Search for Stories

Friday, October 22, 2021

Police Handcuffs - (Mission Accomplished)

 


#PoliceHancuffs

Part 1: Hello sa tanan, usa pud ko sa mga readers ani nga page ug nagsunod sa mga stories to kill time labinag day off ug walay lingaw. Ug karon nga nagka time, sulayan nakog gama ang akong life story dinhi. Tawga kog Thea 27 years old na karun.
Since 3rd year highschool, crush na nako si Marvin. Transferee siya adto nga time sa among school, ug nakaingon ko nga nakita na gyod nako ang type nakong lalaki. Dili man tantong gwapo kaayo si Marvin, bugason gani siya adto nga time  , pero maka attract lang gyod iyang height ug ka neat niya manamit. Plus points pa nga bright ug bootan ug talented kaayo. Kamao mo drawing, kamao mag speech nga walay tan-aw2x ug script, kamao mosayaw. Maong crush kaayo nako siya, pero syempre wala nako giparamdam o giingon man lang niya nga mao na. 
Akong bestfriend lang ang nakahibalo, si Tab, tomboyon nga pagkababaye. Pagkahibalo niyang nag ka crush kong Marvin, iya untang iingon ni Marvin, maayo nalang nga napug-ngan nako ug gituk-om ang iyang tabian nga baba. Maulaw ko nga mahibal-an ni Marvin nga nagka crush ko niya.

Kay gusto lagi ni Tab nga moingon kong Marvin nga crush nako siya kay feel daw pud niya nga gusto daw pud kong Marvin. Gi apil mi niya sa usa sa mga blind dates nga gihimo sa intrams sa school. Wala ko kahibalo nga iya ming giapil maong nakurat nalang ko kay gidakop ko sa mga student officers sa school ug gitaptapan akong mata unya gidala sa usa ka room ug gigapos nila among mga kamot sa akong nahimong partner. Pagtangtang sa panyo sa akong mata, nakurat nalang ko nga si Marvin diay akong ka date. Gibiyaan mi sa mga officers sa room ug naa daw mi 20 mins. Perte ka awkward ang atmosphere, nangatawa nalang ming Marvin sa nahitabo. Ug aron dili ma awkward, nangutana nalang ko about sa among projects. Mao nga sa 20 mins. nga date namo, puros mga projects among gihisgotan.
Taman ra gyod ko crush ni Marvin kay wala siyay feelings para nako. Sayop si Tab, ordinaryo ra iyang pagtratar nako walay bisag special treatment nga akong nabati. Samot na kay pagka 4th year namo, nagka girlfriend na si Marvin. Bright pud pareha niya ug hitsuraan maong wala gyod koy pag-asa. Caring kaayo si Marvin sa iyang uyab, siyay magdala sa bag, palit ug snacks, maghatod pauli, mao nga suya kaayo ko  . Sugsugon ko ni Tab nga ug miingon pa lang unta daw ko, kami unta ni Marvin pero feeling nako bisag niingon pa ko wala gihapon kay wala naka gusto nako si Marvin. 

Until ni graduate nami ug high school, si Marvin ang among valedictorian ug ang salutatorian ang iyang uyab. Ug ako, kontento na sa athlete of the year award  . Yes, ang kakusog lang nako modagan ang akong ikapanghinambog intawon. Paghuman sa ceremony, gusto unta ko nga makapicture ni Marvin aron naa man lay remembrance pero naulaw ko mao nga gi kuhaan nalang nako siyag pictures nga puros stolen. Na capture pa nako ang sweet moments nila sa iyang uyab. 

Nakaingon nalang ko nga 
"" magbuwag ra mo in the future  "" 
Ni skwela kog college ug gitake ang course nga Business Ad. Nagbuwag mig University nga gisudlan ni Tab kay Criminology iyang gi kuha kay gusto lagi niyang manakop ug mga adik. Nakurat ko kay nahimo diay silang classmates ni Marvin kay pareho silag gikuha nga course. Kaingon kog engineering or architecture ang kuhaon nga course ni Marvin kay bright, gusto man diay mahimong police. Kabalhinon ko sa skwelahan nila Tab pero naka enrol nako maong taman ra ko sa panghupaw. Staying strong gihapon silang Marvin ug sa iyang uyab ingon ni Tab.

Perme na ko niyang giingnan nga
"" gusto gihapon nimo si Marvin? ilambos ra gud ng imong ulo sa lubi aron makamata kas kamatuoran nga WA NIANGAY SI MARVIN NIMO ! "" pero bisag mabitas pang baba ni Tab, niangay gihapon kong Marvin siya gihapon akong inspiration. 
Nagfocus ko sa akong pag iskwela aron dili ko mabagsak. Naay nanguyab nako pero wala koy ma feel nga spark, daghan ng gipanghatag nga number si Tab nako nga puros mga criminology student pero loyal gyod akong heart kang Marvin. Niagi akong college life nga boring kaayo, puros nalang labad sa ulo ug pressure sa mga activities ug mga projects. Last year na nako sa college dihang na hibal-an nako gikan ni Tab nga buwag na si Marvin ug iyang uyab. Nalipay ko nga nakahibalo ana, pero na realized ra gyod nako kadugayan nga
' mao gihapon, walay gusto nako si Marvin , nothing's new.  ' .

Excited kaayo ko nga mo graduate na sa college ug makapangita nako ug labaw pang Marvin. Wala pa gyod naka attend sa graduation nako si Tab kay busy pud siya kay graduating pud sila. Bisag walay nakuhang award, proud gihapon ko sa akong achievement nga naka graduate ra kog college nga wala nabuntis parehas sa mga ingon sa among mga concerned neighborhood. Kung kahibaw pa lang sila nga niabot sa point nga nakaingon kog, basig parehas kong Tab nga tomboy kay wala nako niangay ug laing lalaki. 

Pag graduate napud ni Tab, wa gyod siya mosugot nga dili ko mo attend. Opportunity na daw pud nako nga makakita ni Marvin. Naa gihapon koy gamay nga gusto ni Marvin pero dili na parehas sa una, nadawat na nako nga naay mga butang nga dili pwede pareson. 
Na late pa ko sa ilang graduation ceremony , pag-abot nako, hapit na mahuman. Sigeg kog pangita kon asa na si Tab, si Marvin man hinoon akong unang nakita ug parehas sa nahitabo sa among graduation sa high school, gikuhaan nalang nako siyag stolen shots. Nothing's new, layo gihapon kaayo nako si Marvin, taman ra ko sa tan-aw pero nalipay nalang pud ko para niya kay usa ko sa iyang number 1 fan . Nakahilak pako nga way hinungdan, mao nay resulta sa one sided love. Mao nga nakaingon kog 
' moabot ra ang para gyod nimo Thea, mas labaw pang Marvin ' .
Gilikayan nako si Marvin ug niduol ni Tab, naggakus ming duha sa kalipay kay nakahuman na gyod mi sa among mga kurso. Gipaila2x pa ko niya sa iyang mga ka batch kay basig makakita daw kog akoang future police. Picture dinhi, picture didto, wala ko kabantay nga diha na diay na duol na mo si Marvin. Nakatan-aw siya nako, mao nga aron dili lain kay kaila man mi , giduol nalang pud nako siya. 
"" Congratulations Sir! "" ingon ko with shake hands pa niya. 
"" Mauwaw ta sa Sir pero salamat, congrats diay pud diba ni graduate 
pud ka? "" Nakalitan ko kay iyang gikumot akong kamot ug dugay buhie. Makahatag pud ug laing meaning, maayo nalang kay nakadawat nako sa kamatuoran  .
"" Lage, nakalampos ra pud tawon. "" 
Napansin nako nga wala na ang rice field ni Marvin  , hamis na ug nawong . Nisamot man hinoon ka gwapo, pero dawat na gyod nako ang kamatuoran nga igo lang ko sa tan-aw.
"" Picture tang tulo !!"" nikalit ug tapad nako si Tab, akoy natunga nilang duha, first time nga naka papicture kong Marvin nga dili stolen maong gitarong gyod nakog smile, nga makita ng lagos. 3shots kaingon kog humana, 
"" Kamo na pung duha, "" ingon ni Tab. 
Leche, nakuyawan ko kay giagbayan man kong Marvin, wala noon ko katarung ug smile kay gikulbaan. 
"" Perfect! Pareson oh! Kape ug gatas "" matod pa sa buang nakong bestfriend. 
Sukad adto, wala na nako nakita si Marvin, nilabay ang mga tuig ug nakasulod nakog trabaho sa 
ge-iskwelahan ra pud nakong University. Police officer na pud si Tab ug na assign siya sa layo mao nga panagsa nalang mi magkita pero kanunay ming mag video call. Sure ko nga nahimo napung police si Marvin bisag wala nako nangutana ni Tab. Gilikayan na nako nga makahisgot ni Marvin, ug nakasabot si Tab ana maong dili pud siya mohatag nakog bag-ong information about ni Marvin. Nag focus nalang ko sa akong trabaho kay nag pa iskwela pud ko sa akong manghud sa college.

Year 2017, first time nisulod kog relationship, si Paul, ka officemate ra pud nako. Dugay nanguyab nako si Paul kay wala gyod koy feelings para niya pero wala siya ni give up maong na develop ra pud akong feelings ug gisugot nako siya. Ganahan kaayo akong parents ni Paul kay bootan ug mutabang gyod ug naay mga problema. Pero niabot rami ug 5 months ni Paul kay na hibal-an nako nga naka buntis diay siyag laing babaye. Ingon niya, wala lang daw to nila tuyoa ug mosugot daw ang babaye nga dili siya pakaslan basta suportahan lang niya ang ilang anak. Love na nako si Paul ug dili pud nako siya gustong mawala pero nilabaw ang kasakit ug kalooy nako sa babaye ug sa bata. Mao nga naka desisyon ko nga magbuwag nalang ming Paul. Sakit kaayo to para nako. First time nakong nisulod ug relationship pero failed gihapon. Malas kaayo ko sa love.
Timing pud nga adlaw sa pagbulag namong Paul birthday sa kauban namo, mao nga wala ko kapugong naka inom gyod ko pawala sa kahiubos. Walay nakahibalo nga bulag na diay ming Paul anang adlawa, ako ra gyong giagwanta, natingala pa akong mga kauban kay ni shot na kog pila ka baso bisag dili kaayo ko moinom. Wala pud nako palabie kay mag drive ko sa akong motor pero nibawod gyod to akong panan-aw adto. Mao nga pag-uli gipugngan ko sa akong mga kauban nga mag motor ako ra usa kay mura na daw kog nahubog pero wala ko nagpapugong. Ni drive gyod kog ako, ug gi assure nila nga dili ra ko hubog bisag murag mobawog gyod to akong panan-aw  . 

Mga 8 pm na siguro to nga niuli ko, naghinay lang kog padagan kay dili pa ko gustong ma tigok kusog pa siguro ang dagan sa porlon, ug dimalas gyod tong adlawa kay makalabay pa gyod kog checkpoint,upat ka Police nagbantay, nahuwasan gyod ko sa akong gipang-inom. Leche, nakulbaan ko kay basig baho kog alcohol ug sa prisohan noon ko makatulog. Wala nako kalikay kay nakit-an nako. 

