Search for Stories

Monday, October 18, 2021

Heaven by their side - Full Story


 #Heavenbytheirside

Hi admin to all readers out there Ani nga page, avid reader diay ko ani nga page maong na inspired sad kog share aning akoang mala MMK na story. Dli diay ni love story guys instead a life story ( mao ba?) Please do hide my identity admin Kay personal account Jud ni akong gigamit. 

Ako diay si George (not my real name) babaye ko huh medyo ako lang grelate sa akoa real name Kay boyish man kog name Jud. 20 years old og currently a college students sa usa ka well-known nga public University dri sa Cebu. Kini akong story Kay medyo pang MMK ft. Magpakailanman karon palang mangayo nakog pasaylo Kay medyo taas-taas ni nga story og tinguhaon nako na dli mo maburyo magbasa og naa moi makuhang lesson. 

Way back atong bata pako mga around 5 or 6 years old ko makaingon ko na how lucky I am Kay gihatagan ko sa ginoo og nindot na pamilya. Dli mi adunahan guys mangunguma lang akoa papa at the same nagbuhi og mga hayop akoa mama pero malipayon mi. By that time naa pami sa probinsya nagpuyo somewhere in Luzon (Dili nalang nako e specific huh ). Every Sunday Kay manimba mi kuyog akong mama og papa og akong mga manghod. 4 pa diay mi kamanagsuon ato na time guys, human namo og panimba Kay mangaon mig karenderia og lipay na kaayo mi ana. Pila ka buwan nilabay naay kusog kaayong bagyo naabot na maoy nakapabag o sa tanan. Tanang pananom namo nahurot sa baha among mga hayop namatay og among balay naguba. Wala nako nakadumdum sa name sa bagyo pero grabi Jud niyang kusuga samot Kay among probinsya agi anan Jud to sa bagyo permi didto but Wala mi ga expect na ingon ato ka kusog. Naglisod nami pag-ayo to the point na kinahanglan na ni papa manarbaho sa Manila. 

Ff. Pila lang kabuwan nauli si papa gkan sa Manila Kay diay nagsakit si papa adto og atong higayuna nakadesisyon nalang sila papa ni mo uli dri sa Cebu Province which is hometown Jud sa akong papa. Aning higayuna nag skwela nako grade 1 ko, sa linghod na panimuot maka ingon Jud ko na grabi kalisod namo. Manapas na si papa og tubo og mangguna sa buntag while managat inig kagabie. Bata palang ko nakamatngon nako kung unsa kalisod ang kinabuhi. I forgot to tell you guys panganay diay ko og una nga apo sa side ni papa. Biskin man sa among kalisod pero Wala nagkuwang akong mga ginikanan namo, gitinguha nila na mabuhi mi og mapaeskwela. Busog kaayo mi sa mga pahimangno diay mao grabi kaayo mi og respeto sa mga tawo which is proud ko sa akong parents sa pagpadako namo nga ingon ana. 

Pero ang kinabuhi guys uban Jud na Ang kasakit permi og dli me exception ana Kay sukad pagbalhin namo sunod-sunod na pagsulay among naagian. Sgi og sakit among kamanghuran ato na time sulod gawas ra sa hospital og na diagnosed sa sakit na neumonia (dli ko sure sa spelling Basta mao na ). Duol kaayo ko sa akong mga manghod maong sa bata nako na pangidaron sakit kaayo Makita na nag antos akong manghod. Halos nalang sila mama naa sa hospital ga stay maong ako isip Isa ka panganay akoi mangbantay sa duha nako kamanghod. 

