra makakitag buling ug naa gamay mga lukot bisan sa mantel kinahanglang hapsay gyud.

Ako; la, kinsa tong danhi ganina?

Lola; si Lando to , guard aning naay amerkano danha ulitawo raba to day.

Ako; bag-o to? Karun pa ko kita lage, asa diay tong si Bentong?

Lola; nihawa nato, bag-o na. Nangayo mn tog kamunggay dani. Nang regards dw to nimo. 

Ako; libat mn to la.

Lola; hoy, Diyos ko. Pagka hinawayon nimong bataa ka. Dli mn to libat, manokon ra mn gud to. 

Ako; sayang kay gwapohon raba. 

Lola; maayohon pud bataa, gipaihaw gani tog manok naku. Palihog ko unya sa sawog sa taas day ha, kay daghan natog abog. 

As usual mga pipz, sawog gyud akong trabaho dani. Sinaw pa gani kaayo to, pero sagdi laman kay love mn naku si Lola. Suportahan naku siya, kay cleanliness is next to godliness [ sakto ba to? ] Exercise pud ba padako sa bagtak. 

Nagpa sounds ko sa taas arun maganahan ko mag lampaso. Ang bintana diay sa taas kay nag-atubang sa kalsada maong kita kaayo ko sa gawas kay dako pud ug bintana kay karaan lage. 

Pero wala koy pake, slide slide dang sayaw ug exercise akong gihimo. Ug nahunong ko kay nilabay man tong si Lando, spooting kaayo ag porma, pina shades pa. Gwapo gyud siya tan-awon ug dli lang kuhaon ang shades. Nitan-aw pud siya sa akong nahimutangan. Mura mn sad ug naa sa mga salidang karaan, namintana ang baye ug ang laki naa sa gawas. Gi ngil-asan ko, maong nipadayon nalang kog lampaso da yango yango sa ulo kay hype kaayo ang music. Wala na nako siya pansina. 

Sunod mga adlaw, mao ra kanunay akong trabaho. Ug dli manglampaso, motabang ni Lola magtanom ug bulak. Kay daghan kaayog bulak pud si Lola, katokoran nag flower shop. Nagbalhin mi adtog mga bulak sa laing kaang, dihang ni dung na pud si Lando sa balay ni Lola.

Lando; maayong hapon nay, pwede mangayo kog lemonsito nay?

Lola; sige sige, pangawhat laman danha doy. Naa puy dughit danha.

Lando; sige salamat nay, unsa may lingaw ninyo diha?

Lola; ai, nagbalhin mi danhig bulak kay na dugta na ang kaang.  

Wala lang gyud ko nag tingog, focus ra kos bulak nga gibalhin nako. Ipahimutang na unta nako ang bulak sa gibutangan, dihang nakahinumdom kong wala mn diay ko nag bra, unya nag sleeveless ra raba gyud ko nga nipis. Kay kami ra lagi ni Lola unya ang balhinan nako dapit pa gyud sa lemonsito.

Nipungko na laman kog balik, kay na basin makita ang mga kapayas naku. Lemonsito ra raba iyang gipangayo. 

Lola; daghana laman ug kuha doy, aron maapilan mi kay among e -juice. 

Lando;way problema na nay, pwede mangayo kog cellophane nay ?

Lola; kuha-e sa dadto day be, naa sa kusina. 

Gipaningot ko kay unsaon naku pag tindog nga dili maklaro. Molabay raba gyud ko sa iyang kilid. Pero wa nakoy nahimo, ni paspas laman kog sulod, murag hangin nilabay sa iyang tongod wa pa siya kalingi. 

Imbes kusina ko mudong, ga dagan dagan ko sa taas kay mag bra ko. Nadugay kog balik sa gawas. Nahuman na laman siyag panughit. 

Lola; dugaya man ka day?

Ako; naay nanawag kadali nay. 

Lola; tabangi palihog si Lando, pamunit anang lemon. 

Nitabang rapud ko nga way tingog, gi quarantine sad akong baba. Sige mig pamunit. 

Lando; tingog sad diha.

Ako; aw, hehe. Unsaon diay ni nimo?

Lando; magkilaw mn gud mi unya sa akong kauban. 

Ako; ahhh 

Dako gyud siyang tawo lawasan gyud, sayang manukon lang gyud. Wa na pud ko nagtingog hangtod sa nahuman mi. Pagkahuman nilakaw ra pud siya. 

Pagkagabie, ambot kay dili gyud ko mahiluna wala ko katug, mga 5am na siguro to. Kanang feeling bitaw nga natog na imong lawas pero hunahuna nimo nagmata. Mao gyud ang nafeel nako, dili na molihok akong lawas murag na paralize [ sakto ba? Paralize? ] ug feeling nako naay nikamang sa akong ulohan, una buhok nga taas taod taod , nawong nga dli nako masabtan ang hitsura. Niduol gyud ug maayo sa akong nawong, gusto ko mosinggit pero walay mogawas sa akong baba, dili gyud ko kalihok mura kog nanggahi. Ambot ngano to, sige ra kog limbag limbag kay hadlok kaayo siyag nawong mga guys. 

Hangtod sa nakalihok ra gyud ko, mura kog nakamata. Mao diay nang urong? Nag-abot na akong ginhawa. Gadali dali gyud kog gawas kay modung kong Lola sa silong. Nakalimot ko nga nag medyas mn diay ko maong paggawas naku sa kwarto na slide ko sa sawog nga pwerte ka danlog. Nahapla ko ui, nilagobo gud ang taas. Sakita gyud sa akong bat-ang , nadak dak kog maayo. Ayo kay wala gyud ko sa hagdan na slide ba. 

Nisinggit gyud kog tabang ni Lola kay wala ko kabangon, napiang ko ui. 

Ayo kay nakamata pud si Lola, gisaka ko. Wa na gyud ko naglihok kay murag na dislocate akong hawak. Natarantar na si Lola kay, wala pud siya kahibalo ug unsaon ko pag-arsa. 42kls. baya pud ko, pila raman tawon si Lola niwang pa gyud. 

Lola; unsaon naman ka naku day! Hoy Diyos ko, naunsa naman ka, Diyos ko ui! hoy, Diyos ko.

Ako; la! dili ko kabangon la, sakit akong hawak la, Palihog ko sa cellphone naku kay tawagan naku si Papa.

Gikuha ni Lola akong cellphone sa kwarto. 

Lola; hoy, Diyos ko makaari ba tawon to si Delfin ug dali. Mangayo sa kog tabang sa silingan bi.

Gitawagan naku sila papa sige rag ring. Mura pud tog mantika ug matog maong wala natubag. Niglihok naku naa gyuy mosakit ui, maong mahadlok ko ug walay mo alalay kay basig maputol unya akong hawak. Wala nalang gyud ko naglihok stay put ra gyud ko, hangtod naay rescue. 

Taod taod, dihay gadali ug saka sa hagdan. Nisiga akong mata kay si Lando may gidala ni Lola, ga uniform pa gyud, Komusta naman kaha ang kawatan nga iyang gibantayan? Sa tanang tawo sa kalibotan nganong si Lando paman. Nipis raba gyud kaayo akong gisuot unya wa pa gyud ko ga bra. Kauwaw ba. 

Lola; maayo kay diha si Lando day, Diyos ko ui. Palihog ko doy Lando bi. 

Lando; naunsa mn diay ka? 

Ako; na slide ko. Sakit akong hawak. 

Lando; gunit lang. 

Mokanta naba ta dani ug ' No arms can ever hold you like I do? ' gi arsa ko niyag hinay hinay unya nigunit pud ko sa iyang abaga kintahay. Naa gyud diay muscles ni si Lando , hitik na hitik. Nauwaw mn sad ta sa atong porma. Ayo kay nag pajama pud ko, kay nigunit raba gyud sa akong legs. 

Gihinay hinay ko niyag butang sa bangko. Kasakit gyud sa akong hawak, wa ko katarung ug lingkod. Pero mas nabalaka ko kay wa koy bra. 