"" Daplin sa ta Ma'am, naay problema imong motor? "" nangutana ang police. 
Gikulbaan gyod kog taman kay prisohan gyod akong dangatan. Nakahinumdom pa ko sa mga giingon ni Tab about sa drunk driving prisohan gyod ang ending. Wa naman gyod koy lusot kay nanimaho gyod kong alcohol. Maong nitug-an nalang ko sa tinuod, maayo nalang mamenosan akong violation. Broken hearted pata, ma priso pa gyod.
"" Aah, kuan man gud Sir, nabiyaan man gud ko sa akong mga kauban kay ila man unta kong ihatod, maong nag hinay2x nalang ko... "" wala nako na klaro ang nawong sa Police kay naka cap man. Siya ra puy nag entertain nako kay diha puy laing mga motor nga niabot para i check sa iyang mga kauban.
"" Nakainom ka Ma'am? "" Nitutok nako ang Police. 
Leche, nakuratan ko kay si Marvin man akong nakita. Nagduha2x pa ko basig hubog lang gyod ko ug nag imagine lang kong Marvin. 
"" Lagi Sir, pero gamay ra pud. Ug mao lagi to, nabiyaan ko sa akong mga kauban ihatod man unta ko nila, mao nga nag hinay hinay nalang ko ug pa andar bahalag ugma pa ko moabot "" white lies that's what we called.
"" Delikado ng imong gibuhat Ma'am, naa kay lisensya, OR CR nimo?"" 
"" Yes Sir naa "" gidali2x nakog kuha akong lisensya ug mga papel. Letche, nagkurog akong kamot, naka bantay gud ang Police nga murag si Marvin sa akong tan-aw. 
Gitan-aw niya tanan, mura gyod ug si Marvin akong tan-aw sa Police pero nag duha2x ko basig hubog lang gyod ko  . 
"" Sakay sa lang sa Patrol Car Ma'am, kay dili ka pwede mo byahe. "" 
Nisamot kalabad akong utok kay first time nakong makasakay ug patrol car sa police. Gipanan-aw ko sa nanglabay kay basig kaingon silag gidakop ko. Wala gyod naku kuhaa akong helmet kay basig mailhan ko, ulaw kaayo leche. Nakapanumpa gyod ko nga dili na gyod ko moinom hangtod hangtod. Nag storya tong mga police , gi explain siguro sa usa nga murag si Marvin nga nakainom ko nag drive. Naghuwat nalang kog posasan unya itambog sa bilanggoan, giimagine nakong nawong ni Tab kon makahibalo nga na priso ko  . 
Pila ka minutes, giduol napud ko sa usa nga murag si Marvin, gi tan-aw gyod nakog maayo, si Marvin man gyod ba. Dili lang niya kuhaon iyang cap.
"" Naa kay matawgan diha Maam nga mokuha nimo? "" Nangutana siya. Murag naka pamilyar napud ko sa tingog pero wala nalang nako gi confirm kay basig mauwawan napud ko.
"" Suwayan nako sir "" nahuwasan gyod ko kay dili diay ko dakpon ug prisohon, pahuwaton lang diay ug kinsay mokuha. 
Maayo nalang kay dihay na kontak nakong silingan ug gikuha ko. Nagpadala pud kog kauban kay maoy mo drive sa akong motor. Kaulion na gyod ko kaayo. 
"" Imo ning bana ? "" ngutana tong murag si Marvin
"" dili Sir oy! silingan ra ni namo! "" kay nahayagan man sa suga iyang uniform nabasa nako iyang apelyedo ug Confirm, wala gyod ko mahubog kay apelyedo mang Marvin. Wala na pud ko pahalata nga nakaila nako niya. Letche, akong crush ang nakadakop nako. 
Dihang nanawag kong Tab, wala nako gisulti nga hapit ko madakpan. Nangutana lang ko ug asa na assign si Marvin.
"" Sulod sa inyong duol nga police station diha, makita nimo imong gipangita. "" ingon ni Tab.
So confirm gyod kaayo si Marvin gyod tong naa sa checkpoint, wala lang magpaila. Nakalimot noon ko nga broken hearted diay ko adto. 
Sukad adto, wala napud ko kakitag balik ni Marvin. Nag hinay2x napud kog move on ni Paul kay naka desisyon napud siya nga pakaslan niyang babae. Naa gihapoy sakit pero, gidawat na nalang nako, kay naa gyoy mga butang nga dili gyod pwede. 
Alumni homecoming sa among high school, nagkita mig balik ni Marvin kay ni attend pud siya. Excited pud ko ana kay mo attend pud si Tab, dugay naming wala magkita sa tomboy. Maong pag-abot niya, gituok gyod nakog taman kay gimingaw kong Tab, nisamot man hinoon ka lakin-on. Pag-abot ni Marvin, nisipat dayon nako si Tab. Kahibaw ko sa iyang sinipatan nag pasabot na nga 'naa na imong crush oh! '. 

Murag nag throwback sa highschool life, nga si Marvin akong pinaka ultimate crush ug ganahan kaayo ko nga makig istorya niya, pero naka hinumdom ko sa nahitabo sa may checkpoint , pinaka uwaw nga pagkita namog balik. Mao nga gi likay likayan nako siya aron dili kaayo ko kaduol ug makatagad niya. Daghan kong mga pasumangil, niabot pa ko sa laing mga batch kay nakig chika aron malayo sa amoang batch kay diha na si Marvin, nag istorya na silang Tab ug sure ko pangitaon gyod ko aning Tab maong nikalit kog kawala. Pagkita nako nga molayo ug ma busy na si Marvin, mobalik napud ko sa among batch. Mura kog langaw nga wala mahiluna.
"" Dis-a man ka? "" nangutana si Tab. 
"" Naa koy gidung kaila "" . 
"" Buang, nag istorya ming Marvin, hapit man daw ka madakpi ! "" Letche! Nisiga akong mata kay gikusog pa gyod niyag ingon, mura mag nakapatay kog tawo. 
"" Broken hearted ko adto , the end "" 
"" Wa gyod koy pake ug ma priso kang bayhana ka, dad-an ra ka nakog banig sa prisohan timan-e na... "" 
"" Wala pud koy pake ug dili ka katulog kay gi konsensya ka "" 
Over protective si Tab nako, kay naa mi sekretong malupit nga kami rang duha nakahibalo, ug mao na nga nanguyab si Tab nako ug ako siyang gi sabligan ug ice water sa kakurat nako. Ug didto nagsugod ang among pagka bestfriend. Ingon siya bahalag dili nako siya sugton basta mosugot ko nga bestfriend mi forever. Sa kadugayan nawala ra pud iyang feelings nako ug giisip nako niyang igsoon.
Nangita gyod kog paagi aron dili mi magduol ni Marvin, bisag sa pagpangaon mamalihog nakog pakuha ni Tab, kay dapit man si Marvin sa mga lamesa, wa gyod ko moduol ug naa siya. Ambot lang pud nganong naglikay likay pud ko niya.
Pagka gabie ana dihay disco gihimo, gibira nakong Tab kay manayaw lagi ming mga ka batch namo, nahinumdom kong kamao raba mo sayaw si Marvin maong gi check daan nako ug naa ba siya, pagkakita nako nga busy siyag istorya patuyang dayon ug sayaw2x daghan man pung tawo maong dili tantong uwaw, diha pa gani mga senior nanayaw. Nakatapad pa nako ang ex ni Marvin nga naminyo napud, wa gyod mi swerte sa gugma. Natingala ko kay nawala ug kalit si Tab, maong nibalik napud ko sa mga lingkoranan. Wala pa ko kalingkod gibira nakog kalit ni Tab ug naglakaw mi padung sa usa ka room.
"" Naay gusto makig istorya nimo "" ingon siya. 
Nangutana pud kog "" kinsa ? "" 
"" Secret  "" 
Niuban ra pud ko kay basig importante kaayo. Pagsulod namo, kabalikon ko sa agi kay si Marvin ang naghuwat sa room, letche! Nakapanggunit ko sa purtahan ug kadaganon sa gawas. 
"" Ooops, Sir! Moikyas man! Posasan ni nato? "" Gipatay na gyod nako si Tab sa akong hunahuna.
"" Ako ray moposas ani Tab ug mosukol. "" 
Ug gibiyaan mi ni Tab nga kami rang duha sa room ug wa pa gyod nahuman kay gibinlan kog hong2x ni Tab nga 
"" Dugay ra nang kahibalo nga crush nimo siya "" 