Naa toy time na naag hospital sila mama og papa while kami nahabilin nya gibilin Rami sa akong Lola. Naay glakaw si Lola og kami nalang jud nahabilin gbinlan lang mig paniudto namo Kay mauli Raman daw sya og hapon. Dugay kaayo nauli si Lola og akong duha kamanghod sgi nag hilak Kay gutom na kaayo sila og ako ato na time Wala pa Jud ko kasuway na magluto Kay dli man ko tugtan ni mama Kay basin daw magduwa sa kayo. Wala Jud ko kaagwanta nga nagpaminaw sa akong manghod na naghilak sa kagutom maong naghaling kog kayo og gihuna huna og gi unsa to ni mama pagluto og kan-on Kay hilig man ko mag observe sa mga buhat ni mama gud guys maong kaluy an naluto Jud tawon akong kan-on pero magwang lang nuon sa lugaw HAHA Kay hadlok ko mahilaw man gud maong gidaghan nakog sabaw. Kini sad akong mga manghod guys medyo may pagka arte dli Jud mokaon og walay Sud an unya pagtan aw nako sa butanganan Kay buwad ra Jud ang naa didto nya may baya og mangaon og sinugba pinirito Jud ilaha maong ang ate tuara nag dala² og takob sa kaldero panagang sa pisik sa mantika with matching panukad Pana Kay modagan kung mokusog ang pisik ( I know daghan nakarelate Ani) Pagkataod-taod nauli sila mama og grabi na nakong kuruga Kay basin kasab-an ko na naghaling kog kayo but luckily Wala man nasuko, gikataw an nuon ko Kay lugaw akoang dinung-ag. Grade 1 pa diay ko ato na time guys. 

Pag grade 2 nako guys grabi puli-puli lang mi og kasakit. Na confine akong pangduha na manghod na tawgon lang natu sa name na Mark. Nagkadengue sya guys og hapit mawala namo but glory to God Wala Niya gipasagdahan akong manghod og nakagawas ra sa hospital. Pila lang ka buwan nisugmat ang sakit ni papa sa kidney maong samot Jud mig kalisod Kay si papa ra baya naay trabaho but again kaluy an sa ginoo na ayo ra sad si papa dayon. December 13, 2006 dli ko kalimot aning adlawa na among kamanghuran na tawgon lang natu sa iyaha nickname na Dugoy Kay gdala sa hospital Kay maglisod sya og ginhawa pero pagkahapon nauli ra sad sila Kay resitahan ra daw sa doctor og tambal Kay naa diay syay Hapo. Pagkaugma ana nakabantay ko na luya na kaayo sya og lawas medyo nangluspad na sad sya. December 15, 2006 12 pm gduol nako sya na mangatug mi og nisugot sya pero same ghapon luspad kaayo sya. Nigakos na sya pag ayo nako Kay kami man nagtupad og ni ingon 

" Te duwa nya tag airplane² pag mata naku huh?" Ingon Niya 

" Gege dong maong katug dayon para makaduwa dayon ta " tubag nako 

Pila ka Oras lang nilabay gipukaw ko Niya mga around 3 pm Kay magduwa daw mi og tuod gaduwa ming upat sa iyaha mga duwaan og kalit lang na nigakos na sya sa iyaha kuya mark og sa iyaha Manang Sam pagkahuman gduol Niya si mama na nagluto og coconut candy na request Niya og gikakos ni niya sa likod paghuman niduol sya nako na naglingkod 

" Te pagaksa ko " ingon niya

" Agoy naglambing among Dugoy " tubag nako sabay gakos Niya

" I love you ate " tubag Niya sabay gakos og hugot nako 

Nitulo akong luha by that time Kay first time to nako nakabati ato nga words nya gikan pa Jud Niya pila lang ka Oras niduol sya kang papa na padong na larga syudad Kay trabaho og nigakos sya 

" Pa paliti nya ko atong trak-trak huh" ingon Niya kang papa 

" Gege dong kung madawat ni papa ang sweldo nako palitan ka ni papa " tubag ni papa 

Human nilakaw si papa galisod na sya og ginhawa og naluya nami og tabang Niya. Gisugo kung mama pa apas kang papa basin maabtan pa nako sa terminal while si mama gdala na si Dugoy sa hospital. While galakaw ko na naghilak Kay naa lay kalit na bugnaw na hangin nilabay nako og nakabati ko sa tingog ni Dugoy..... 