Lola; day, unsa man? Magtawag tag manghihilot? 

Ako; taod taod sa la, kay basig maulian ra ni. Ui, salamat ha naka istorbo pa mi

Lando; ok ra , mo out namn sad ko. Ipahilot naba kay basig maunsa ka. 

Lola; ipahilot gyud na nato day .

Dili na unta ko paarsa sa kwarto, pero giarsa gyud ko niya. Mura mig bag-ong kasal. Gihinay hinay ko niyag butang sa kama, ug gi halokan ko niya joke! Wala lage ni espeje. Nilakaw na siya paghuman niyag butang naku. Mao nga tibuok adlaw naa ra ko sa kwarto, dadto rapud ko nagkaon kay hatdan Kong Lola. Gipahilot gyud kong Lola, naulian ra pud ko. 

Mga 7pm na guro to. Lami mn ikaon ug chichirya. Maong nigawas ko kay mopalit, naa raman sa duol ag tindahan maong ok ra. Paggawas naku, diha mn nagtambay si Lando. Duol ra mn ang balay sa amerkano ug stay-in pud siya.

Lando; o, asa mn ka? ok naka?

Ako; ok na. Mopalit ra kog chichirya.

Lando; Ayaw sigeg palabig chichirya kay makadaot na.

Ako; panagsa ra ui. Wa kay duty?

Lando; day shift ko ron. Ayaw sigeg lakaw lakaw kay gabie na.

Ako; oh, kuya mouli nako. 

Lando; unsay Facebook nimo?

Sa walay paglangan, gihatag nako. Gitabangan raba ko ani niya. Pagsulod naku sa kwarto, nag friend request dayon. Gi accept pud nako. Pero wala nku gi chat.

Mga ala 1 na siguro to, nakamata ko. Gitugnaw mn kog maayo mao nga gipawong nakung aircon. Wala napud ko katulog kay murag lain gyud akong pamati. Murag ni bagting akong dunggan kay mura mag naay lingkoranan nga gisibog sa gawas. Ala 1 naman, ayaw ko ingnag si Lola run sige pag panghinlo grabe napud kaayo. Ug kaning tig tan-aw lagi tag horror, wa gyud ko nigawas, nagbukot kos habol, bahala pud. 

Kay gusto ko nga malingaw kay dili na gyud ko katog, nag open kog Facebook. Naa gyuy sigeg sibog ug lingkoran sa gawas ba. Mahadlok pud ko mogawas ug moadto ni Lola, basig makakita ko ug punggot ang ulo. Bag-o pa rabang naulian akong hawak. Niugpot pako Kay nakuratan sa tingog sakong cellphone kay naay ni chat. Atakehon na gyud ko dani.

Lando- mata pa lage ka?

Ako- dili nako katog.

Lando- ako pud Wala ka tug sigeg hunahuna nimo.

Ako- sure ui 

Lando- lage, paita.

Ako- hoy, nahadlok ko naay sigeg sibog ug lingkoranan sa gawas murag naay tawo.

Lando- pagtarung

Ako- lage

Lando- pang lock ana. Moanha ko? Gae kog number nimo bi. 

Gihatag dayon nako. Sigeg kog paminaw naa gyuy sigeg sibog, maklaro kaayo Kay kahoy baya ang salog. Unya nihunong. Hoy, lain namn gyud akong pamati. Daghan nag chat si Lando. Ang na reply ra nku kay ok. Kay nahadlok nku kay nikusog mn ang pagbira. Syaro ug wala ka mata si Lola dadto? Naminaw ko ug motawag si Lola Wala mn 

Namugnaw na gyud kog maayo, nanawag na si Lando , gitubag nakog Dali Dali Kay nahadlok na gyud ko. 

Lando; dia na ko gawas. 

Ako; unsaon mn nako paggawas danhi.

Lando; sa purtahan gud. 

Ako; mahadlok ko mogawas. 

Lando; pagtarung ba kay katkaton ka naku diha.

 Sus Ginoo. Mura mn tawog naa mi himoong milargo dani. 

Ako; uli na lang ui, dli ko mogawas. 

Lando; pagtarung diha ba, basig kinsa na. Kamo ra rabang duha sa imong Lola diha. 

Bitaw noh, daghan raba tog antik si Lola. Mahalon raba tong uban. Pero mahadlok gyud ko mogawas basig unsa pa lamay ma kita naku. Basig makakita kog galutaw nga white lady nga taas kaayog buhok. Mamental na gyud ko dani. 

Lando; dia ko dapit sa inyong bintana. Sayon ra raba katkaton. Mo katkat ko?

Ako; maaan kag kawatan diha ui. 

Lando; walay tawo. Gawas sa kwarto ug manuktok nako sa bintana.

Nakapangayo kog pasaylo sa Ginoo, sa among buhaton ui. Pasayloa tawon mi, wala gyud mi milargo himoon ni Lando. Nikatkat gyud si Lando sa second floor sa balay ni Lola. 

Lando; dia naku, abrihi ko bi, hapit nako mahog. Gamay ra akong gitumban. 

Nawala akong kahadlok ui, basig mahog pa laman ni si Lando masakpan mi ni Lola. Straight kaayo akong panan-aw paggawas, sa bintana ra gyud. Mura mn mi anig padung magtaban ui. 

Lando; hawoya ui, dugaya mn nimo abrihi. Mura nakog spiderman dire. 

Ako; hadlok ko mugawas ui. Nganong nisaka paman gud ka. 

Lando; asa mn dapit imong giingon. 

Ako; danhi.

Lando; unya? wa mn lage. 

Gitan-aw naku ang mga bangko, Wala mn matarog. Hapsay mn kaayo. 

Ako; danhi gyud to, naay nagsibog sibog sa bangko. 

Lando; basig hunahuna ra nimo.

Ako; dili gyud, dungog kaayo nako. Nikusog pa gani. Abi kog makamata si Lola wala mn.

Lando; YA** !!!

Nakuratan pud kog apil, kay naunsa si Lando, abi kog nakakita nag punggot ulo. Nakaatubang mn diay dadtong itom nga Santos. 

Lando; hooh! atakehon raman pud ta anang santosa ba. 

Ako; wa ba diay ka kita ana ganina. 

Lando; ok raman to kay adlawan. Kurat mn diay ug gabie. 

Ako; di mn halata nga hadlokan diay pud ka noh. 

Lando; kinsa puy di mahadlok anang mura na mag kapre ka itom. 

Pasayloa tawon si Lando Lord, kay Wala siya kahibalo sa iyang gipanulti. Nag inspection na siya sa taas. Gasunod sunod ra ko sa iyang luyo. Tulo may kwarto sa taas, maong giabrihan namo ang duha. Wala may tawo pud. Ninaog mi sa ubos, gahinay hinay mi kay basig makamata si Lola, maaan unya ming duha nga kawatan. Wala gyuy tawo mingaw kaayo, mura gyud mig mga kawatan. 

Lando;Wala may tawo, panglock ra . Ani Lang ko mogawas , i-lock dayon. 

Ako; pwede dadto ra gihapon ka mogawas sa bintana? Mahadlok naman ko mosaka.

Gaduhaduha pa si Lando, kay hapit siya mahug ganina. Pero nisugot rapud. Dadto gihapon siya sa bintana nigawas. Ug naay kita namo, maaan gyud mig naay milagrong gihimo. Pagnaog ni Lando, Dali dali dayon nakog lock ang bintana ug dagan ditso sa kwarto way lingi lingi. 

#SaBalayNiLola Part 2

WARNING: Psst !! Tan-awa sa daan ang likod . Basin baya ug naay moapil ninyo ug basa sa akong story dani. Ug talawan ka ayaw nalag paluma ug basa sa akong story balhin mo sa espeje.

Notice: Dili pa ni finale, sa mosunod pa nga mga adlaw kay hago ug type, sama sa kahago sa inyong relasyon.