_________________________
Part 2 #MissionAccomplished 
_________________________

Hello, It's me, again Thea, I changed the title of my confession kay nabasa nako nga deleted kanunay ni Facebook akong entry. Basin tungod sa akong title nga police handcuff. Ug ma delete pa ni, ipadakop man gyod nako sila ni Marvin ba 🤧. Gusto lang man unta ko mopahungaw sa akong life story nga naay kasakit ug kalipay. Kaila siguro nako ning si Facebook ay, kay nakahibalo man daan nga naay pagka confidential akong story. Or basin naay ni hunghong ani nga dili togutan akong story nga mapost.. Duha duha noon ko nga ipadayon pa ba nako ni maong dugay ko naka send kay nangayo pa ko ug sign. Anyways, ipadayon nalang nakog hinayhinay hangtod sa mahuman ang gusto nakong isaysay. Bahala nag anamon pud ug delete ni Facebook.🤧. ---------------------------------------------------------------- So mao to nga gidala ko ni Tab sa room nga wala ko kahibalo nga naa si Marvin naghulat. Throwback gyod ang nahitabo , kadtong gi blind date pud ming duha ni Tab pag intrams. Nisamot pa gyod akong kauwaw sa giingon ni Tab nga dugay ra daw kahibalo si Marvin nga crush siya nako. Imagine? Nakahibalo ang imong crush sa pinaka tinagoan nimong sekreto, dili ba ka motago sa sayal sa imong mother?Ug sure gyod ko nga si Tab gyod ang nagsulti ni Marvin, kuwang nalang tahion nako iyang baba. Wala nalang nako gipahalata nga gikulbaan kog maayo, ' relax Thea! Dili naka teenager ! dili naka Nene ! Atubanga si Marvin ! THIS IS OUR CHANCE ! ' ang akong inner self ang nag sigeg cheer 🥴. " Lingkod sa.. " ingon ni Marvin Giarsahan pa ko niyag arm chair, ug naluya ko sa bukton ni Marvin. Dako na gyod siyag kausaban sa physical appearance, mga pictures pa man niya pag high school ug pag college ang sige nakog makit-an , na ulahi nako nga upgraded naman diay ni si Marvin. Aron mahuman na ang tanan, na ngutana nako niya. " Ngano diay? " Nag-atubang mig lingkod ni Marvin, murag seryoso gyod kaayo among istoryahan. Nakahunahuna ko, basig kadtong nag drive kong nakainom, pero impossible kay dugay naman to kaayo! " naa lang koy pangutana nimo " ingon niya. Nikatawa pud ko nga niingon " dili man kaha na Math " Nikatawa ra pud siya. Letche gyod akong heart kay sama naman sa kabanha sa music sa gawas. " Pwede ko manguyab nimo? " Huuuuh????? 😲 , ing-ana akong nawong. Murag nabungol ko kadali, naay nibara nga something sa akong dunggan ug wa koy nadungog maong nangutana kog utro niyag unsa to iyang giingon. " Pwede ba ko manguyab nimo " gibalik niyag ingon. Letche! Pwede repeat 100x? Kay wa gyod mag sink -in sa akong gamay nga utok iyang giingon. Nagduhaduha pa ko ug basig gi prank lang ko nila ni Tab. Ako gyod ang mogapos nilang duha. " Sure?? Ka?? " nag ekis na gyod akong kilay kay dili na nako ma feel akong lawas sa pamugnaw. Sige kog tan-aw sa mga bintana kay basig naa diay si Tab sigeg video kay prank ra diay. Naa gyoy duha ka Police nga mo landing sa hospital. " 100% sure, mao nga balik ta sa akong pangutana Ma'am , pwede ko manguyab nimo? " Mura mag gi interrogate kong Marvin. " aah, kanang wait lang ha, ato ning klarohon ug maayo dinhing dapita, diri lagi ka nako manguyab? " bulok pa ko sa tanang bulok kay wa gyod ko kasabot sa gisulti ni Marvin, bisaya man unta. Gikataw-an nalang kong Marvin kay kapila na niya gibalikbalik nga ako iyang panguyaban wa gihapon ko kasabot. Mao nga kadugayan niingon nalang ko nga " aah, sige " bisag mura pa kog wa kasabot sa mga panghitabo. Nangutana ko ni Marvin nga " kanus-a niingon nimo si Tab? " "Ang unsa? " Mura pag naglibog si Marvin. " Nga kadto ba.. " " Ang? " " kadto bang crush ka nako " , nikalit ug gawas sa akong baba Nahilom ug kalit si Marvin unya murag kakataw-on nga gipugngan ra niya, murag lain man akong paminaw sa akong gisulti, namugnaw man kog kalit. " Wa may giingon si Tab nako nga.. crush ko nimo? " Pwede na mo disappear nalang? Namugnaw gyod akong nawong. Naglibog nakog asa ko motan-aw , ako pay ni confess sa akong feelings, buset! . Mao nga nag hinayhinay kog tindog kay kadaganon nako sa gawas ug pangitaon si Tab aron akong matuok. " Aahh, maoba, sa lain diay to. Unya Vin, mouna nako kay murag gabie na, mouli napud ko. " " Dungan ra ta, nagdala kag motor? " nitindog napud siyag apil. " Oh, unya kay basig madugay ko kay naa pa mi hapiton ni Tab " " Padung naman to mouli si Tab, gihatod ra ka niya diri. " Good Job Tab!! Good job kaayo. Excellent 👏. Naglungot lungot na gyod ko nag hunahuna ni Tab nga nipasutoy nag uli. Adtoon gyod nako siya sa ilang presinto. " Aah, maoba.. ikaw? basin dili paka gusto mouli, nangita pa raba to sila Juan ug Pedro nimo " palusot nako " Mouli na pud ko kay duty ugma, sundan lang ka nako hangtod sa inyoha " Pagbalik namo sa lamesa, niingon mi sa among mga ka batch nga mouna nami. Gi sungog pa mi kay nganong dungan daw mig uli. Nikatawa ra pud ko nga pina plastic, bisag lami na kaayo modagan ug mouna ni Marvin. Naglakaw pa mi padung sa giparkingan sa among motor, busy na ko ug text ni Tab lami na kaayo siya sulongon ug bun-on ug potot. Nakurat pa ko kay nikalit ug tingog si Marvin " Di man lagi ma contact imong number nga gihatag ni Tab, nag-ilis ka? " " Aah oh, bag-o na ni " " Ana nalang ko nimo mangayo " niduol nako si Marvin ug gitunol niya nako iyang cellphone ug naputol akong ginhawa sa kahumot ni Marvin. Gi type nakog dalidali akong number labong wala nikurog akong kamot, mosamot gyod akong kauwaw. Diha pay nanglabay nga mga kaila namo, gipangantyawan mi kay nganong nagpa ngitngit daw ming duha. Hago nag explain nga naa among motor sa ngitngit. Mao nga nasab-it napud si Marvin kay nakig tabi napud tong kaila niya murag importante pud. Nakabantay si Marvin nga nagsuot nakog helmet kaingon sigurog mosutoy na kog kalit maong gilingkoran niya akong motor kay wala gyod maputol ilang istorya nga importante. Nibalik nalang pud kog text ni Tab wa gyod ko mahiluna kay wa gyod mo reply ang moklo. Gitawgan na gyod nako, dugay pa nitubag, nagpalayo ko kay basig madunggan ni Marvin lain napung uwaw. " Komusta ang love birds? " makasungot nga tubag ni Tab nako. " Letche ka, nganong wa kahibalo si Marvin sa imong giingon? " " Ay wa diay? Dis-a diay to nako naingon " gapa buang buang ang buang. " Bantay lang gyod ka, hapit ko maputlag ginhawa tungod nimo, bantay lang gyod kag magkita ta, bantay lang gyod ka. " " Welcome... hinay hinay lang ta diha kay ang heart. Sige na naa pa koy gi trabaho diri, vavay.." Nah! Lami gyod singgitan si Tab kanang mabungol gyod siyag taman nga dina makadungog. Paghuman nakog tawag wa pa gyod nahuman ilang istorya ni Marvin, diha pay ni join lain. " Si Thea man diay ni, naminyo naka? " Nangutana tong bag-o niabot nga nakalimot ko ug kinsa " wala pa oy! " " Naa koy ipa ila-ila nimo...si Albert bitaw... " Naa napud ning ipang hatag tag wala ta kaila. Komo single ipang hatag nalag bisag kinsa. Tan-aw siguro nila kaminyoon na gyod kaayo ug porma ning mga single. Pero wa nako nagkinahanglan kay gi crush back nako sa akong crush 😛. " Sige motawag ra ko kay gikapoy na ning usa " nikalit ug ingon si Marvin. " Agay, kamo hah! Pangimbitar baya, gapahilom hilom ramong duha " Nindot tubagon ug ' wa pa gani ni nako sugta , paantoson pa ni nakong pulisa , sama sa pagpaantos niya nako sa una, boom! ' taasa nakog buhok oy. Mao to nanglarga naming Marvin, nagsunod ra siya nako. Nakapatuyang kog pakusog kay wala naman kaayo sakyanan kay gabie na. After 20 mins. drive niabot mi sa amoa. Gabie napud ug pasudlon pa nako si Marvin mao nga niingon nalang kog, " Salamat vin, " naghunahuna pa ko ug unsay sunod isulti. " Sige, manawag ra ko.. unsa diay day off nimo? " " Aah , Saturday ug Sunday " " Asa man ka ana? " Nangutana siya, leche! Concern na akong crush ug asa ko. Lahi ra gyod akong gibati sa kadtong si Paul murag kilig raman to taman ras tilaok ,kang Marvin kay tibook kaunoran man nako ang gikilig. " Usahay diri ra sa balay, usahay pud mulaag " isumpay unta nako nga usahay pud masaag sa imong heart 🤧. " Ok rag kuhaon ka nako nig Domingo? Manuroy ta kadali " " Sige .. " " Ayaw lang pagdalag motor, kani rang motor nako " " Aah ok " sakit na gyod akong heart kay gusto ng mugawas. Maayo kay naka helmet pa ko kay sure ko pula nako kaayo. Paglakaw ni Marvin murag wala ko sa akong kaugalingon feel nako naglakaw ko sa cloud 9. Wala na nako tagda akong mga ginikanan nga sigeg tawag nako nga kinsa tung nihatod nako. Natulala nalang ko pag-abot nako sa kwarto. Nitawag nalang kog balik ni Tab kay mura kog mabuang ug hunahuna. " Tab, nanguyab nako si Marvin " " imong tingog mura mag namatyan hinoon " " nanguyab nako si Marvin Tab!!!!!!!! " gisinggitan nakog kalit sa speaker. " hoy buang! Naa man siguro kay problema bayhana ka .. " Nabungol gyod si Tab sigeg nakog balikbalik nga nanguyab nako si Marvin kay dili ko katoo nga niangay na nako akong ultimate crush. Dili gyod diay tinood ng FLAMES nga gikagul-an gyod nakog maayo pag high school kay kanunay man matunong ang names namo ni Marvin sa friends ra 🥴. Ug tungod ana, wala ko naka tulog anang gabieha kay nag-imagine ko sa mga sunod nga mahitabo ug sugton na nako si Marvin murag mobuto akong heart sa ka excited. Pero gitimbang timbang pud nako ang giingon ni Tab. " Tambag ra ning akoa ha, ikaw ug imo ning sundon. Bisag boto kaayo ko ninyo ni Marvin, wala ta kahibalo sa panahon. Hunahunaa ang nahitabo ninyong Paul, wala kaayo ko nagtagad adtong nahitabo ninyo kay hibaw kong dili kaayo lawom imong love para niya, kaila kaayo ko nimo Thea, ug karun sure ko nga seryoso na gyod ning imoha ron kang Marvin. Tambag nako, one at a time ra, ayaw ibundak tanan nimong baraha , pagbilin ug para nimo, hinayhinay aron dili madisgrasya sa unahan " Bisag wala ko kasabot sa gipanghugot ni Tab, gitiman-an nako iyang giingon. One at a time ra , hinayhinay aron dili madisgrasya sa unahan. Mao nga naka desisyon ko nga paantoson pa gyod nako ug taman ning si Marvin ug asa gyod siya kutob. Dili ko magpa easy to get. Dili baya lalim ang kasakit nga wala ko niya gi crush back sa una ug diha pa gyod siyay uyab nga permeng sakit sa mata nako. Karon, kay si Tab man ang nag suggest nga maghinay hinay aron dili madisgrasya. Gihimo siya nakong chaperone pag Sunday. Kay ug kami rang Marvin, sure ko dili ko kapugong, masugot nako siya 🤧. Nevermind nalang sa giingon nakong dili ko magpa easy to get. Walay kalibotan si Tab nga himoon diay siya nakong chaperone kay ingon ra kog kami rang duha. Wala siya kahibalo nga naa diay si Marvin. Si Marvin pud, ok ra niyag naa si Tab ug naa mi chaperone dala. So Sunday came, excited kaayo ko. Pakulot kulot pa kog buhok kay mag date mi sa akong crush with our chaperone. Si Marvin ang unang niabot sa balay leche! Gibisita ko ni crush sa balay dili ko makatoo. Diha sila Nanay ug Tatay mao nga gipailaila dayon nako akong crush 😆. Nakurat si Nanay nga kaila diay siyang Marvin kay perme daw pud silang mag-uban sa iyang mama ug mag PTA meeting ug homeroom meeting. In my self ' nganong karon pa man ka niingon mother! Close na diay mo sa akong mother in law? ' Destined gyod diay ming Marvin kay among mga mother, best buddies sa PTA meetings. Giimagine nako, basig gipakita pud ni Nanay akong mga grades sa mother ni Marvin! Letche! Pwerte ra ba gyod kauwaw akong mga grades komparar kay Marvin. Pinaka taas na nako ng 84, pinaka ubos 76, buset! 🥴. Basig ing-ani ang convo nila mother: " Sus ko ginoo! Grado ba nig babaye? Nag-unsa naman tawon ni akong anak sa eskwelahan.. " " Ngano diay ? " " Tan-awa ra gud ni iyang grado, bawon ra gyoy giapas aning bataa, " " Ok raman na wa may bagsak " " Ay bawo nalaman aning bataa, kanang imo ? " " Ok raman pud , naka pasar man pud. " " Tan-aw daw ko? " Pagtan-aw, nanglupad ang mga 90 nga grado ni Marvin... 