So mao natu guys naa koi nabatian na tingog ni Dugoy while naglakaw ko padong apas kang papa sa terminal 

" Babye ate" tingog Niya 

Pero paglingi nako guys Wala Jud tawo na nagsunod sa akoa mao perti nakong dagana Pauli  nga naghilak unya nasugatan nako amoa silingan

"Dai nganu man ka diin man ka gkan?" Pangutana Niya

" Wala ra man kuya gisugo kung mama og pa-apas kang papa" tubag nako 

" Nakasakay naman imo papa ganiha ra " tubag Niya 

Nipadayon kog uli sa balay og natingala ko na daghan mag tawo sa balay Niya naghilak man akoa mama Kay mao diay gibyaan na diay mi ni Dugoy. Wala na sila kadayon og hospital Kay nabugtuan na akong manghod sa dalan pa lang. Sakit kaayo to nga panghitabo hilabi na sa part nila mama og papa isip mga ginikanan. Igo ra naabot si papa og syudad og mao dayon to ang nisugat Niya nga Balita. 

Ff. Sugod namatay akong manghod daghan ng nabag o sa batasan ni papa. Permi suko og permi init ang ulo. Nabuntis diay si mama sa pang Lima unta namo but sad to say nakuhaan sya. Pila lang kabuwan Kay nabuntis na sad si mama og mao ni among pang unom. Nabughat si mama sa pagpanganak sa among pang-unom mao Nisamot na Jud among problema Kay gisawo man ni og  gitawag  na Nerbyos kuyaw sa  bisaya kanang kabuhi na Wala nalugar daw mao na ingon sa mga katiguwangan og sa sgi sad huna-huna sa problema. 

Isa kagabie ana Kay nananghid ko ni mama na mo adto ko sa silingan namo Kay magpatabang ko sa akong assignment og nisugot sya pero daan natu galain iyahang lawas. Anyway guys dli mi lagyo og silingan tipon ra gani og nataran maong gsugtan ko. Nagbuhat ko sa akong assignment didto sa among silingan while ga tan aw og Dyssibel na Salida kung kadumdum pamo katong si Anne Curtis gadala if I'm not mistaken.  Paghuman nako sa akong assignment ni uli kog balay og nisampit kung mama na naglingkod Kay gatabyog sa duyan sa akong manghod. 

" Ma abrihi ko " sampit nakong mama

" Wala Mana nako gigakot ang pultahan abrihi lang " tubag Niya 

Mao nisulod ko og gipahimutang nako ang akong mga gamit sa butanganan unya nitupad niya. Nagtalikod diay ni sya pagduol nako maong nihigda nalang sad ko sa iyang tupad. Padulong na unta ko matug og sa dihang kalit lang ko gipitlok ni mama og lain na kaayo iyahang mata og tinan awan nako, perti Niya kakusgan maong dli Jud ko kapiog og wakli niya. Perti nakong syagit but walay mogawas na tingog og may nalang gani nag Cr ang among silingan nakabati sya na naay nag agungoy sa amoa balay mao iyaha gi adto. 

" Ya buhie na si Inday" ingon sa among silingan 

Pero si mama Wala Jud syay paki alam og ghugtan Niya pag ayo ang pagpitlok nako og maoy hinungdan na nakuyapan ko. Ang sunod nalang nakong nahibaw an Kay naa na si lolo og Lola sa amoang balay while ako gipaypayan sa among silingan. Basin ga wonder mo og asa akong papa, akong papa Kay nanagat by that time. Gidala si mama sa hospital pero grabi Jud Niya og wild og ipangwakli ra ang mga nurses og doctor in short nawagtang si mama sa panimuot Niya sa sgi huna-huna sa akong manghod na namatay og sa manghod namo na nakuha. 

Ff. After what happened Naka decide na si papa na mobalik nalang mi sa probinsya (katong somewhere in Luzon) Kay para ma divert ang huna-huna ni mama.  In God's grace naulian ra sad si mama pero Dili malikyan ang bully sa akoa sa skwelahan like " Hala boang iyaha mama" sakit kaayo sa buot guys ingon ana on imuha mama like ang concern nako is Dili akong kaugalingon kundi ang ma feel ni mama og makabati sya. 