Pagka-adlaw, nangutana ko ni Lola ug duna ba siyay nadungog gabie. Ingon siya wala mn kay lami kaayo iyang tulog gabie. Basin daw ug hunahuna ra to naku. Pero dili gyud to hunahuna nako, kay nagsiga gyud akong duha ka mata naminaw. Naa gyuy nag sibog ug lingkoranan gabie mingaw na baya. Nanlimbawot akong balhibo. Ehhh, unsa kaha to. Daghan raba kaayog antik si Lola nga gamit unya karaan na ning balay ni Lola 100 years kapin na. Ni glow up lang ang silong.

Ug kay nahadlok lagi ko gabie sa akong nadungog. Pagkasunod gabie, nagdala nakog banig sa silong kay dadto ko tulog sa kwarto ni Lola. Bahalag mag banig ko, basta kay wa koy madungog nga hadlok. Gamay raman gud ang kutson ni lola maong sa salog ko matulog bahalag mag banig ko. 

Mga 9, nagpahiluna nami kay matulog na, sayo kaayo matulog si Lola. Sige nakog ligid ligid kay wa ko maanad ug sa salog matulog. Di gyud ko katulog ui, kay 9 pa pud lage, nag online sa ko. Abtika ning chat si Lando. 

Lando- gud eves 

Ako- bie pud 

Lando- naa gihapon ka sa kwarto sa taas?

Ako- wala, dari kong Lola na tulog.

Lando- maayo kay arun naa kay uban ba. 

Ako- lage

Kahibaw nako sa style aning Lando ba ug asa ni padung hahay. Gi off nalang naku ang active status naku. Hago ni si Lando. Na descarage lagi ko sa iyang mata nga dili magkauyon ug asa motan-aw. 

Sige ra kog scroll, pangitag asay maayohon. Hapit ko atakeha kay nikalit ramag dungaw nako si Lola. Pwerte nakong kurata ni Lola mura mag nakadungaw ug longon. Nahug nuon ang cellphone sakong nawong, sakita ui. 

Lola; Hoy! Mao lage ng makadungog nakag bisag unsa kay magbilar ka anang celpon! 

Ako; Lola ui, pakurat pud. 

Lola; undangi na nah! Buntag celpon , udto celpon, gabie celpon gihapon. Wa ka ma bong anang imong celpon day? Murag dli naman na nimo ibulag. 

Ako; lage, matulog naku la. Tulog na danha.

Lola; nangaje naka ? Pangaje lage dusa matulog, di kay celpon ang pangaje-an.

Ako; lage la mangaje naku, tulog na danha.

Hahay, Wala lage ko makadungog ug hadlok nga tingog ang hadlok nga kasaba pud ni Lola akong nadungog. Ug aron iiway lage ta sa mga daotang espiritu, nangaje gyud ko. Gi off nakung cellphone ug gipugos nakog katulog. 

A few moments later...

Wako katulog! kay kusog mag sounds si Lola matulog mura mag naka amplifier.

Alas 11 na laman. Niabot na sa Neptune akong hunahuna, wa gyuy tulog nahitabo nako. Kusog mn diay ni mohagok si Lola. Gikapoy na gyud ko, pero akong mata nagsiga pa. Igang pa gyud kaayo danhi. Nisamot kay kaihion pa gyud ko. Gawson pa raba gyud ang cr. 

Gipugngan lang gyud nako, karun ra bitaw. Bahala pud kang pantoga ka, tigomon ra ka naku ugma. 

Ug kay nigara mn gyud akong pantog kay kaihion na gyud ko kaayo. Maikog mn ko mubukaw ni Lola kay grabe namang tulog. Lami na gyud kaayo ipagawas. 

Gi on nakung cellphone, aron magheadset ko mudulong sa cr. Basta straight lang gyud akong tan-aw, dili gyud ko molingi bisag asa. Gi full volume naku, bahalag mabungog ko, Basta kay makaihi lang gyud ko. Dance monkey ang sounds.

Paggawas naku, ditso dayon sa cr. Way lingi lingi. Nawala rapud akong hadlok dadto naku sa cr, kusog kaayo akong headset. 

Pagkahuman ug pagawas sa gibati, dagan dayon sa kwarto ni Lola. Success. Nakaihi ra gyud ko. 

Ako napung problema dani kay dili ko katulog. Nag search nako sa YouTube ug unsaon pagkatulog. Asa ang mga pressure points arun makatulog ko. Gisuwayan naku tanang pressure points, wa gihapoy tulog niabot naku. Alas 2 na laman. 

Giundangan naku ui, gipiyong na laman naku akong mata. Kapoy na gyud akong lawas pero akong hunahuna murag naka soyop. 

Nisamot kog kagahi kay diha may nikaraw sa gawas. Nigahi gyud kog taman kay gipaminaw naku. Mura mag naay nagguyod ug puthaw, tiles baya ang salog danhi sa ubos. Dungog kaayo naku. Taod taod naay niabli sa pultahan murag sa cr gyud to dapit. Nag cr pud ag kalag? Namugnaw gyud kog taman wana ko kalihok, ga pitok pitok ra akong mata. Naa gyuy sigeg lakaw lakaw sa gawas nga gatiniil lain kaayo paminawon. Ahhh!! Nagbukot kog habol ui, unya nag headset ko. Bahalag igang kaayo. Gipaningot nakug maayo sa kakulba pud nako. Murag mogawas na akong heart sa akong tilaok. Tagaktak na akong singot. Mura nakog gidaoban sa kaigang. Naghuot na gyud akong dughan sa kahadlok. 

Pila gyud to ka minuto nakong bukot.Pero wana na gyud ko kaagwanta, dili na gyud ko kaginhawa. Gilabay nakung habol. Ma sufocate naku. Gipaningot na gyud kog taman, basa na kaayo akong sinina ug singot. Lupig pay nag jogging. Karun ra gyud ko naka experience dani ba, naa mn gud tong mga ig-agaw naku ug dani ko matulog. 

Pero nganong mahadlok mn ko nila? Ug mahadlok daw ka , mugara na sila. Ako ramay kanse dani kay wa nakoy tulog. Nibangon ko ui, nangukay kog sinina ni Lola kay basa kaayo akong sinina ug singot. Hoy, saman puros mn pantigulang ang mga sinina danhi panahon pamang Maria clara. Naa poy puros daster nga binulakan. Wa na gyud koy choice gisuot nalang nako ang blouse nga murag sinina ni kurdapya bahalag baho ug moth balls. Bisag kasukaon ko sa baho giagwanta gyud nako. Gipiyong naku akong mata ug nag-ihap kog 1000 pa ubos sa akong hunahuna. Tungod siguro sa kakapoy na gyud sa akong lawas nakatulog gyud ko. 

Pagkabuntag sige kog ingon ni Lola nga naa gyuy something daning balaya. Wala pa siguro ka move on ang nagpuyo dani sauna maong sigeg paramdam, ako raba gyuy gi target.

Lola; hunahuna ra lage na nimo. Sige mn gud kag celpon. Mao na.

Ako; dili lagi la, ipa pray over nato ning balaya kay wala pa ka move on ang mga kalag dani. 

Lola; kadugay na nakung puyo dani, wala mn lagi ko kabati.

Ako; gi skip ka kay basig mahadlok sila nimo. 

Lola; hilom ra gud diha Helga, namahulay na tawon tu sila. Dili na nato hasolon. 

Di gyud motuo naku si Lola, ako ra gyuy gitripingan daning mga kalaga ni. Wala mn ni sauna, pero karun raman pud ko katulog danhi nga kami rang Lola. Basig naay bulawan nga gilubong nila dani ba, ilang gibantayan kay mahadlok ug akong kutkuton.

Pila ka gabie dadto ko natulog ni Lola, bahalag igang kaayo kay dili pud moangay si Lola ug electric fan. Sige ra kog pamaypay. Naka adjust raman pud ko sa salog matulog. Basig birahon ra kog kalit dadtong taas ug mobalik ko dadto. Dili siguro sila mosulod daning kwarto ni Lola, maong dani gyud akong safe zone. 