😮.. Dugay ng tuig nilabay maong sure ko nakalimtan nato sa mother ni Marvin. Mga 30 mins. niabot na si Tab ug nakurat kay himoon diay namo siyang chaperone. Ingon ko " ayaw kabalaka kay ug ikaw napud , ako na poy chaperone " Nisugot ra pud si Tab kay libre siya tanan, gikan sa imnon sa iyang motor nga gasolina hangtod sa iyang imnon nga tubig, eat all you can pa. Kang Marvin ko ni angkas ug humot kaayo ang ulitawo. Syempre kay dili paman kami, bawal sa akong gakos, gunit lang gamay sa sinina ok na, itug-an pa lang mi sa among chaperone nga naa sa likod. Ning dung mi sa tourist spot nga wala pa mi ka dung, ug syempre, unsa man diay laing trabaho sa chaperone, aside sa sigeg kaon, photographer namo ni Marvin. Picture dinhi, picture didto.. demanding pa ko kaayo ni Tab kay dili ko ganahan ug dili pang Instagram ang kuha.. Paghuman sa suroy sa mga dool nga tourist spot, nanulod napud mi ug mall, so kaon napud si Tab, bisag unsay gipanudlo murag anak namong Marvin. Mahurot gyod ang budget ni Marvin kadugayan ug si Tab among chaperone. Kay nakakita man kog nindot nga movie, nanulod napud mi sa sinehan. Nabalaka ko sa pitaka ni Marvin nga basig mabuslot namong Tab, murag duha ka buok iyang gi date. Dili man pud ko niya pagastohon. Mao nga naka realized kong wa gyoy ayo ug naay chaperone, magka utang utang ni si Marvin kay doble ang gasto. Unya, abi kog action ang movie, letche! Horror man diay. Si Tab kay tua nagpalayo ug lingkod namo kay aron makalugar lagi daw pud mi. In my inner self ' pwede man pud mouli naka Tab 🥴 ' Nakalimot nako sa title pero horror gyod to among gitan-aw. Dili ra ba gyod ko ganahag horror ug sa sinehan tan-awon kay lubat lubatan ko. Mao nga, nagpasumangil nalang kog Facebook. " i-add ra gud ko " kalit ug ingon si Marvin. " Friends naman siguro ta " " Nagbag-o kog account " aah bantog rang dili mo chat So, nag exchange napud mig facebook ni Marvin, bisag sige nag paninggit ang palibot kay horror lagi pero wa gyod ko nitan-aw. " Horror man diay ni " naka ingon si Marvin. " Lagi, kaingon kog action, action man noon tag kabalaka sa mga tawo " Nakashagit kog apil kay kusog kaayo maninggit sa among tapad, naglanog ang mga tingog sa mga super seyrena. Letche, atakehon ra pud ta sa heart. Nangita kong Tab ug komusta na, basig na babae na tog pina straight. Nitan-aw man pud si Marvin, maong mauwaw pud kong miingon ug tana. Siya ra ba gyod ang gabayad. Kapila gyod ko makurat ra sounds ug sa tingog sa mga bayots, nagpapansin sigurong Marvin ay, kay dapit man nila si Marvin. My Inner self said " Hello! Girlfriend is here mga bayots 🥴. " Nag istorya pa tong mga bida maong, nikalma ra ang palibot. Pero mas nakurat ko kay gigunitan man ni Marvin akong kamot. Gipasagdan ra pud nako kay syempre ganahan pud ko 🤧. Lami kaayo sa pamati nga ka holding hands na nimo imong crush, murag nakaabot naka sa cloud 9 . Kainit ra ba gyod sa kamot ni Marvin, sakto kaayo kay mura na ko ug motikig sa ka tugnaw kay wa mi jacket, 1/4 nga body heat kay kamot ra. Paghuman sa among movie date syempre kay gabie na, kaon napud para sa dinner. Pwesto napud si Tab sa may restaurant, hayahay kaayog trabaho, hurot ang sweldo ni Marvin. Nakaingon gyod siguro si Marvin nga ' paita mamurdoy man ko ani kadugayan 🤧'. Si Paul nga ex nako, gidayon gyud niya ang babae nga nabuntisan niya, ug nang-invite siya namo. Take note, NAMO, kay apil ko sa invited. Kon wala pa siguro ko maka move on, asa ko mo attend adtong kasala pero kay naka move on naman ko tungod pud ni Marvin, no problem let's party all night . Gitunong ni Paul nga Saturday aron tanan maka attend. Daghan pa ug nangutana nako ug ok ra ba nako nga mo attend ko. Tubag nako " ngano diay? Nabalaka mo basig moingon kog , ihunong ang kasal? No way.. di ko bet ang drama, gusto ko action " Wala kahibaw akong mga kauban nga naay nanguyab nako maong concern kaayo sila sa pag-attend nako sa kasal ni Paul. Ug dili mo attend maingnan nga bitter ug wala pa gyod ka move on, ug mo attend pud pangutan-on ug ngano kahang ni attend na siya sa kasal ? Mao nga bisag asa ibutang sab-it kanunay ang pangalan sa ex. So ako, kay dili ko bitter ug dugay ra kong nag move on ni Paul , attend ko oy, sayang ang gi reserve nga seat para nako. " Kaslon na daw si Paul ugma? " nanawag si Tab nako. " You heard it right " " Unya attend ka? " " Yes, of course " " Regalohi ug condom, savage gift " Sumpay gyod mi ug tinae ni Tab kay parehas mig hunahuna sa gift ni Paul . Pero wala nako na dayona, pagpalit palang daan lisod na. Wa gani ko kahibalo ug unsay porma ana, naa gani daw nay flavors. Basin ug pangutan-on pa tag unsay size, wa ra ba gyod ko kahibalo sa size ni Paul, basig small unya large akong mapalit 🥴. Lain sad ug si Marvin pud akong papaliton, unsa kahay reaksyon ni Marvin... Mao nga ang resulta wala koy dala nga gift. Nag - enjoy man pud ko sa wedding ni Paul, bisag murag tanang tawo motan-aw gyod nako kay daghang nakahibalo nga kami ni Paul sa una ug nagbuwag mi tungod sa iyang bride ,wala nako pansina. Ikawala ba diay sa akong bag-ang ug manan-aw sila nako. Niduol pa gani ko sa family ni Paul kay nagkasood napud mi. " Day, Komusta naman ka? " ingon ang mama ni Paul " Ok ra te, gwapa gihapon " " Sus, ikaw gyod , bisita sa balay usahay " My inner self said ' basig bugnuon ko sa imong binaje te ' " Yes, sure te ug makalugar ko , bisita ko " tubag ra pud nako, pero bisag unsaon wa gyod koy time mo bisita sa ilaha, 😆. Diha pa ko sa kasal nanawag ug kalit nako si Marvin. Akong crush nanawag na! lami ingnon si Paul. " Dia ko sa inyoha, wala diay ka diri? " nangutana si Marvin. Lain pud ug moingon ko nga dia ko sa kasal sa akong ex, mao nga giingon nalang nako " dia kog kasal sa akong kauban " aron safe. " Aah, unsang orasa ka mouli? " Alert dayon ko niingon ug " Padung na " si crush na gud ang naghuwat. Nanamilit dayon ko sa akong mga kauban kay mouna nako, ug syempre wa pud koy batasan ug dili ko magpasalamat ug mananghid nga molakaw sa bride ug groom. Giduol na ko ug utro sila Paul, naka congratulate naman ko pero daghan man ko adtog kauban. " Paul, mouna nako.. salamat diay , congrats utro ninyo. " " Salamat Thea, " nakurat ko kay gigakos man kog kalit ni Paul. Letche! Nakalitan ko, dugay raba gyod ko buhie ni Paul, murag nahilaw gud ang babae. Buang man gud pud ni si Paul mao nga aron dili pud lain , human ko buhie ni Paul, nigakos pud ko sa bride, beso beso feeling close. Bahalag manggi-away mong duha basta kay mouli nako, naghuwat na akong crush. Pag-abot nako sa balay, diha na si Marvin nagkaon nag panihapon kauban sa akong family. Welcome kaayo si crush. So, kay nabusog man pud ko sa handa nila Paul, didto nako sa sala nagtambay ug sa dihang nakita nako ang bouquet of roses sa sofa. Letche! Gidad-an kog buwak sa akong crush! Maayo kay naka pugong ko nga dili mosinggit. Pasumangil nalang kog saka sa akong kwarto, kay didto gi dalidali nakog tawag si Tab. " Tab.." pinahonghong ra kay basig madunggan sa gawas, dili baya soundproof among balay. " oh? Naunsa man ka ? Mura mag padung ka mangawat " " Gidad-an kog buwak ni Marvin.. " " Mao ra na imong gitawag? Pastilan Daghan pa kong giatubang trabaho diri, wa koy panahon anang imong buwak , bye " Letche! gusto lang unta ko mo share sa akong kilig, gi patyan man noon kog tawag. Lisod gyod ning balikog ug pagkatawo ning atong bestfriend kay dili maka relate. Ninaog nalang kog balik sa sala, diha na si Marvin ug ang iyang bouquet of roses. Nindot na unta ang moment, unya kay nisingit man pud ni si Nanay. " day, namatay raba imong tiyo ganina " wa gyod makahuwat si Nanay nga makalakaw man lang una si Marvin dusa mohatag ug bad news nako. Nawala noon akong kilig, nahupas. Pagkawala sa mga tawo kay niadto ila Tiyo nga naa rapud sa silingan namo, solo napud nako si Marvin. Chance na nakong maka recharge kay crush. Paduol gamay ug sandig sandig dayon sa iyang abaga . One at a time according to Tab. Ni level up na kay ang holding hands naa nay matching sandig sa abaga as a friend kay wa pay label 🥴. While nagtan-aw mi ug ang Probinsiyano, hangtod sa nakatog nalang ko sa kataas sa mga advertisement nga murag way kahumanan. Nakamata ra ko kay gibukaw nakong Marvin kay aron makapahuway nako ug mouli na siya. Kay gi alimungawan pa lagi ko, ga tando tando ra ko, pero nakamata kog kalit kay gi kiss man kong Marvin sa lips, pero kadali lang. Letche! Nabuhi akong kalag. " Goodnight " ingon ni Marvin Paglakaw ni Marvin, natulala nalang ko nga nagtan-aw sa tv. First kiss namo... Oh- M - G. Nikirig kirig nalang ko nga murag gipatol. Murag nibalik ko pagka teenager. Mutawag unta kong Tab kay gusto kong mag share pero nakahinumdom ko busy man diay siya, motubo ra ba ang sungay adto ug distorbohon mao nga gi luom nalang nako ang akong kiligs. Dugay nako nanguyab si Marvin, mga nilabay pa siguro ug 5 days 🥴. Hago kaayo ng way label oy, dili ta kahunat. Ug sa himoon nakong mga decisions, una gyod ng makahibalo si Tab. " Tab, sugton na nako si Marvin " , nag video call ming duha. Nitubag pud siyag " ooh, good luck, basta chaperone gihapon ko " " Boyfriend na nako si Marvin Tab!!! " singgit nako with matching ligid ligid sa kama. " Nagkadugay nagka OA naka bayhana ka, dili naka katorse hoy! " " Ikaw Tab? Kanus-a mn pud ka mo settle down? , nagkatiguwang nata, hangtod karon, motan-aw gihapon kag legs sa girls? " Nahilom si Tab, murag gihunahuna pag isulti pa ba nako. " Buntis ko " nikalit siyag ingon Wa ko motingog, naghuwat ra ko nga moingon si Tab nga JOKE!!!!!!! Pero wala... pila na ka minutes nilabay. Wa mi magtingog duha. Hangtod sa nihilak si Tab, gisibog lang niya gamay iyang phone aron dili ko makakita niya, bisag nakakita nako nga nihilak gyod siya. " Hoyy! Pwede naka mo audition sa TV ana " ingon nako kay usahay mag acting acting pud ni si Tab nako. Pero kadugayan sa wala pag tingog ni Tab, na realized nakong wala siya mag joke. Mao nga nikalit ra pud ko ug hilak. " Mag-estorya ra ta personal " mao ra ang giingon ni Tab unya gi off na niya. Wala ko kasabot sa akong bation, naay wala gisulti si Tab nako. Naa siyay wala gi share nako, labon ako, updated kaayo siya sa akong life. Pero nakalitan ko kaayo sa iyang giingon nga buntis siya, so babae na gyod si Tab. Pero nganong naghilak man siya? Mao nga anang gabieha wala koy tug tungod ni Tab. Kay Sunday man pagkaugma dugay kaayo ko nimata. Nakurat nalang ko kay gibunalan akong nawong ug unlan sa akong bootan nga manghod. " ATE!!! MATA NA!!! , naa si Kuya Marvin sa gawas ganina ra naghuwat! Alas 11 na hoy!!! " Letche! kasayo ba mamisita aning Marvin. " Paanhia ra sa kwarto, " kay katugon pa gyod ko kaayo, labad kaayo akong ulo. Gikaduha man hinoon kog hapak ug utro " isumbong ka nakong Tatay! " Buseeet nga igsoon, maayo kuhaan ug allowance. Bantay bitaw ug mao nay makauyab ako gyod ang mobitay. Gadali dali nalang kog panghilam-os ug pang toothbrush. Mura kog zombie kay walay tarung tulog. Pag-naog nako, nakurat ko kay formal kaayo si Marvin. " Good morning " ingon ko. Nitubag pud siyag " morning, mouban ka ron?.. " " asa? " " Kadto bang giingon nakong kasal sa akong kauban, karon man to " Diha ra ko nakahinumdom nga niingon man diay ni si Marvin pag niaging adlaw nga mo attend mig kasal. Letche! Pwerte nakong kalimota tungod pud ni Tab. Mao nga gadali dali kog pangandam, 2 hrs. ra ba gyod ko mangarte, unya wa pa gyod koy tulog. Nahaw-as tanang dress nako, ug unsay akong suoton , nisamot noon kalabad akong ulo sa dinalian nakong mga lihok kay naghuwat na si Marvin. Hapit gyod niabot ug 1 hr. maayo kay nalingaw si Marvin nag istorya silang Tatay. Mga 1 pm pa ang wedding mao nga naniudto mi daan ni Marvin. Akong pamahaw paniudto na 🥴. Ang motor lang ni Marvin among gidala kay syempre ga dress ko. Pinaside view akong pag-angkas mao nga gakos gyod ko ni Marvin, mahadlok ko mahug nuh. First time , makagakos sa abs ni crush, makaluya ang kagahi. 🤧, Sa abs ha, basig unsay maimagine ninyong gahi. Medyo layo layo pud ang lugar sa kasal, mao nga na haggard pud ko gamay kay nag motor lang mi. Pag-abot namo sa simbahan, daghan nag tawo, nangita dayon kog kaila aron dili ko ma op aning dapita kay pag-abot pa lang namo na busy na si Marvin pero, take note! Nag holding hands ming duha while naa siyay ka istorya. Letche! Gikilig akong bag-ang. Sweet kaayo mi pero wala pa diay toy label 🤧. And then, the wedding ceremony started and ended kay hago ug narrate sa kasal nga dili ato 🥴. Basta happy nalang ko sa bride ug groom. Pag-uli namo ni Marvin , dinha siya nako gisugot. Gabie naman to, mao nga wala nay tawo sa gawas, mao nga free mi nga naka express sa among love. Ninaog na ko sa iyang motor adto ug si Marvin padung na molakaw. Ako ni ang ni the moves ni crush, ako ang niuna ug kiss sa iyang lips. Nakuratan pa si Marvin. " Goodnight, love you crush " letche! Mura kog gisaniban ug bigaon nga espiritu. Nikatawa ra si Marvin nga miingon " kaingon kog maghuwat pa kog dugay, pwede isa pa ?" " Unsay isa pa? " Letche! gidilaan man sa amaw iyang lips. Gitan-aw nako ug wa bay tawo nga padung molabay. Hagoa pud ning sa dalan ta mag create ug kissing scene. Mag check pa ta sa area ug clear ba, ug kay clear man. 👌. Ok! Attack! Syempre kadali ra gyod kay naa unyay makakita. So that night, we're officially in a relationship ni Marvin. But, wala ko mag expect nga moagi ko ug mga trials sa unahan nga nakaluya nako ug hapit ko mo give up sa kinabuhi.. 
__________________________