Mga 1 week, wa na gyud koy nabatian nga bisag unsa. Hamugaway na akong mga gabie bisag igang. Wala napud ko kita ni Lando. Asa na kaha to gibutang ni Lord, wala naman tigpangayog kamunggay. Wala napud nag chat, maayo ra pud kay wala gyud ko kauyon sa pagsinumpakiay sa iyang mga mata. 

Alas 2 siguro to, nag pa aircon ko sa taas kay igang kaayo ang panahon. Cellphone cellphone napud, tago ni Lola kay makasab-an kog sigeg lantaw ug cellphone. Tan-aw kog k-drama nga hotel de Luna.

 E- fast forward nako ug hadlok na kay naa raba gyud ko sa haunted house ni Lola. Drama na kaayo ang scene ni Man- Wol ug Chan-Sung kay hapit naku sa ending. Dihang naay murag nituktok. Gi stop sa nku ang drama ug gipaminaw ug naa bay ni tuktok. Ni tuktok napug balik ka tulo kanang hinay ra bitaw nga murag walay gana ni tuktok.

Ako; abli na la. 

Hilom.

Wala may ni abli sa pultahan. 

Gitan-aw gyud nako ug motuyok ang door knob wala mn. Ug kaning naka experience na lagi tag lain, dili gyud ni si Lola ba, Dili ni si Lola!!! Namugnaw napud ko. 

Nisinggit kog kusog kaayo gitawag naku si Lola sa silong. Abot siguro to akong tawag sa pikas balay ba. 

Ako; la!!!!

Lola; naunsa mn ka diha day!!!

Ako; asa ka!!!!

Lola; dia gud sa silong!!!!

Ako; dung sa dari la!!! Kay naay nanawag !!!!

Lola; naog dari!!! 

Ako; dari lang!!!! Kay kusog signal !!!

Nagsinggitanay naming Lola kay, mahadlok ko mogawas. Naa pa laman sa pultahan. Ayo kay ga online tong akong ig-agaw sa Singapore, gi video call dayon nako kay maoy ipa-estorya nako ni Lola. Makigdula gyud nako ning mga kalaga ni. Dili ko mo surrender ui. Mamatay pa sila. 

Nanilhig ko dadto sa gawas kay daghan ng bombil nga tagak. Dihang nilabay tung kauban ni Lando nga guard. Kaila pud nako si Koya kay dugay na siya danhi. Natingala ko kay wala naman ko kita ni Lando. Nagpaopera basin tog mata. Maong nangutana ko ni Koya.

Koya; ah si Lando , niuli sa daw sa ila kay namatay iyang igsoon.

Ako; hoy! Tinuod koya? Unsa may gikamatyan? Covid? 

Koya; dili, na disgrasya ug motor. Luoy lagi, graduating na raba gyud to. 

Ako; hoy, kalooy pung Lando diay. 

Koya; lagi duha ka semana mn iyang pananghid ni sir, nisugot mn pud Kay buotan mn si Lando diri. Saman gimingaw naka?

Ako; wa ui! Tingala ra mi ba kay Wala nman namo nakita. 

Koya; mobalik ra to , huwata ra.

Ako; wa ko naghulat hoy!

Koya; estoryahee. 

Lami pud ni silhigon si Koya da.

Namatyan diay to si Lando, kalooy pud. Nagpaka spiderman raba gyud to dari. Hahay, giampo laman nako nga mag move on gyud dayon ang kalag sa iyang manghod. Kay di lalim ug mahasol sa dili ka move on nga kalag.

Naghanday handay ko dadto sa taas napud kay tago lagi ni Lola. Pero Wala nku sa kwarto naku, danha ra ko sa gawas gahigda sa sofa. Ayaw ko ingnag motuktok napud to gikan sa sulod sa akong kwarto. Nalisoan na gyud sa pangisip ang kalag daning balaya. Gihuman nako ang hotel de Luna, dana nako sa mulakaw na si Man-wol sa laing kalibotan ug biyaan na niya si Chan-Sung sa murag tunnel. Nakahilak pud kog apil kay mabiyaan diay si Chan-Sung. Pwerte ng tulo sa akong luha dihang murag naa may mi labay sa kong likod kay naay nihangin gamay.

Murag na freze pud akong luha. Pero wa gyud ko molingi sa likod. Nisiga ra akong mata. Mura kog na estatwa. Wa gyud ko kalihok. Ni dako akong dunggan nga nitangkag. Basig hangin ra pud to. 

Pero lain gyud akong pamati, naay gyuy something sa kong ulohan. Nanlimbawot akong balhibo. Namugnaw napud ko. Niangay gyud ning kalaga nako ba kay perme mn ta balikan. Ayo pay kalag balik balikan pata. 

Nihinay hinay kog bangon, wa gyud ko molingi sa luyo. Straight ra gyud ang tan-aw padung sa hagdan, way lingi-ay. Kalma ra gyud di pahalata nga nahadlok na. Hinay hinay dayon sa hagdan kay basig ma slide napud ko dani. Pag-abot sa ubos, hingkaratil kog dagan padung sa gawas dadto ni Lola nga nag kuri kuri dadtong mga bulak. Mura kog nahimong ninja kay gilupad gyud nako ang mga bulak. Natumban pa naku ang caladium nga bag-o niyang tanom. 

Lola; hoy! Diyos ko! Naunsa mn ka Helga! Atakehon ra mn pud ta nimo day!. Naunsa man ka!

Ako; la! naa lagi di ingon nato nga naa dani. ! 

Lola; ha?

Ako; naa lagi la.. sa taas. 

Lola; makuyawan rapud ta nimong bataa ka. 

Ako; naa lagi la! Dadto sa ta sa balay ta. Lockan ra gud ni nato. 

Lola; hunahuna ra lagi na nimong bataa ka. Unya kita ka? 

Ako; wala, pero mabati gyud nako nga naa tay kauban dani. 

Lola; sus ko Ginoo, hunahuna ra lagi na nimo. Kadugay na nakong pumoyo dani. 

Kadugayan alsahon gyud ni naku si Lola sa amo ba. Di gyud motuo. Ig-uli nako naa nakoy sakit sa heart. Bisag unsaon ug explain di gyud motuo. Muna Muna na baya nako dani. 

Kay nahadlok na lagi ko, gitawgan nako akong usa ka ig-agaw nga laki si ondoy nga high school. Kay dani nako paubanon namo. Bahalag akoy mag answer sa module niya kay dili na gyud nako kaya ang kahadlok daning balaya. Ayo kay nisugot pud kay ako lagi mo answer sa iyang module. 

Dadto mi sa kwarto nga aircon.Kaming duha kay arte pud ning bataa, ug usa ra may aircon daning balaya. . Bintaha pud kay naa nakoy kauban. Sa salog siya ako sa kutson. 

Ako; doy, wa kay na feel aning balay ni Lola? 

Ondoy; unsay na feel? Nay ungo ani?

Ako; mura

Ondoy;wa mn, sigi mn kog tulog dinhi. Wala mn ko ungo.a

So ako ra diay gyud? Na inlove gyud siguro ng kalag nako. O hunahuna ra gyud ni nako nga grabe ka advance. 

Ug kay namatyan lagi to si Lando gi chat naku. 

Ako- Komusta naman ka. 

Lando- seen

Gi seen ra ko? Kuyaw! Bahala ka diha. Murag na sungot ko. Gi off nakung cellphone. 

Natulog gyud kog sayo, kinahanglang akoy mauna ni Ondoy ug tulog dani. Kay nag duwa pa mag cellphone. Lami na kaayo akong pamati kay aircon na, unya naa nakoy kauban. Mao nga dali ra ko nakatulog. 

Mga alas 4 siguro to, nakamata napud ko kay nangita napug cr akong pantog. Ayo, kay dari ra pud sa kwarto ang cr. Mao nga dili tantong hadlok. Paghuman ug cr, wala na pud ko kabalik ug tulog kay sayo kaayo ko natulog gabie. Mao nga ga online napud ko. Pag open nako , gapusot pusot ang chat ni Lando nga 10 message siguro to ka buok. Wa na ku gireply. 

Gitiwas to nakung hotel de Luna nga ending. 

Wala rapud ko nagmahay kay happy ending mn diay pud. Sana all. 

Paghuman natulog kog balik, mingaw kaayo. Dihang naay ni agoo murag nasakitan. Nakabangon kog dali, gitan-aw nako si Ondoy. Hagok mn apil lubot. Nigara na pud ang kalag ai. Lain kaayo paminawon kay murag nay nag agoo sa gawas lain gyud kaayo .. Gikusnot nako si Ondoy kay para makadungog siya. Gibira nakung dunggan. 

Ondoy; agay ! Pes** !

Ako; shh! Paminawa. 

Ondoy; unsa mn! Hagoa pud ka ui. 

Ako; karun ba.. 

Namingaw ming duha, kay diha gyuy ni agoo sa gawas, kanang lain kaayo paminawon ngil-as kaayo, murag nasakitan.dli maexplain sa kalain.. Ag si Ondoy nga nilupad mn sa kutson ni suksok. Labaw pud diay talawan. 

Ondoy; ya** unsa mn ron? 

Ako; ingon bitaw ko. Gawsa daw bi

Ondoy; bahala pud ka diha. 

Ako; gawsa sa ba, kay basig tawo ron.

Ondoy; dli ko ui, bahala ka. 

Ako; kitang duha ta. 

Ondoy; bahala pud ka. Ikaw ra. 

Ako; laki bitaw ka.

Ondoy; ikaw ra lage !

Ako; hagoa nimo ui. 

Gikulbaan gyud ko kay mura mag tawo gyud ang tingog. Nag agoo. Hunahuna nako basig si Lola ron. Mapatay gyud ko ni papa ug si Lola ron. Naunsa naron si Lola. Gi kusnot gyud nako si Ondoy aron ubanan ko mag-abli sa pultahan. Para mawala akong kahadlok, gi kalit nakog abri ang pultahan, unya nigawas ko.

 

Mingaw mn. 

 

Ag Ondoy nga nilupad naman dadtong hagdan gibiyaan ko. Gadali pud kog dagan nag ka slide slide pa ko kay danlog kaayo ang salog unya ga medyas ko. Sige kog tawag ni Ondoy nga hulata ko, nisutoy man hinuon, dose baya ka ang-ang ang hagdan. Hapit ko maumod dadtong ubos kay danlog kaayo ang salog. Nahulog gud tong tanom ni Lola sa hagdan kay nilayat na mn si Ondoy sa hawiranan. Napura mig panagan sa silong. Dadto mi sa kwarto ni lola sigeg panoktok. Namugnaw gyud kog taman dadto ui. 

Wa gyud nagpapugong si Ondoy, niuli gyud sa ila pagka buntag, gibiyaan gyud mi ni Lola. 

Siya ra daw answer sa iyang module. Dili pud naku pwede biyaan si Lola dani. 2weeks pa dw makauli si Auntie danhi gikag surigao kay mag quarantine pa ug 14 days. Maong agwanta napud kog 2weeks danhi. 

Balik napud ko sa kwarto ni Lola kay gibiyaan gyud ko ni Ondoy, labaw mn diay pung talawan bataa. Ayo pa to si Lando kay Santos ra may kahadlokan. 

Gibinuangan gyud ko dani sa mga kalag nga wala ka move-on ba. Ako mn gyuy gi target. Nasungot na gyud ko daning mga kalaga ni . Gibawsan naku, nagpa sounds kog heavy metal nga kanta sa taas , full volume gyud, syarog dili mo mangabungog ug mangalagiw mga kalaga mo. Banha kaayo ang balay ni Lola murag naay banda. Nananghid mn pud Kong Lola, ok ra dw kay mag pa sounds mn pud tong akong ig-agaw ug kusog. 

Dadto mi sa gawas ni Lola, nanghinlo napud, kusog kaayog sounds. Dihang nilabay si Lando gadalag bag. Gikan pa siguro ni sa ilaha. Ga mask ug ga shades, ayaw lang gyud ipatangtang ang shades. Murag si Randy Santiago ba. 

Lando; labay ko nay! 

Lola; ui doy Lando! Komusta naman ka?

Lando; ok ra nay. musta pud mo?

Lola; maayo gihapon. 

Lando; kanang imong daga diha musta man?

Wala ko nagtingog, nakuratan ko kay gibunalan ko ni Lola ug silhig tokog. Naunsa naman tawon ni si Lola ui.

Lola; hoy day, gipangumusta ka.

Ako; oh, ok ra. 

Lando; Ari sa ko nay, kay duty pa ko. 

Lola; sige doy. 

Lola; nganong dli mn ka mamansin ni Lando bataa ka mura raba tog nakaangay nimo. 

Ako; namansin bitaw ko. Wa ko niangay dadto ui.

Lola; Kay manukon?

Hagoa si Lola ui gi hot seat gyud ko niya dani. Gwapo mn gyud to si Lando, crush gani siya daning silingan dw nila Lola kay lawasnon lagi unya taas. Dili lang gyud ko ganahan sa iyang mata. Ambot ngano pud ko, hinawayon gyud tingali ko. Mao siguro ng giduol kog mga kalag sa pagkahinawayon naku ni Lando. Kay nagsugod gyud na dadtong nanghinaway ko sa iyang mata nga sigeg away, dili ma inform ang usag usa. Dadto gyud nagsugod. Wala mn gud ni sauna sige kog katulog sa balay ni Lola. Mga barkada siguro ning mga kalaga ni Lando ba, gibalosan ko hahay.

To be continued....

#SaBalayNiLola Part 3 (FINALE) 


Kay niuli lage si Ondoy tungod sa kahadlok daning balay ni Lola. Nangontak napud kog ikauban namo, kay basig dili ni kalag ning tigparamdam namo. Basig tawong tampalasan ni nga naay daotang tuyo. Kay kami ra bayang Lola. Maunsa pa laman ming duha pulos mi mga bae. Ug nakontak naku ang duha nako ka ig.agaw nga magsoon si Vince nga 20 ang edad ug si Bronske nga 17 pero Onday, Ondoy nga Inday kay half pud siya. Pero 4 ra pud sila ka adlaw. Nalipay pud si Lola kay ganahan siya nga naa mi iyang mga apo nga badlongon. 

Nagbadminton mi ni Bronske dadtong gawas, dihang na siplatan naku si Lando dadto pa sa layo, spooting napud kaayo, gikan siguro ug lungsod pina shades gihapon. Kinsa kahay gi aybol nga txtmate. 

Concentret ko sa duwa, kay kusog kaayo mohapak si Bronske, pa bayot bayot raman diay. Load ang pusta maong focus gyud ko kay sayang ang 100 nga load.

Init na kaayo among duwa, dihang ni hunong nis Lando sa among tongod. Murag nakatan-aw ug tournament kay ni plastar mn gyud dadtong lingkoranan. Ayaw lang gyud kuhaa ng shades kay basig matakdan pud ko sa iyang mata, ma libat pud ko. Concentret lang gyud ko kay giganahan mag kalit ni si Bronske ug hapak mas ni kusog mn hinuon. Na inspired siguro ni Lando. Wa naku pansina si Lando, dihang ni balik si Vince nagpalit ug cobra sa tindahan. Nitapad ni Lando, silang duha nag estorya.Hapit na gyud ko mapildi kay kusog na kaayog hinapakan si Bronske, pinabomba ug pinalupad lupad naman tanan murag wakwak.. Naunsa naman tawon ni si Bronske. 

Ako; time out sa bi! Wa tay bombahay bron, kanse ko dani. 