Part 3
__________________________


Nakabasa ko sa mga comments, ug nisakit man noon akong dughan ug samot 🤧 Mao nga unhan nalang ta mo daan : Dili si Marvin ang amahan sa gibuntis ni Tab, diyos ko. Erase na inyong gihunahuna. Nasobraan ra mog tan-aw ug teleserye. Mao nga gadali gyod kog gama aron naay mahiluna nga mga kalag kay kalag kalag na raba hapit 🤧. Mao ni ang tinood nga nahitabo. _____________________________________ Year 2018, month of November mao ang dili makalimtan nakong panahon. Anang buwana, gisugot nako si Marvin nga dugay sa nakong gipangandoy. Walay kasudlan sa akong kalipay, dili ko makatuo nga si Marvin na akong boyfriend. Sila Nanay ug Tatay nalipay pud para nako kay ganahan sila ni Marvin kay naa gyuy respeto nga moanha gyod sa balay aron mamisita nako. Pero wala ko kahibalo nga sa mga sunod nga mga adlaw ug sunod mga semana. Sunod sunod ang sakit nga moabot nako. Kay nabalaka ko sa kahimtang ni Tab, gibisita nako siya sa iyang apartment ug mo stay kog usa ka gabie. Kay dugay napud mi kaayo nga wala naka bonding ug naka heart to heart talk. 2 hrs ang byahe padung sa lugar diin siya naasign. Nihapit pa ko sa ilang station kay magkuha ko sa susi sa iyang apartment kay gabie pa siya makauli. Pero natingala ko pag-abot nako sa apartment ni Tab kay dihay lalaki, padung pud mogawas gikan sa iyang apartment gadala ug bag. Syempre nakuratan ko kay nganong nakasulod siya sa apartment ni Tab. " Good afternoon sir? ." ingon nako " Kinsa ka? " siya pa ang nangutana nako " Si Thea ko bestfriend ni Tab. " " Aah David ko, uyab ko niya " Nakalitan ko, confirm gyod diay naa nay uyab si Tab. " Nice to meet you Sir, gibisita lang nako si Tab karon " " Maoba? Duty pa si Tab ron, hulata lang siya diri kay molakaw na pud ko " unya nilakaw dayon siya, murag gadali. Nakita nako ang lalaki nga nagpa babae gyod ni Tab, ug dili gyod ko malimot sa iyang dagway ug porma anang adlawa. Naghuwat ra pud ko ni Tab ug kanus-a siya makauli. Ako pay nagluto unya naghinlo hinlo sa iyang apartment. 6:35 pm niabot si Tab, nagdala pa siyag pagkaon kay among panihapon bisag nakaluto rako. Daghan kog gusto i-chika niya ug daghan pud nga gusto nakong mahibal-an about sa iyang kahimtang. Nagkaon nami dihang giingnan nako siya nga nakatagbo nako ang iyang uyab. Ug murag nakuratan si Tab, " Nianhi siya? " ingon siya Ingon pud kog " Ooh! pero gadali dali ug lakaw, nganong wala man daw pud ka mang share nako sa imong latest update? " " Minyo na siya Thea " ingon ni Tab Wa ko katingog.., gihuwat pud nako nga moingon siyag Joke! Pero seryoso si Tab. " Kahibalo kang minyo na siya? " Nitando ra si Tab, nahugno gyod tanan nakong expectations. " Huuuh? Letche! Tinood? " mura kog nabuang naghunahuna nga kabet si Tab. " Amaw? Letche! Nganong nikalit raman pud kag surrender niya nga kahibalo kang minyo na! Nabuntis pa gyod ka Letche gyod! Laina man ka Tab! Hagoa man ka oy, Dapat nagpaka tomboy nalang kag dayon. Ikaw pay sigeg advise nako nga dili ibundak tanan! " Naghilak nako sigeg pangasaba ni Tab. Dili ko kadawat sa nahitabo. " Aron dili ka maparehas nako, nga wala gamita ang utok! Ayaw sa gud ko kasab-e bi, naglibog pa gani kog unsay akong himoon kasab-an pa gyod ko nimo " naghilak napud si Tab. " Unsa man ni imong gisudlan Tab, leche oy " Mao nga sige mig hilak nag sigeg kaon ug panihapon. Naghuot gyod akong dughan sa akong nahibal-an. Ug kahibalo pa lang ko nga ing-ana diay. Dugay ra unta nakong na advisan si Tab nga buwagan to , ug pangitaan nako siyag single kaayo nga lalaki. Nagpakalma sa mi dusa nako gipa-explain si Tab sa nahitabo. Mga 9 pm natong orasa. Gi explain ni Tab nako nga karon nga nahibal-an niyang buntis siya, makigbulag na siya sa lalaki. Karon pa nuon siya makigbuwag nga nabuntis na siya maong suko kaayo ko kay bali kaayo ang utok ni Tab. Pero ang mas nakapakurat nako iyang giingon nga naay video sila while naghimo ug s*x . Mao ang gipanghadlok sa lalaki aron magunitan si Tab sa liog ug dili niya mabuwagan. Naghinilakay naming duha, kay nasungot nako kaayo. " Letche!!! Buset pa sa tanang buset, kwarta ang giapas sa buang! Tab! Ayaw kahadlok! Ikaw biktima ani! Police ka, kahibalo ka tanan ani, kani ang linya sa imong trabaho! Pwede nimo siya arestohon, posasan diritso ug ilabay sa bilanggoan. Pero ngano? Nganong naghilom raman ka? Nakalimot nakang Police ka? " " Dali ra nimo nang masulti kay wala ka sa akong lugar. Madisappoint nako sila Papa, among pamilya mauwawan, mahadlok ko sa ilang mga reaksyon Thea. Police ko pero naing-ani ko, nahimo kong kabet. Nauwaw kaayo ko sa akong nahimo. " Sige nag hilak si Tab. " Ngano? Ang police, dili tawo? Dili masayop? Ang uban gani nakapatay pag inosenteng tawo. Tawo ra ta Tab, dili ta perfect. Masayop ka, nahigugma ra ka Tab! usa pa, gusto nakang makigbuwag niya , daghan pang lalaki nga single ang naghuwat nimo kay professional ka . Kanang istorya mawala ra na kadugayan. Salig nako, dili ka nako biyaan ani, magtinabangay ta. Magpatabang tang Marvin, sa imong mga kauban , ayaw kaulaw tab! Ikaw nay gihimong biktima ani. " Gi convinced gyod nako si Tab nga ireport namo ang lalaki pagkaugma dayon aron dili na makahimo ug laing kadaot ni Tab. Gi assure nako si Tab nga dili nako siya biyaan bisag unsay mahitabo. Around 11pm, nanulod nami sa kwarto ni Tab. Nagtapad ming duha. Nag-istorya pa mi about sa iyang pagbuntis, nga ako gyod ang number 1 ninang ug si Marvin ninong. Ug nga mo support ko bisag sa pagpa skwela sa iyang baby in the future. Daghan na kaayo mig plano nga gihimo ni Tab. Nagplano nami nga kinahanglang among mga anak ang magkadayon. Nga huwaton nako nga makalakaw na iyang baby, ayha mi pakasal ni Marvin kay maoy ring bearer or flower girl namo. Naghimo na gani mig mga pangalan. Pero ang last nga giingon ni Tab ang dili nako makalimtan. " Thea, asa kaha ta taman nuh, unsa pa kahay mahimo nato in the future..ikaw, wa damha nga ang imong sigeg day dream nga crush, uyab na nimo ron. Swerte kaayo kang bayhana ka. Ako? Pa tomboy2, pero mao pay unang nabuntis nahimo pang kabet. Nindot untag naa pud koy happy ending. " " Ka drama oy! Basta, kon asa ka day, suportahan tika, one for all, all for one " Nanawag pa nako kadali ana si Marvin, kay nakalimot kog ingon niya nga modung ko ni Tab. Didto man diay siya sa balay nibisita. Wala sa nako sultihi sa nahitabo ni Tab, kay gusto niyang sa Pamilya niya unang iingon. Si Tab pa ang unang natulog kay nadugay mig istorya ni Marvin. Ambot lang pero gimingaw kog kalit ug maayo ni Tab. Around 5 AM, the next day nakamata ko kay dihay nanggi-away sa gawas. Wala na si Tab tapad nako. Ang nahinumdoman lang nako nangayo ug kwarta ang lalaki nga suko kaayo. Sunod na nakong nadungog buto na sa pusil. Nakabangon dayon ko nga gikulbaan ug maayo kay gihunahuna nako si Tab. Pag-abri nako sa pultahan , ang lalaki nga nagtalikod akong una nga nakita, dayon si Tab nga naghigda na sa salog diha nay niagas dugo niya. Namugnaw gyod akong tibuok lawas nga nangurog , wa ko kalihok, walay mogawas tingog nako tungod sa kahuot sa akong dughan ug kahadlok. Paglingi sa uyab ni Tab nako didto nako nisulod ug dalidali sa kwarto aron motawag ug mangayo ug tabang , si Marvin akong unang nahunahunaan nga tawagan, pero wala pa ko kasira sa pultahan gibira na sa lalaki akong buhok ug gilamba ko sa kabinet. Didto nako nisinggit ug tabang kay lain na nga kahadlok akong gibati. Kaduha ra siguro ko nakasinggit. Diha nay nibuto ug nakafeel nalang ko nga namugnaw akong tibuok lawas ug naglugos nako ug ginhawa. Si Tab ang naa sa akong hunahuna hangtod sa napawong akong panan-aw ug nakalimot. Niatubang ko sa kamatayon, kaming duha ni Tab. Gipusil ko sa abaga, si Tab sa ulo, dead on the spot si Tab. Ako, nahimo kong critical, pila ka semana ko nag lubog sa hospital, gamay nalang ang kuwang akong heart na ang maigo. Maayo kay diha dayoy naka report kay nakadungog sa buto sa pusil sa apartment ni Tab ug nakakita nga dihay nigawas nga lalaki nga gadalidali. Nadali kog dala sa hospital pero si Tab wala na kaabot. Pagmata nako, wala pa ko kaayoy nahinumdoman pila ka adlaw. Murag na black out akong utok. Diha pa si Marvin, first time nakit-an nakong nihilak sa akong atubangan. Siya pa gani diay ang ni donate ug dugo nako aron mabuhi ko. Silang Nanay ug Tatay pwerte nga panghilak. Gikataw-an pa nako kay imbes buhi ko nanghilak man nuon sila. Pero wala pa koy idea ana about sa nahitabo ni Tab. Pila na diay kasemana gikan ko nimata, nalubong na si Tab kauban sa iyang baby sa iyang tiyan. Mura kog nahugno pagkahibalo sa nahitabo ni Tab. Dili ko makadawat sa tanang nahitabo. Duha ka kinabuhe ang nawala. Nakaingon nalang gani ko nga , ako nalang unta ang nawala. Dili nalang unta si Tab kay naa pay laing kinabuhe sa iyang tiyan. Naa pa untay dakong mission si Tab nga kinahanglan niyang ma accomplished. Ako, ok naman pud ko, na full fill na nako akong mga damgo, ready na unta ko adto. Pero didto ra gyod taman nga page ang story ni Tab, gi closed na ang iyang libro. Ni extra pa gyod siyag tabang namo ni Marvin bisag diha na diay siyay gidala dala nga bug-at nga problema. Likod diay sa iyang mga smiles ug jokes ug ang ka astig ug kalig-on niya tan-awon tungod sa iyang uniform, mao diay ang Tab nga nagapos ug maayo sa mga problema ug kasakit , ang Tab nga nahadlok ug dili ka depensa sa iyang kaugalingon. Nagkinahanglan diay siyag tabang adtong panahona pero wala mi makabantay. Nadakpan ra ang uyab ni Tab nga maoy nagpusil namo. Nagtago tago pa siya paghuman sa krimen nga iyang gihimo pero wala gyod siya undangi hangtod wala siya madakpi. Wala daw siya sa saktong hunahuna adto kay nakainom siya ug siya daw ang unang giaway ni Tab siya daw gihadlok ni Tab, si Tab daw ang unang nikuha sa pusil. Pero nasayop gyod siya sa iyang gipang-ingon kay walay bisan usa nga sakto nga nigawas sa iyang baba. Kay bisan sa last nga mga minuto ni Tab gigamit niya iyang utok, tanan nilang gi istoryahan, wala siya kahibalo nga gi record ni Tab. Na record ni Tab ang nahitabo namo, gikan pag-abot sa lalaki hangtod sa iyang paglakaw. Wala siyay kalooy nipatay bisan kahibalo siya nga buntis si Tab. Patongpatong nga kaso ang gi file sa pamilya ni Tab ug sa akong pamilya ug gisigurado namo nga magpuyo gyod siya sa bilanggoan hangtod sa mamatay siya. First time nakong nibisita sa gilubngan ni Tab murag gitusok tusok akong heart sa kasakit. Kalit ra kaayo ang hitabo, bag-o pa gani tong adlaw nga gihimo nako siyang chaperone, unya kalit lang sa iyang gilubngan na mi niya niatubang. Dili nako ma explain ang kasakit. Naa puy part sa akong heart nga nawala ug dili na gyod mabalik pa. Nawala man si Tab pero fresh pa gihapon ang mga experience ug mga smiles nga gihatag niya namo. Ang among mga away, mga kapungot nako sa iyang mga binuang. Gikan sa pag high school namo hangtod sa iyang last nga mga adlaw. Bisan pag nahuman nag sulat ang mga chapter sa story ni Tab magpabilin gihapon sa akong hunahuna tanan niyang ups and downs, memorized nako tanan ug dili gyod nako kalimtan. Mohilak man ko tungod sa iyang kamatayon pero padayon gihapon kong mokatawa ug mag maoy sa iyang mga gibilin nga memories. Just wait Tab, in time, magkita ra ta ug usab ug daghan kog i-chika nimo..kanang mabungol nakag paminaw. 
_______________________

Part 4
_______________________


Atubangan sa lubnganan ni Tab, gi promise nako nga mopadayon ko sa kinabuhi ug dili gyod mo surrender bisag unsa pa ang moabot, second life na ni nako ug kahibalo ko nga gusto ni Tab nga dili ni nako sayangon. Wala pa gyod siguro ko niya giuban kay sure siyang mag sige kog ngawngaw kay wala ko kapananghid nila Nanay ug Tatay ug labaw na ni Marvin .