Bronske; hooy, problema na na nimo. 

Ako; time out sa. Sakit na akong bukton. Moinom sa kog tubig. 

Gasakit na gyud akong bukton dadto. Mura namag naay kaaway ang hinapakan ni Bronske. Ni sud ko sa kusina , nag inom kog tubig dihang murag naay nilabay anino sa kong luyo. Nasud ipan ko sa tubig. Ga ubo ubo ko kay murag ni sud ang tubig sa kong ilong. Naunsa mn to ui. Pakurat pud ning mga kalaga ni. Patyon na laman ta sa kakurat. Namugnaw napud ko,maong gadagan dagan ko padung sa gawas. Paggawas naku, gi pulihan naman kong Lando. Makatarong ba kaha nig hapak sa shuttle cock, di ba kaha maduha ang panan-aw ug mag sigeg kasipyat mosamot kog kapildi .

Ako; ui, naa diay koy sub dani?

Lando; ako sa, lingkod ra adto.

Bronske; ehhh ehem..ehem.. ehem. 

Pasikat pud ni kaayo si Lando. Nalimot nuon ko sa anino ganina kay nabalaka ko ug mapildi ko dani, sayang akong 100. Gipasagdaan na laman naku kay basig mohilak unya. Kung kusog si Bronske, mas kusog manghapak si Lando murag nakahapak ug kawatan. Nisamot kay akong gi cheer. Mura nag pang world tournament Nabaliko gud ag rocket nga tag 150 , rocket nalamay ni surrender ni Lando. Naunsa ba nga maka focus mn diay pud ning iyang mata. Kuyawa diay ni si Lando. Ako nooy nakadaog hapit nako magakos si Lando ui. Si Bronske naka load naku, kuyawa diay kaayo akong sub, professional mn diay kaayo. Sayang lang ang rocket kay nabali gyud, Wala na nuon mi rocket dani.

Pagkagabie, nagsabot ming tulo nga mag-inom ug beer.. Si Vince nipalit kay murag naay problema sa iyang lovelife. Wala na laman namo sukit sukita kay sapoton raba kaayo tawhana. Mabugahan unya ming Bronske. Nagtagay mi atubangan sa mga Santos sa taas, makasab-an gyud ming Lola ug makakita namo. Kami ray nagtagay nga iyahay ug cellphone, way tingogay mo tingog rag hatagan ug baso. Busy kaayo mig cellphone. Dihang ni chat si Lando naku.

Lando- bie

Ako- oh

Lando- duha ra kalaki imong uban diha?

Ako- oh, why mn?

Lando- naa lagi laki sa inyong taas ganina. 

Nisiga akong mata sa chat ni Lando, gibalik balik gyud nakog basa kay basig nalibat libat lang ko. Wako ka reply dayon, gikulbaan kog maayo. Si Vince ramag si Bronske akong uban dani. Nitindog tanang balhibo naku sa lawas, naa lagi mi kauban dani. Nakabalhin ko sa lingkoranan ni Vince, dadto ko ni suksok.

Vince; naunsa ka? 

Gipabasa naku ang chat ni Lando. Ingon si Vince nga patawagon si Lando mao nga gitawagan naku.

Vince; do, tinuod ni imong chat?

Lando; oh, lagi . Naa sa inyong taas ganina , abi kog kauban ninyo.

Nisuksok na gyud ko ni Vince, kay mao tali ng sigeg paramdam nako. Basig engkanto ni, unya dad-on ko nila dadto sa ilang lugar. Mokalit ra kog kawala. Himoon ko nilang rayna sa ilang palasyo. 

Lando; i-check sa inyong balay diha bai. Kay murag naa moy laing kauban diha ba. Panegurado lang gud. 

Nag-ampo lang gyud ko nga nalibat lang gyud ni si Lando. Basig naaan niyag tawo ng mga Santos ni Lola nga dagko. Mao nga ga sunod sunod gyud ko ni Vince, gibiyaan nako si Bronske kay dili kasaligan. Gi check namong mga kwarto, mga lock ug dili ba guba ug cr sa taas. Wala mn. Ni dung pud mi sa silong, cr ug kusina ug mga lock ok mn tanan. Kang Lola ramang kwarto ang naa sa silong. Namugnaw na gyud ko kaayo. Bisan pag dili kasaligan ang mata ni Lando, mismo ako naka feel gyud nga naa mi kauban dani. 

Vince; basig nalibat lang to si Lando. 

Bronske; kana sigurong mga Santos iyang nakita, mura baya pud nag tawo sa layo. 

Vince; basin 

Ako; hoy, Ayaw ko ninyo biya-e danhi ba, dungan ra gud tag uli, hulatun nato si Auntie. 

Vince; balik na lagi kog trabaho sunod semana. Kana si Bronske ani ra na.

Bronske; eh, muoli ko ui.. 

Vince; nganong niuli mn to si Ondoy?

Ako; bawo dadto talawang dako.

Kay naa lagi ming tulo, malipayon kaayo si Lola. Kada pangaon namo naa gyud na siyay mga storya nga kuyaw kaayo. Iyang mga kaagi sa una, Bisag balik balik ug memorize na namo pasagdaan ra namo kay love mn namo si Lola. Iyang mga kaagi sa kadtong buhi pa si Lolo, namatay diay si Lolo kay gisulod ang balay nila Lola ug mga kawatan nisukol si Lolo kay gi protektahan niya si Lola ug sila Papa nga gagmay pa mao nga nadunggaban si Lolo. Mag storya si Lola sa iyang kaagi maghilak gyud na siya dili niya makalimtan ang kasakit nga nagtan-aw ni Lolo nga gisigeg dunggab sa mga kawatan pagkahuman gibiyaan kay giatangan niya ang pultahan kon asa sila Lola Makahilak pud mig apil. Kamo pud?

Lola; Kon mopili mo ug ikauban ninyo sa kinabuhi, ayaw pagtan-aw sa gawas lang nga hitsura kondili dadtong maayo ug kinaiya kay ang hitsura mulubad pero ang kinaiya hangtod sa kamatayon magpabilin. 

Natuk-an ko kay murag ako may giigo ni Lola dadto. Hinawayon kaayo ko ni Lando kay libat. 

Lola; kadtong inyong Lolo , dili mn to gwapo pero iyang kabuotan walay makasukod. Ug wala gyud ko nagmahay nga siya akong gipili.

Bronske; char, Sana all. Nganong wala mn ka mangita ug lain la pagkamatay ni lolo?

Lola; kay naa gihapon siya dani. Gibantayan gihapon ko

Nisiga akong mata, kay lain mn akong pamati sa giingon ni Lola. Naa may laing meaning. Basig si Lolo ang wala ka move on na kalag dani. Wala pa ka move on si Lolo, gibantayan siguro niya ang balay ni Lola kay basig mobalik tong kawatan wala pa baya to na dakpan

Bisag unsaon nakog pugos ang duha, manguli gyud daw sila. Mabilin napud ko dani, samot nakog kahadlok kay gisamotan pang Lando. Maong pag-uli sa duha, nibalik napud akong nerbyos. Wa nakoy nakontak nga ig-agaw nga mouban namo. Balik napud ko sa kwarto ni Lola sa silong. Misamot akong kahadlok ug mogabie na, dili nako ganahan ug moabot ang gabie. 

Tulog na si Lola pero ako sige gihapog pitok pitok ang mata. Gisamotan mn hinoon ni Lando akong kahadlok daning balay ni Lola. Nag online nalang ko kay dili gyud ko katulog. Abtik napud ni chat si Lando.

Lando; musta. 

Ako; dili naku katulog sa imong giingon. 

Lando; Ayaw nalang to hunahunaa, basig mga santos ra pud tong akong nakita diha. 