" Atong chaperone Vin, natulog na 🤧 " basa na kaayong gisuot nga t-shirt ni Marvin kay maoy akong gihilakan naa pay mga sip-on nako nanggawas. Kay siya man ang nikuyog nako sa first time nakong duaw kang Tab.

" Kanunay nuon ta aning naay chaperone 24/7 pa gani " nakahilak noon kog samot kay nahadlok kog samot sa giingon ni Marvin, kay basig magparamdam si Tab nako hadlokan ra ba gyod ko kaayo basig mao nuon akong kamatyan .

Mao nga kanunay na matulog akong manghud sa akong kwarto kay mahadlok ko basig mo kalit ug paramdam si Tab nako. Sige gyod kog ampo nga ingnan sa Ginoo si Tab nga no need na ang magparamdam labina nako, kay dili gyod lagi namo siya kalimtan ug kanunay siya naa sa among heart. Ug salamat kaayo kay wala gyod magparamdam si Tab.

First time nagpasko ug nag new year ko nga wala si Tab, gimingaw kaayo ko niya kay every Christmas naandan na namo nga mag exchange gift gyod ming duha. First time nakong wala makadawat ug gift gikan niya anang tuiga. Pero ako, wala ko moundang. Christmas day anang tuiga, nianha ko sa iyang gilubngan, nagregalo ko ug handcuffs nga naay naka engraved nga names namong duha.

First time pud nga nakauban nako si Marvin ug Christmas day bisag gabie nami nagkita, kay on-duty siya anang panahona. Naay nawala pero dihay nipuli. Murag nakita gyod ni Tab ang mahitabo, nga giplano gyod daan niya ang tanan aron dili kaayo ko maguol sa kalit nga mga hitabo.

First time pud nag New year nga walay greetings kang Tab ug wala koy kasultihan sa akong new year's resolution nga usahay ra nga matuman.

Dako gyod kaayo nga adjustments akong gihimo sa nilabay nga mga buwan gikan namatay si Tab kay siya tanan ang kapahungawan nako sa tanang emosyon nako nga bation. Mao nga wa ko kabantay nabag-o na akong
batasan. Kanunay nalang ko nga hilom ug seryoso na kaayo kay daghang hunahunaon. Ug nakabantay si Marvin ana.

Natingala ko kay niingon siya nako ,
" Murag naay nabag-o nimo, naa tay problema? Naa koy gihimo nga wa nimo ganahi? "

Nitubag pud kog " Wala man! naunsa man diay ko? "

" Kanang kauban ka nako pero murag wala koy kauban "

" Unsa gud ron, mura kog invisible
diay, wala man, naa ra koy gihunahuna "

Niingon siyag " pwede man na nimong isulti nako. Di man ko kahoy diri. "

Nagsmile siya nga nag-ingon ana pero na feel nako nga nalain si Marvin sa akong batasan nga dili mo open niya. 4 months nami ni Marvin ani, feeling nako ok raman mi. Perme mi manuroy, perme siya moanha sa balay, dad-on ko nila sa ilaha. Manawag gyod siya ug dili mi magkita kay busy siya , moingon siya nako ug unsay buhaton niya anang adlawa, unsay plano niya sunod buwan. Ako, go with the flow lang kanunay. Ok ra sa tanang mahitabo, dili ko magpangutana, dili ko mohatag ug opinyon, suggestions. Kaingon kog ok ra ng ing-ana.

Pero nagkadugay dili na gyod ko mo open up ni Marvin sa akong gibati ug gihunahuna. Mao ang gilainan ni Marvin kay mura na daw kog walay pake niya. Naglisod gyod ko adto kay sukad nawala si Tab, mag lisod nako ug open up sa ubang tawo bisan sa akong family.

Nilabay pa ug laing duha ka buwan, mas nisamot ug kalain ang relationship namo ni Marvin. Ambot lang adto pero murag nawala ug kalit ang spark nga akong gibati para niya, dili parehas adtong diha pa si Tab, kiligon kaayo ko ug maghisgot ko ni Marvin. Kanunay na kong masuko niya kay feeling nako dili siya kasabot sa akong gibati . Perme me nga dili magkasinabot sa usa ka butang ug dali ra gyod ko kaayo masuko niya.

Mao nga buwan to sa May, naka desisyon ko sa usa ka butang nga gibasolan gyod nako sa ulahi. Gihatod ko ni Marvin sa among balay gikan ug trabaho kay naguba akong motor.

Nikalit ug gawas sa akong baba ang ,
" Vin, magbuwag sa ta ."

Wala nakatingog si Marvin, pero bisag gilikay niya iyang nawong nakakita gihapon ko nga nitulo gyod iyang luha. Murag gikumot gyod akong heart adto, gusto ko nga bawion nako akong gisulti pero naglibog nako sa akong gibati.

Nangutana ra siya " love pa ba ko nimo? "

Didto, ako napud ang wala katingog kay dili gyod ko ka explain sa akong gibati. Murag naay kulang, naay problema nako. Bisan sa akong kaugalingon dili ko kasabot. Sige nalang kog hilak nag-atubang ni Marvin, dili nako ma explain , love nako siya pero dili ko malipayon, dili ko kontento.

Nitando ra si Marvin nako, ug walay tingog nga nipaandar sa iyang motor.
Grabe gyod nakong hilak anang gabhiona. Wala gyod ko kasabot, lami mo syagit, lami mag wild. Gusto gyod nakong mopahungaw sa akong gibati, gimingaw kog samot ni Tab. Ug naa palang unta siya, siya gyod ang makasabot nako. Bisan sila Nanay ug Tatay ,wala kahibalo nga buwag nami ni Marvin. Giluom gyod nako akong gibati, wala koy gisultihan bisag kinsa. Kaingon silag busy ra si Marvin maong dili na siya tig bisita sa balay.

Pero bisag wala ko kasabot sa akong kaugalingon ug perme gyod magsakit akong heart ug maghunahuna kong Marvin, ni promise gyod ko nga ipalayo gyod nako akong hunahuna sa paghikog. Dili gyod na nako buhaton bisan pa sa akong mga problema kay ni promise kong Tab nga dili nako sayangon akong second life.

Mga 1 month siguro adesir nahibaw-an nilang tanan nga buwag na ming Marvin. Ako na ang niingon kay sige nag pangita si Nanay ni Marvin, kon nganong dili na mobisita. Pwerte nilang kurata ug nasuko nako nganong wala ko nagpahibalo, daghan silag pangutana nganong nagbuwag mi, Ang iingon nalang nako, " wala nami magkasinabot " .

Nagkita pa mi ni Marvin, usa ka adlaw sa dili pa akong birthday. Diha to sa mall kay naay event, diha tuy guests nga mga artista ug naay mga nanggi standby nga mga Police.
Kay curious lagi ko ug unsay mga nawong ning mga artista sa Manila, so nagtambay tambay ko sa may food stall kaon ug siomai, ug naghuwat kon kanus-a mogawas ang mga artista bisag layo kaayo ko kay daghang tawo.

Nakuratan ko kay dihay nipunit sa akong siomai kaingon kog kinsa si Marvin man diay. Nisiga ra akong mata kay dugay na gyod ming wala magkita.

" musta? Inusara man.. " ingon siya.
Diha siyay kauban duha pa ka Police.

" Oy! Ok ra, way lingaw lagi maong nasaag diri "

" Motan-aw pud ka? Mapiit ka adto "
Gimingaw kog kalit ni Marvin, kahilakon nuon ko nagtan-aw niya.

" Aah, dili, diri ra ko, molakaw na pud ko taod taod "

Molakaw na sila maong nanamilit na siya nako pero ni habol pa gyod siyag ingon " advance happy birthday diay.. moadto nami. "

Letche, naghilak nuon ko nagkaon ug siomai, lugos nako matulon akong gikaon. Nitan-aw gud tong tindera nako kay naunsa ko, naghilak nagkaon sa iyang baligya. Nilakaw nalang ko nga wala na paabota ang mga artista kay gahuot gyod ug maayo akong dughan.

Gimingaw kong Marvin, gimingaw gyod kaayo ko niya. Perme nako ingnon akong kaugalingon nga ' buloka nimo Thea oy, nganong gibuhian man nimog kalit si Marvin. '

Birthday nako, wa koy ka amor amor, mura rag ordinaryo nakong adlaw. Daghang ni greet sa fb sa office, sila Nanay ug Tatay , akong igsoon. Pero gimingaw ko sa greet ni Tab ug first time untang mag celebrate mi ni Marvin sa akong birthday pero wala ra mi kaabot. Mao nga nilabay akong birthday nga wala ra nako na feel.

Gi focus nalang nako tanan nakong attention sa akong pamilya aron dili maglatagaw akong hunahuna. Gitukoran nako si Nanay ug tindahan kay maoy hangyo niya nako, nagparenovate ko sa among balay,
gi treat nako silag bakasyon. Gisulayan nakog bag-o akong batasan, mo istorya nako sa tanan nakong gibati nila.

Months passed, naulian ra pud ko. Naa gyod diay koy problema, na depress ko tungod sa pagkawala ni Tab kay murag sumpay na siya sa akong kinabuhi nga perme siya akong madaganan sa tanan. Nakalimot ko nga naa diay koy pamilya nga mas labaw nga makasabot nako. Mao pud na ang kanunay isulti ni Tab nako pero wala ko naminaw. Na realized nalang nako sa nawala na siya.

Hapit nato death anniversary ni Tab, dihang nakahunahuna ko nga mo chat ni Marvin. Nangumusta ko niya, nakulbaan pa ko kay nang stalk ko sa iyang profile diha may girl nga wala ko kaila, naka tag si Marvin, Letche! na insecure ko kay gwapa. Gwapa man pud ko pero moangkon gyod ko nga mas gwapa siya 🤧. Nakuyawan gyod ko kay perme naka tag si Marvin sa iyang mga post. Kulbaan gyod kog maayo kay basig nakauyab na gyod ug lain si Marvin. Akong heart murag gi kunis kunis ug maayo. Wala pa gyod ni reply si Marvin. Nabuang gyod kog hunahuna ug kinsa si girl.

Ingon kog ' tua na Thea! Mao na ni ron! Mirisi gyod kang bayhana ka, drama man gud ka kaayo, naunsa nas Marvin nakakita nuon ug laing angkas ! 🤧 "

Malas gyod kaayo ko sa love, kaduha na gyod , failed kanunay akong relationship. Naghilak gyod ko nag-imagine nga si Marvin napud ang gikasal unya giinvite napud ko. Letche! Mao na siguro nay time nga mabuang gyod ko.

Wala pa gyod ni reply si Marvin ana, wala pud siya nag online, 2 days ago pa ug wala gyod nawala sa akong hunahuna ang girl nga sigeg tag niya. Ang giingon nakong Marvin, mag buwag SA mi, dili magbuwag NA gyod mi.. temporary lang ba, mao toy gusto nakong mahitabo. Maong nasungot ko naghunahuna nga wala kasabot si Marvin adto. Naglagot pud ko nako kay wala kaayo nako na explain nga temporary lang. Kanang ingon ba nila nga ' pangitaon sa nako akong kaugalingon ' mao toy point nako 🤧.

Wa na gyod ko kaagwanta, gibisita gyod nako si Marvin sa ilang station gikan kog trabaho. Pag-abot nako, naglibog kog mosulod ba ko o dili. Nauwaw man nuon kog kalit, diha pay nisulod mga tawo kay murag dihay gireklamo. Nitambay nalang ko sa motor nako huwat ug kanus-a mogawas si Marvin pero wala, gilamok nalang ko. Gisuwayan nakog tawag si Marvin ug motubag ba, Letche! unang ring paman gitubag dayon. Nagkabuang nuon kog unsay akong unang iingon.

" Hello? " si Marvin

" Ooh, asa ka? "

" Dia sa balay " Buset! Nag effort pa kog huwat sa ilang station , didto raman diay siya sa ilaha 🥴.