Kaning libata ni pakamatyon ra pud tag dali. Ug kay aron mawala lagi akong kahadlok, nangita kog topic namong Lando. Among chat niabot ug ala una sa kadlawon. Nagkalami mn ming duha ug chat. Duty man pud siya maong wa gyuy tolganay. Hapit napud ko malibat sigeg totok ug cellphone. Hangtod sa nakatugan gyud nako among chat ni Lando. 

Dili nako modung sa taas, gidala na nku tanang gamit sa kwarto ni Lola. Kay naa gyud dadto ang wala ka move on nga kalag nga basig si Lolo . Mahadlok na pud ko mang lampaso ug manarapo sa taas ug ako ra, pa uban gyud kong Lola. Kulang nalang pas-anon naku si Lola kay magsakit na iyang tuhod mosaka. Kay dili na lagi ko mosaka sa ibabaw dadto ko sa sala sa ubos. Dili unta ko ganahan sa ubos kay naa ang pang horror nga rocking chair ni Lola. Mahadlok ko basig molihok nga walay tawo, bisan pag bag-o nga rocking chair lain gihapon tan-awon. Ing-ana bayay gamiton sa mga horror movie. 

Naghanday handay ko sa sofa, dihang naay ni Ayo. Gitubag pud nako kay basig wala ka dungog si Lola dadtong kwarto namilo ug sinina. Ako nalay nigawas kay naay tawo lage nag Ayo. Paggawas naku, wala may tawo. Gigawas gyud nako basig naa sa layo nag tawag. Wala mn gyud. Ang nakit-an ra nko si Lando naglakaw, paingon sa tindahan. Maong gitwag nako. 

Ako; hoy! Nanawag ka dari?

Lando; mao pa gani ko pag-abot nako ani palit kog sabon. 

Ako; kinsa mn diay tong ni ayo . 

Lando; basig mga Bata. 

Ako; dili mn to batag tingog. 

Lando; nag duda na gyud ko anang balay sa imong Lola ba, tiawanan siguro na. Pa bendesyoni na ninyo Blah blah blah..

Sigeg yaw yaw si Lando, sige pud kog tan-aw sa iyang mata. Di gyud magkasinabot iyang mata ug asa gyud motan-aw ba. Naku o sa balay ni Lola. Malibog ra pud ta daning Lando.

Ako; hoy, panglibre ug chichirya bi.

Lando; Ayaw lagi sigeg chichirya, naay biskwit ana oh, unsa mn imo fita? 

Ako; mura mn sad tag bata dana, kanang chichirya lagi ako.

Lando; makadaot lagi na ,biskwit ra.

Ako; daot mn ka ui, ingnag chichirya ako kanang Mang Juan.  

Lando; biskwit ra lagi.

Tindera; hoooy! Magkadayon gyud mong duha ana ba. Unsa mn gyud inyo. 

Daot pud ni si Lando, magbuot mag unsa akong kan-on murag siyay naghawid sa akong tina-e. Gipalitan gyud ko niyag fita tulo ka buok. 

Sige nakog ihap sa mga adlaw nga mouli nako sa amo, lami na kaayo iuli. Dugay kaayo ang mga adlaw mosibog. Mao nga gilingaw na laman nako ang akong kaugalingon. Magpahimo mn unta si Lola ug garden nila Vince, unya kay ga lingog lingog ramn ang duha wala naminaw, ako ang ni volunteer. Kay aron malingaw ko ug mahago, para nig gabie kapoy kaayo ko, dali ra ko makatulog. Naa namay mga seedling sa mga batong ug talong. Ang balhinan nalang akong himoon. Sa likod sa balay ko naggama, dala ko ug piko ug guna. Nagsugod ko alas 2 sa palis. 

A few moments later...

Kapoy mn diay kaayo maggama ug garden noh? Alas 4 na siguro to sa hapon. Sakita na sa akong kamot ug likod. Pwerte na nakong singota. Dili mn diay lalim ning trabahoa. Sakit na kaayo akong kalawasan, katunga pa sa akong gi plano nga himoon ang akong nahimo. Hapit pa ko maumod sa yuta kay nitingog mag kalit si Lando sa akong luyo. 

Lando; nag-unsa mn ka diha. 

Ako; anim** mn ka ui !!! Nganong kalit ra mn kag tunga diha. 

Lando; nangayo kog sili sa imong Lola, ingon mn siyag naa daw ka diri naghimog garden. 

Ako; makuratan ra pud ta nimo ui. 

Lando; looya naman kaayo kag porma. Ako ana bi. 

Ako; maayo pa. 

Lando; paggkuha adtog kabra, kay kabrahon ra naku ni. 

Nagkuha ra pud kog kabra. Grabe gyud maka timing ni si Lando ba, to the rescue man kaayo naku. Bisag unsa na lamay pangayoon daning balay ni Lola, kulang nalang kaning balay ni Lola iyang pangayoon. Ako siyang gitan-aw nag kabra. Sus Ginoo, gi gwapohan mn kong Lando nag kabra sa yuta. No sweat mn kaayo naglukat ug yuta. Nang flex pang muscles. Makatulo mn pud ug sip-on ni si Lando. 

Lola; ui, intawon doy salamat kaayo. Naa na gyud koy garden. Kuha-e sag snack si Lando dadto day bi.

Lando; Ayaw na nay, pila ra mn ni. 

Lola; ay, ayaw balibari ang pagkaon doy kay grasya na. Lakaw na day, 

Nakapa snack pa nuon ming Lando dani, nagkuha pud kog pan ug nag timpla ug juice. Kay gisingot lagi ko kaayo nanimaho nakong wakwak. Mao nga nag-ilis sa ko una sa kwarto ni Lola. Naghukas nakog t-shirt ug bra dihang ni lihok ang door knob. Nakasiga akong mata, nakalimot kog lock sa pultahan, ni sulod si Lola , unya gidako pa raba gyud ug abli. Ang kwarto ni Lola Kay nag-atubang baya sa sala, maong nakasyagit ko kay kit-an mn nako si Lando nagsunod ni Lola. Ayo kay nasira ug dali ni Lola ang pultahan wala pa ka lingi si Lando. 

Lola; Hoy, Ginoo ko!!! Nganong wala mn ka mang lock day!! 

Ako; nakalimot ko la ! 

Lando; naunsa diay to?

Lola; ay nag-ilis ng daga naku, wala mang lock. Ginoo kong bataa ni murag way boot. 

Lando; panira diha hoy! 

Atot, hapit ko dadto ui, malibat untag samot to si Lando makakitag espeje. Gipasulod nalang dw niya si Lando kay dugay dw ko kaayo. Lakas kaayo ni si Lando ni Lola.

Usa ka semana, Wala nay nagparamdam sa balay ni Lola. Lami na pud akong tulog kay na busy mn ko dadtong garden, Mao nga kapoy na nig gabie dali ra ko makatulog. Usa nalang ka semana, molaya na gyud ko sa balay ni Lola. Kada hapon, dadto ra gyud ko sa garden mag tambay giatiman gyud nako para naay kuhaon si Lola nga presko nga gulay kay favorite mn niya ng law-oy nga makapabaskog sa lawas. 

Nag butang ko dadtog taeg baka, dihang naka hangad ko sa taas. Naa mn poy bintana nga makita sa likod. Murag naa may nilabay, gitawag nako basig si Lola. Wa may nitubag. 

Basig hunahuna ra pud to naku maong nibalik ko sa akong trabaho. Pero murag naa gyuy nagtan-aw nako, nihangad napud ko sa taas. Wa gyud ko malibat naa gyuy tawo sa taas dapit sa bintana. Gikulbaan ko kay basig naay nisulod sa balay. Naa ra ba gyud si Lola sa sulod. Gadali kog sulod gadala kog sundang kay aron depensa ug mag kinaunsa. Pag sulod nako kay naa raman si Lola sa sala ga duyan duyan sa iyang rocking chair na tulog. 

Gikulbaan gyud ko kay naa gyud koy nakita tawo sa taas. Nigawas ko kay basig molabay to si Lando, imbes kay manginahanglan nakong Lando bisag iyang anino yamo gyuy mi gimaw. Mura kog nabuang sigeg lantaw sa bintana sa taas ug naa ba gyuy tawo. Mahadlok pud ko mosaka, basin unsa pa lamay akong makita. Mura gyud kog nakakita sa Ginoo, dihang nisulod ang motor ni Papa.

Ako; Pa !!! 

Papa; oh, asa mn si Mama? 

Ako; dadto na tulog. Nag-unsa mn ka dani?

Papa; niingon mn to si Vince nga , sige dw ug sakit ang tuhod ni Mama, pasag daan ra siguro nimo dire. 

Ako; wa ui !! Ako mn gani nag garden dani, kay nag pa lingog lingog to sila Vince gisugo ni Lola.

Gisumbong pa gyud ko sa mga way po angod nakung ig-agaw. Naa mn goy Arthritis si Lola , nisamot siguro dadtong sige nakug pasaka saka sa taas. Pero wala ko magsaba ni Papa, kay basig malatos kog butay. Kay lugos na lagi kalakaw si Lola kay ngol ngol iyang tuhod, giubanan kong papa hangtod daw mouli si Auntie. Dako gyud akong kalipay kay naa na si Papa. Ang nakaparat kay...

Papa; adto ra ka sa taas tulog kay ako dinhi.. 

Ako; eehhh , dani ra gud ko.

Papa; kagamay aning kwartoha,. Asa mn ka mo suksok. Magtindog ka matog?

Ako; ako lang danhi, ikaw dadto.

Papa; nalubag naman siguro imong utok Helga , imbes kay maoy akong gianhi kay alalayan naku si Mama. 

Ako; nay ungo dadto ui. 

Papa; ungo sa imong kagaraw, saka na adto. Lambusi ng ungo. 

Atot, imbes kay nalipay nako nga naa akong Amahan giabog nuon ko paingon dadtong mga kalag sa taas. Upat pa ka gabie mag-antos ko sa balay ni Lola . Kay giabog lagi ko sa kong Amahan, ni dung napud ko sa taas sa aircon nga kwarto gadala kog Santos ug rosaryohan. Gibutang naku sa lamesa tapad sa kutson. Nangaje gyud ko para iiway gyud ko sa mga kalag ug mga engkanto daning balaya. Bukot habol napud. Nakatulog raman pud ko kadugayan.

Way kalag nagparamdam sa duha nako ka gabie dusa ko molayas sa balay ni Lola. Sige lang gyud kog pangaje nga iiway ko sa mga wala ka move on nga kalag.

Gipapalit kog lamas ni Papa sa merkado kay wa nay lamas. Nalipay pud ko kay makagawas nagyud ko sa balay ni Lola. Gigamit nakong motor ni Papa. Maoy paggawas naku, nag dung si Lando spooting napud kaayo. Makig aybol napud sigurog txtmate. Shades is life .

Lando; hoy! Asa ka?

Ako; merkado..

Lando; sakay ko bi. 

Ako; Dali. 

Pagsakay, haska mn diay ka bug-at aning Lando. Murag 3 ka sakong bugas akong angkas. 

Lando; nganong nag shorts raman ka. 

Ako; Ang namag magsayal ko. 

Lando; nagpantalon unta ka.

Ako; Ayaw pagboot kay basig maglakaw noon ka.

Bug-at gyud kaayo si Lando. Labina nig liko nako, nagbasol gyud ko nganong gisakay nako si Lando lami ihagbong sa bakilid. Ayo kay duol rapud ang merkado. Gitan-aw gud mi sa mga tawo kay bae ga drive unya dakong mangog nga laki ang sakay. Gihagbong nako siya sa may paradahan paingog lungsod. Wana ko mangutana ug asa siya modung. 

Pagbalik nako, nag-atang si Papa sa gawas. 

Ga ekis ang kilay. 

Papa; kinsa tong laki imong gisakay ganina Helga?

Ako; guard to dana. 

Papa; imong uyab? 

Ako; di ui! Naki sakay ra to.

Papa; bantay bitaw, adik napud na laparohon gyud ka naku. 

Ako; di to adik ui, libat ra to.

Papa; bahalag libat ug bungi basta dili adik timan-e na.   

Oh, nakauyab kog adik guys. Wala mn pud ko kahibalo nga adik diay to kay nindot mag trabaho. Mosuyop mn diay pud ug tawas. Mao nga gibulagan nako kay hapit ko palayasa ni Papa, dili dw siya mo pyansa ug ma preso ko, bahalag ma dugta dw ko dadto. Dili mn pud nawong ug adik si Lando, iyang mata lay murag naka hithit ug tawas.

Excited na gyud ko kaayo molayas sa balay ni Lola. Usa na ka gabie akong antoson, nag impake nako kay mokalagiw nako daning balaya. Mura sad kog gikan ug quarantine. 

Kay muoli na lagi ko pagkaugma, nanghinlo ko sa taas nanarapo ug nanglampaso. Dihang diha napoy ni Ayo sa gawas, nidungaw ko sa bintana wa may tawo. Gibinuangan gyud ko sa mga kalag dani ba. Sagdi laman kay molayas nku dani ugma. Nipadayon kog lampaso, dihang ni labay na pud si Lando, halos na laman kada adlaw nay aybol nga txtmate. Kuyawa ning Lando ba dili mawad-ag aybol, ka gwapo na laman gyud aning Lando. Masuya pud ta dani, aybol aybol na si Lando , ako sige rag panglampaso. Kapait.

Pagkagabie, wala napud ko nakatulog sa ka excited siguro nako nga molayas daning balay ni Lola. Ready na gyud ko molupad ugma, gimingaw naku sa balay namo.  

Nagligid ligid napud ko kay dili ko katulog, bisag unsaog piyong dili gyud ko katulog. Mingaw na kaayong palibot, dihang naay murag naglakaw sa hagdan bug-at kaayog tunob, namugnaw napud ko bisag wala nako gi on ang aircon. Nisuksok nako sa bungbong kay paduol naman ag tunob. Gakurog nako kay naa gyuy tawo kay naay anino sa gawas sa pultahan naglihok. Akong heart kay hapit na gyud mobuto sa kakulba, gipaningot na gyud kog maayo. Naka shagit ko kay nanuktok mag kalit. 

Hapit ko mamatay sa kakulba, si Papa raman diay nanuktok. Magpainit ug tubig kay ga ngol ngol ang tuhod ni Lola. Kuyawa nako ui, kaingon kog magpaila ila na ang kalag naku. 

Nakasurvive ra gyud ko sa hapit usang buwan nako sa balay ni Lola. Niuli na si Auntie, gipugngan pa ko ni Lola nga dadto sa daw ko kay mingawon siya nako. Mingawon pud ko ni Lola pero kaulion na gyud ko. Ni bye bye pud ko sa mga kalag nga wala pa ka move on sa balay ni lola, malinawon na silag balik kay wala nay mag pa sounds ug heavy metal songs. 

Balik nakog trabaho karun ug naa nakoy uyab nga half Japanese. Mataas napud ug isaysay pa naku noh? Sa balay ni Lola ra may title dani.

Gikasal na diay si Lando karun lang nga tuig, nakakaon pud ko sa ilang lechon ug menudo kay invited man sad ko kay close man ming Lando. Gwapa mn diay pud kaayo ang sigeg aybol ni Lando mao diay tong mag pa spooting mala Randy Santiago. Ka gwapo nalang gyud ni Lando. Nagduda ko nga ni sumbong gyud tong mga wala ka move on nga kalag ni Lando nga nanghinaway ko sa iyang mata, mga barkada gyud tong kalaga ni Lando ba. Mga sumbungero kaayo.

Mao ra gud pud to ang tuyo nako dani. Salamat diay sa pag-uban sa journey nako Sa balay ni Lola. Sayonara Tomodachi !!Charot.. 

The End.

No comments:

Post a Comment

Featured Audio: Hubog ka, mao gidala tika sa Paradise.

Latest Stories