" Aah, wa kay lakaw ron? "

" Gabie naman, asa paman diay ko? "

Ni inhale ug ni exhale gyod ko una adesir niingon " pwede magkita ta ron? "

Dali ra pud naka tubag si Marvin nga
" ok, asa man? "

Gisulti nako kong asa mi magkita, pwerte gyod nakong kulbaa ana. While ga drive ko naghunahuna kog unsa akong iingon ni Marvin. Nangayo pa ko ug tabang sa espiritu ni Tab aron tagaan kog kaisog nga makasulti ni Marvin sa akong gibati. Ug nakulbaan ko basig iingon pud niya nga naa na siyay bag-o. Maong dugay gyod ko kaabot sa among gisabotan kay hinay kaayo ko ga drive. Si Marvin pa ang nauna namo.

" Hai, ganina ra ka? " akoy niuna

" Karon pa pud..nanihapon naka? "
Gigutom ko ganina pero nawala pagkita nakong Marvin.

" Wala pa pero unya ra, naa sa koy importante nga iingon nimo "
gi practice gyod na nako akong iingon.

" Ok, unsa man? "

" Sorry sa tanan, sa mga giingon nako, sa mga sala nako, sa mga gihimo nako, sorry kay dili ko open nimo, kay feeling nako dili ka kasabot nako, basta sorry Vin sorry sa tanan, na depress lang ko pagkawala ni Tab, pero love gihapon ka nako hangtod karon promise, tagaan pa unta ko nimog chance "

" Nganong nakigbuwag nako? Pwede mang solusyonan to natong duha kung nisulti lang ka. "

Namugnaw na gyod akong nawong ana, naglibog na ko ug unsaon nako pag explain niya.

" Kay gusto lang kog time para nako, kay na depress lagi ko pagkawala ni Tab " kahilakon na gyod ko ana kay feeling nako dili nako dawaton ni Marvin.

" Maong gibalewala nalang ko nimo? "

Nakahilak na gyod ko, Letche ,dili na moundang akong luha. Kay lain namag tono si Marvin. Nahadlok nako sa sunod niyang isulti.
Pero nakaginhawa ko kay gigakos ko ni Marvin. Murag nawala tanan nakong kahadlok ug pagduhaduha. Gihilak gyod nako tanan, tanan nakong kamingaw niya, kamingaw ni Tab, sa naagian nako sa niaging mga buwan nga kaingon kog nag-inusara nalang ko. Mga kaguol, kasakit ,kahadlok, pagmahay, kasuko nako sa akong kaugalingon, apil na selos sa girl nga sige ug tag niya. Gipasagdaan ra pud ko ni Marvin nga sigeg hilak pero wala gyod ko niya buhie .

Paghuman nako, murag niluag akong gibati nakahilak. Gipalitan kog tubig ni Marvin kay murag nahurot gyod tanan nakong luha. Murag nibalik tanang sakit sa pagkahibalo nako nga nawala si Tab kaingon kog dili nako mohilak ug ing-adto ka grabe pero naa pa gyod diay round 2. Pero naghuwat pa gyod ko ug unsay tubag ni Marvin, ug naa pa ba mi chance nga magbalik. Giandam na lang gyod nako daan akong kaugalingon sa iyang tubag.

Sa nahuwasan nako, nikalit siyag ingon,

" Dili nako diri na assign, didto nako sa layo , makaagwanta ka? "

Wa pa gyod diay nahuman akong kasakit..

_____________________________________

Ug dinhi sa lang taman akong update kay medyo busy gyod ko ron, nag update lang ko kay basig nakaingon mong nakalimot nako. Promise nako, mo send ko sa akong last part nig Saturday, aron walay module nga dili ma anseran...

Don't expect too much sa akong ending.. basta don't expect too much nalang. Salamat.

_____________________________________

#MissionAccomplished
Finale


Makaagwanta ba ko?

Dugay ko nakatubag sa pangutana ni Marvin. Makaya ba nako ang LDR, nga wala paman ko sukad naka experience. Unsay assurance nako, nga ako ra ang mahalon ni Marvin bisag tua na siya sa layo.

Mao nga nangutana ko ni Marvin ug
" Vin, wa ka nahigugmag lain? "

" Ikaw? Niangay kag lain? " Gibali nuon ko niyag pangutana.

" Syempre wala gud, mangayo ba kog chance ug naa "

" Unya tagaan pa diay ka nakog chance ug naa nakoy lain " nakaginhawa ko sa iyang ingon.

" kahinumdom ka adtong reunion nga nanguyab ko nimo? Gi-ingnan ko daan ni Tab nga, dili ka nako pugson sa dili nimo gusto. Mao na akong gibuhat " nakahilak napud ko sa giingon ni Marvin, namiss nako si Tab. Bisag wala na siya daghan siyag gibilin.

" Pero karon nga niabot naman ta sa sitwasyon nga ing-ani, nga maglagyo ta. Dili ko mosugot nga, magbuot lang kag imo, gusto nako nga mokonsulta una ka nako sa imong mga desisyon una ka molihok, mosulti ka tanan sa imong plano, paminawon ug sabton ko nimo , paminawon ug sabton pud ka nako. Wa tay itago bisag gamay "

Mao na ang gisabotan namong Marvin, wala mi sekretohay. Nisugot ko sa LDR arrangement namo kay sa layo gyod kaayo na assign si Marvin ug proud kaayo ko niya kay promoted na siya as Police Master Sergeant.

Once a week ra mouli si Marvin ug usahay gani dili siya kauli ug pila pud ka weeks. Pero kada gabie mi mag tawag or video call, dili gyod mi mopalta ana. Tanan nga nahitabo namo anang adlawa isulti namo. Naka adjust ra pud ko sa among arrangement sa sunod nga mga buwan. Pasko ug New year wala mi magkita ni Marvin kay wala siya kauli. Nag video call lang ming duha, gimingaw ko niya pero wa koy mahimo kay tungod sa iyang trabaho.

" gimingaw ko nimo. " Kapila gyod na nako gibalik balik.

" Gimingaw pud ko nimo, mouli ko next week, ok ra nimo mo dad-on ka nako dri? Stay sa ka dirig 1 day or 2 days? "
Gihunahuna nako iyang giingon. First time nga mag uban mi ni Marvin nga apil gabie, ug uwaw man paminawon pero naghunahuna kong basig mabuntis ko. Medyo advance gyod ko ug hunahuna adto kay unsa man diay buhaton ug ang lalaki ug babaye nga mag uyab magstay sa usa ka kwarto. So naa gyod nay mahunahunaan nga medyo may pagka wild .

Pero nisugot ko sa gihangyo ni Marvin,
nisalig lang ko niya nga naa siyay respeto nako. Nag-abang siyag balay duol sa ilang station, naa siyay kauban pero adto nga time wala diha kay nibakasyon. Didto nag bonding ming duha, nag movie marathon, gilutoan siya nako, sige mig istorya bisag unsa.

Hangtod sa niingon si Marvin nga
" Love, gusto nakong mag settle down natang duha "

Nakalitan ko sa giingon ni Marvin wala ko mag expect nga mag proposed diay siya nako, pero bisag nakalitan ko, nisugot ko nga magpakasal na ming duha kay gusto nako nga dili siya malayo nako. Mosugot ko ug mangita kog laing trabaho, basta duol niya. Nagsabot mi nga mosupport gihapon ko nila Nanay kay wala pa nahuman ug skwela akong manghud sa college naa pa koy obligasyon sa akong pamilya ug walay kaso ni Marvin, motabang pud siya sa akong pamilya.

Sa 2 days nakong stay ni Marvin, walay nahitabo namo. Bisag nagtapad ming duha wala gyod siya nihangyo nako sa butang nga dili pa ko ready. Ni promise siya nakong maintain gihapon akong pagkababae hangtod sa among kasal. Nisamot akong love ni Marvin kay panagsa ra gyod ang lalaki nga naay importansya about sa symbolic meaning sa white dress sa bride which is , purity, virginity, cleanliness, innocence.
April 8, 2020 ang napili namong date para sa akong kasal. But then, covid pandemic came. Kanang ready na bitaw ka kaayo, dili na ma explain imong ka excite kay ready na ang tanan ug sa kalit na postponed kay tungod sa wala damhang crisis sa tibook kalibotan. Pun-an pa nga lockdown tanang borders, dili makauli si Marvin.

Kaingon kog ok ra ko adto, nga malampasan ra to nako. Pero nagkadugay ang lockdown, nagkaanam ug balik ang akong depression. Dili nako kasabot sa akong bation, frustrated nako nga madayon ang kasal namong Marvin, frustrated nakong mahuman ang lockdown kay gimingaw nako niya labina kay dili gyod siya kauli, perme rang naa ko sa balay, walay trabaho. Nagpatong patong akong gihunahuna. Nakalitan ko sa mga hitabo.

Niabot sa point nga mokalit ra kog hilak inig kagabie kanang bakho gyod kaayo pero wala ko kasabot unsay akong gihilakan. Dili na gyod ko kasabot sa akong gibati, malipay ko pero pila ka oras naghilak napud ko. Matulala ko usahay kay murag mo blangko na akong hunahuna sa kadaghang mosulod, naglibog nakog unsay unahon. Makig istorya kong Marvin, ok ra kaayo ko tan-awon, malipayon ko kaayo nga mag istorya niya pero inigkahuman sa among video call mag sige nakog hilak kay gimingaw ko niya. Dili nako ganahan mokaon, dili nako katulog, mag sige nalang kong hinuktok. Layo kaayo akong hunahuna. Hangtod sa mahadlok nako, kanunay mosulod sa akong hunahuna ang adlaw nga gipamusil ming Tab. Feeling nako, naa tong lalaki , naggunit sa pusil, naglakaw padung nako ug patyon ko. Sa mubong pagkasulti, nasakit ko sa utok o tawag nilang nabuang, literal.

Wala nakoy nahinumdoman sukad adto, basta feeling nako, na priso ko sa lugar nga dili ko makaikyas nga murag gigapos ko. Dihay time nga nitin-aw ug kadali akong hunahuna, pero mga police akong nakita. Nahadlok kaayo ko nga akoy posasan nila, akoy pasanginlan sa pagpatay ni Tab, akoy ilang prisohon.. Na trauma ko nag tan-aw sa mga Police kay feeling nako kanunay, ila kong dakpon. Wala koy nailhan, bisan sila Nanay ,sila tanan wala na ko kaila.

Dili mosulti sila Nanay ug unsay gipangbuhat nako sa nasakit ko, unsay akong gipang istorya, unsay porma nako, dili gyod sila motug-an kay ingon nila dili nato angay hinumdoman. Gusto unta kong makahibalo kay wala gyod koy nahinumdoman bisag gamay. Murag kalit nga niundang ug function akong utok adtong mga panahona, blangko tanan. Ingon lang sila, ug mobisita si Marvin nako, mura daw kog makaila ni Marvin kay mopatoo ko niya, mahimo kong normal. Pero malooy silang Marvin kay maghilak siya magtan-aw nako nga wala na sa kaugalingon. Murag gikumot gyod akong heart pagkahibalo adto.

Gipatambalan ko nila Nanay ug ni Marvin, daghan kog gitumar nga mga tambal. Nagkaanam, ni kalma akong hunahuna, dihay mga activities nga gipahimo nako, exercises, na close na nakong doctor nga maoy nag sigeg check nako. Anam anam nga nitin-aw akong hunahuna, mokaon ra kog ako, ako ra ang mohimo sa mga daily activities nga dili na kinahanglang bantayan nila Nanay, ug matulog nakog sakto. Hangtod sa kadugayan nabalik ko ka normal month na sa September 2020.

Wala pa kahibalo si Marvin adto nga totally naulian na gyod ko, wala pud namo sultihi, ang nahibaw-an lang niya nga dako nag improvement nako. Mao nga pagbisita niyag balik. Diha pa lang siya sa gate, wa siya katingog kay ako nay niabri.

Ingon ko " love, musta ang byahe? "
Gitan-aw pa kog maayo ni Marvin nga murag wala na kaila nako. Kay sukad nasakit ko, taas na diay kaayo kog buhok wala nay kaarte arte sa lawas. Maong gi make over nako akong porma. Nag paputol kog buhok, nagpa rebond, nagpa manicure ug pedicure, nagpa massage, nag yoga aron maka attract ug positive vibes. Maong nalahi gyod akong aura.

Si Marvin, wa gyod makatingog.. maong gigakos nalang nako siya.
Ingon ko niya

" salamat kaayo kay wa gyod ko nimo
biyae " nagsige gyod kog hilak naggakos niya, gimingaw kaayo ko ni Marvin feeling nako pila ka tuig ming wala makita.

" biyaan ba diay nako akong asawa? " nakatawa ug nakahilak kog samot sa iyang giingon , bisag wala pa mi kasla kay wala madayon, asawa na diay ko niya.

Nabalik nako sa normal, pero sukad naulian ko, nagpabilin gihapon ang phobia nako sa mga posas ug mahadlok gyod ko nga gapuson, kay mao na ang nagbalik balik sa akong hunahuna sa nawala ko sa kaugalingon. Everytime makakita kog handcuffs labinag makagunit, maghuot gyod perme akong dughan ug mahadlok ko. Mao nga gilikayan gyod una ni Marvin nga makadala siya ana ug makakita ko. Ang handcuffs gani nga gi regalo nako sa gilubngan ni Tab gitagoan ug maayo nila Nanay kay basig akong makita ug mobisita kong Tab. Ingon ang doctor, mawala ra daw pud to kadugayan, ug salamat gyod sa tabang pud ni Marvin nawala ra pud akong phobia hangtod karon.

Sa naulian ko, nakabalik ko sa trabaho sa University, ni balik ka normal nako ang tanan, bisag naa gihapon ang pandemic. Conscious nako sa akong health, ug gilikayan gyod nako nga mag focus sa negative , positive lang kanunay.

December 28 2020, nagpakasal ming Marvin, nadayon ra gyod among kasal nga kanunay namong giampo, bisan pa sa tanang naagian namo, naka survive ming Marvin. Proud kaayo ko sa akong nabana kay na test gyod nako iyang gugma ug makaingon gyod kong, mission accomplished, nakita ug na ako na gyod ang lalaki nga deserving hatagan sa akong love.

Nag resign ko sa akong trabaho ug niuban na ni Marvin month nato sa February karong tuiga kay di siya gustong maglagyo mi. Ug thanks God nakasulod dayon kog bag-ong trabaho sa bag-o namong lugar. Nag-abang lang mig usa ka balay, kay plano pa ug drawing among gamay nga dream house.

Natingala ko usa buntag nga sige kog suka, tanan gyod nakong gikaon nahabwa, naluya gyod kog maayo. Wala na si Marvin adto kay ni duty na.
Pero nakahinumdom kong wala man diay ko duawa sa akong monthly period, maong bisag nag lipong lipong ko, nipugos gyod kog palit ug PT kay naa raman pud duol namo ang Pharmacy. Pag test nako sa akong urine, nag positive. Wa gyod ko kahibalo ug unsay akong bation, nalipay ko nga nahadlok. Mao nga nag dali kog tawag ni Marvin. Pila pa ka ring dusa niya natubag.

Ang naingon ra nako " Love, papa
naka, mama nako. "

" Buntis ka? " nangutana siya.

Wala nako katubag kay nagsige nakog hilak. Nabalaka si Marvin nako maong ni absent gyod siya sa trabaho anang adlawa aron ulion ko kay kaingon siyag basig maunsa napud ko. Lipay kaayo ming duha ni Marvin kay mahimo naming ginikanan. Bisag naka agi mig mga problema, naa diay nagpaabot namong regalo, among first baby.

Wala ra ko nag pa check-up ug doctor kay ingon ni mama, normal ra daw ng mga morning sickness. Mao raman pud akong gibati sa sunod nga mga adlaw. Diha nako gipa stay akong manghud sa among balay aron naa koy kauban ug wala si Marvin kay online classes raman iyang gi kabusyhan. Lipay kaayo siya kay naa na siyay pag-umangkon. Unya nahinumdom kong Tab, na feel na gyod nako iyang na feel nga mahimo na siyang inahan. Gi promise nako nga ipangalan nako ang nasabotan namong Tab nga name para unta sa iyang baby.

Mga 3 weeks lang gikan nahibaw-an nako nga buntis ko. Nakulbaan ko kay nisakit ug maayo akong pus-on , sakit gyod kaayo nga dili nako makatindog sa kasakit. Padung na gani ko ihatod ni Marvin adto sa trabaho, pero wala gyod ko makatindog kay murag gisamadan gyod akong tiyan, nakahilak nako sa kasakit. Gidali kog dala ni Marvin sa hospital ug didto , niabot napud namo ang sakit nga balita.
Wala sa akong matris nitubo ang mahimo unta namong baby, ectopic pregnancy ang gitawag nila. Ug kinahanglanon gyod daw nga operahan ko dayon aron makuha. Delikado ug ipadayon nako akong pagbuntis kay pwede nga akong ikamatay.

Mura gyod kog gidat-ogan sa tibuok kalibotan. Nabungol nako sa mga gipang-ingon sa Doctor, wala nako kasabot sa iyang mga explanation. Gusto nalang kong mouli naming Marvin pero dili pwede kay emergency ang akong condition kay anytime mo rupture ang akong fallopian tube nga maoy gituboan sa baby.

Naluya gyod ko kaayo sa akong nahibaw-an ug nakapangutana ko sa Ginoo ug , ' unsa may akong nahimong sala? Grabe naman ni kaayo imong gihatag, papahulaya sa pud ko bi, murag sobra naman, kapoy nako
kaayo '.

Sa giandam pa ko para sa operation, sigeg ingon nako si Marvin nga,
" Mas importante ka nako love, mas importante ka nako. Di siya para nato. Di ta mawad-ag paglaom. Makaya ni nimo, naa ra ko dili ka nako biyaan. "

Gikan pagdiscuss sa doctor about sa akong pagbuntis hangtod sa nagpadung nako sa operating room, wala gyod motulo akong luha. Murag wala pa nako na process ang tanan sa akong utok nga kuhaon sa akong tiyan ang baby namong Marvin.

Kung unsa ka dali nga nahimo kong inahan ing adto pud kadali nga gikuhaan kog katungod nga mahimong inahan. Wala ko mahadlok nga operahan ko, nahadlok ko kay kuhaon sa akong tiyan ang baby namong Marvin pero wala nakoy mahimo. Gikuha akong usa ka fallopian tube nga maoy gituboan sa baby. Sakit man pero dili gyod siya para namo.

Paghuman sa akong operation, didto nako nihilak ni Marvin.
Ingon ko " malason gyod siguro ning imong naasawa, kay puros raman problema akong gihatag nimo. "

" Ayaw ra gud pag sultig ing-ana, ikaw gihatag nako, para gyod ka nako. Wa gyod ko magbasol bisag gamay. Mosugot ko bisag kita rang duha mag-uban. Ayaw lang gyod ko biyae. " Didto nako na realized nga bisag unsa pa ko ka malas, swerte gihapon ko kaayo kay niabot si Marvin sa akong kinabuhi ug siya akong nabana. Bisag unsa pako ka luya ug wa nay kusog, ready kaayo siyang mohatag sa iyang kusog aron makabangon ko.

Wa koy choice kondi kayanon tanang sakit. Physical ug emotional pain. Gipabisita ko ug balik sa akong doctor aron ma check akong mental health. Gamay na siguro pud mabuang napud kog balik. Pero sige nakog hunahuna nga naa pa si Marvin, naa pa akong bana, kinahanglang dili gyod ko mo give up.

Karon, wala pa sa among plano ni Marvin nga mabuntis kog utro. Gusto pud ni Marvin nga eenjoy lang sa namo among mga tuig nga kami lang duha. Niingon ang doctor nga pwede pa kaayo kong magbuntis pero ni desisyon ming duha ni Marvin nga dili sa lang karon. Mag create sa mig memories nga kami sa lang duha, pero we will not lose hope nga makahimo mig pamilya. Dili pa gyod siguro time para namo nga mahimong ginikanan. Parehas sa nahitabo sa among kasal, na postponed man pero
nadayon gihapon. I'm sure ing-ana pud ang mahitabo sa mahimo namong future son or daughter. Postponed lang iyang pag-abot pero wala nagpasabot nga dili na gyod siya moabot.

Sa nakulbaan kay basig wala mi magdayon ni Marvin, I'm proudly announcing that he's already my husband. I once titled my confession as police handcuffs because the handcuffs that this policeman is wearing is our wedding ring, the smallest handcuffs in the world. And we vow not remove and unlock this handcuffs and we'll stick together until our last breath.


Life is often compared to a marathon, very difficult and challenging. You have to drive yourself to overcome the obstacles. And sometimes, you might feel that you can’t continue the race, you're tired, you're in pain, you're exhausted , even your body screams at you to stop, but you must keep going. You must endure and conquer every pain, every doubt that you have, believe in yourself and never give up, keep going and don't look back, even if you stumble and fall, stand up more stronger and keep moving forward, put in your mind that you'll have to finish this no matter what. And when you do that your inner strength will come out, and you'll realize you’re capable of so much more than you thought.

Our mission is to win and finish this life marathon. If we keep running, it allows us to see how life is wonderful. We'll learn how to smile, how to laugh, how believe and how to love. And when the time comes that you'll need to stop , you can proudly say that ' I have no regrets, my mission is accomplished' ,


___________________________________

Thank you sa tanang nibasa sa akong life story bisag naa gihapoy sakit sa akong last part pero atleast kami gyod ang nagdayon ni Marvin. Pasensya na gyod nga karon lang nako nahuman kay karun lang pud mi nakauli ni Marvin gikan sa mubong bakasyon namong duha maong wala ko kasumpay dayon. Kay ni promise man kong mo send ko sa last part karong adlawa, pag-abot gyod dayon namo gi type gyod nako dayon akong part 5, bisag na jet lag pa ko ani. Maayo kay nakatulog na dayon si Marvin, kay naghilak gihapon ko while nag type ani.

Sorry kay sa first 2 parts ok ra kaayo, nag jokes pa kog wa dinhi wa didto, ug sa kalit lang ni seryoso akong confession, puros na heartaches ug heartbreaks ang nisunod. Pero gituyo gyod to nako kay aron ma feel ninyo akong emosyon . From happy and funny moments nako, sa kalit lang nabag-o ang panahon, sa na overcome nako tanang lisod nga kahimtang nagka seryoso pud akong personality. There's a saying that every pain gives you a lesson and every lesson changes the person.

Thank you pud sa UCFB family , admins and creators ani nga page for giving us senders an opportunity to express. Salamat nga wala gihapon mo moundang sa pagdawat sa among mga confessions, ug sa mga avid readers nga kanunay ug andam mo basa bisan unsa pa ka taas ug ka dugay sa update. More powers sa inyong tanan. My God be with us always. Thank you.


Visitor.



26 comments:

  1. Dalia ang part 2 intawon sender! hahaha

    ReplyDelete
  2. Sender ayaw pag binuang diha ha..dalia nang part 2 tawon

    ReplyDelete
  3. Sender Ang part 2 tawn naabot nko dri sa website Kay gi delete nmn didto sa page.
    Maluoy ka sender load Nani among puhunan

    ReplyDelete
  4. Part 2 dayon Daliiiii

    ReplyDelete
  5. Ayaw dugaya ang part 2 sender malooy ka..

    ReplyDelete
  6. ..dali intwon Ang part 2sender

    ReplyDelete
  7. Giatay pagdali naningil na kos part 2 hangtods kinalasan

    ReplyDelete
  8. Part 2 plsssss��

    ReplyDelete
  9. Next part sender..akoy gekilig sa imong life story sender..

    ReplyDelete
  10. basen ang nakaburos kang tab ha kay si Marvin ha atay lang gud

    ReplyDelete
  11. Ang part three palihog HAHAHAHAHA kakilig

    ReplyDelete
  12. Sender part 3 plsss..perti njud nakong huna² og unsa nay sunod mahitabo..😅

    ReplyDelete
  13. Hala kasakit oi😭. Piste jud tong uyab ni Tab kalami patyon🤬

    ReplyDelete
  14. Hala kaluoy ni Tab oi

    ReplyDelete
  15. Huhuhu... Grabe nakong pugong² nga Dili ko mo hilak ga basa sa part 3 huhuhu sakit jud siya ��

    ReplyDelete
  16. Kalooy man diay ni tab, sender😢😭. Maayo nlng naluwas ka.

    ReplyDelete
  17. Hoy 😭😭😭😭 kasakit ana na panghitabo ikaw mismo nakasaksi sa kamatayon saimung bestfriend 😭😭😭😭

    ReplyDelete
  18. Kasakit jud kaayo 😭😭
    Pati ako naka hilak feel kaayo nko ang kasakit 😭😭baskin nag smile smile nko kay nice na story kay na uyab na nimo imong crush, nag hilak na nuon kos kasakit kay nawala si tab 😭💔

    ReplyDelete
  19. ouch kasakit ba tab 😭😭😭😭😭

    ReplyDelete
  20. Murag sad ang ending yowooo 😭

    ReplyDelete
  21. Godbless you sender...
    Sending hugs & prayers ��

    ReplyDelete
  22. proud ko nimo sender ,salamat Lord nga wajud ka ni give up sa imong mental ill naajo jud ka.God blessed you more sender sa tanan nimong naagian imo jud gipaglaban...salig lang tas Ginoo sija ra nakahbawo tanan.

    ReplyDelete

Featured Audio: Hubog ka, mao gidala tika sa Paradise.

Latest Stories