Nauli Jud mi og probinsya guys and things are getting worst. Nagsugod na sad mi sa sinugdanan sa among panginabuhian og honestly sa perti Jud namong lisuda. Tig pangupras si papa while si mama naa nalang sa balay og kami sa akong igsuon na si mark og Sam Kay mag atiman sa mga hayop namo. Grade 3 ko by that time og si mark Kay grade 2 while si Sam Kay kindergarten pa. Nakasuway mi na kamote , saging, kulo, kamoteng -kahoy lang amoa pamahaw paniudto og lugaw sa hapon. Plus among sud an laya na lubi. Among bawnanan sa skwelahan Kay dahon sa saging  kung makapalit og bugas si papa kung Dili gani Kay kamote or kamoteng-kahoy among bawon paniudto sa skwelahan. 

Perti ka init sa ulo ni papa permi Kay Dili daw to mao na kinabuhi ang iyang gisaad sa iyang kaugalingon para sa iyang mga anak. Gamay lang bikil og sayop namo bunal dayon. Nasundan pa Jud to among pang unom og samot mig kalisod. Although daghan mi pero grabi sad ang pag paningkamot sa among amahan. I forgot to tell you guys grabi ka responsible among amahan  tabako ray bisyo ana ang the rest na bisyo na nailhan ninyo Wala sya ana.  Bali Lima mi kamanagsuon ang buhi na gikayod ni papa pag-ayo. 

Sugmat-sugmat sad diay tong sakit ni mama  maong samot mig kalisod Kay walay permaninting trabaho si papa. Akoi nibarog na inahan og amahan sa akong mga manghod pag Wala si papa Kay trabaho. Lisod kaayo mahimong panganay maong I tell you guys respect your elders. Bantay bata, labandera, caregiver ni mama, kusunera og studyante mao na akong role permi. Naulian Raman sad si mama Kay Wala man namo pasagdihi pero ako na sad ang na hospital. Almost 1 month ko ga stay sa hospital maong gusto ni papa paundangon sa ko og skwela pero gahi kaayo kog alimpatakan guys maong biskin dili pa Kaya mokawat-kawat Jud kog skwela. Bata palang ko abli na akong huna-huna sa importansya sa edukasyon maong naay guts na motakas. 

Sa akong takas-takas nakahuman Jud kog grade 5 with honor. Kay lagi na honor man ahw gsugtan nalang ko ni papa mopadayon sa grade 6 and yes I graduated elementary with honor gihapon. Walay nabag o sa among panginabuhian lisod gihapon pero buhi gihapon. Grade 6 nako intawon Naka suway og bawnanan na Tupperware og sunod-sunod na kan-on ang gibawon maong medyo makaingon kung nakasugod-sugod na Jud mi. 

After ni graduate og elementary among mga silingan na classmates nako Kay nanlarga nag Manila kay manarbaho og diri gasugod na sad ang dibati namong papa. I tell you guys Dili ko rebelde na pagka anak pero motubag Jud ko Basta skwela nay hisgutan. Dli ko pa eskwelahon ni papa og high school Kay lagi dli daw Niya Kaya samot Kay layo kaayo ang skwelahan sa high school sa among probinsya. Kinahanglan kang mag boarding. Perti nakung hilak Kay gusto Jud ko mo skwela, Wala man sad ko gipasagdahan sa Ginoo Kay hapit ng enrollment nanawag man akoa Lolo na dri ko Cebu pa skwelahan silay mogasto. Walay choice si papa kundi mosugot Kay pursigido man ko. 

And yes nabalik na sad ko dri sa sugbo og medyo hayahay na akong kinabuhi Kay makakaon naman ko sa akong gusto pero Dili ko hapit kalamoy kung maghuna-huna ko sa akong mga manghod kung unsay gkaon nila didto sa probinsya. Grade 7 ko focus kaayo ko sa akong pag skwela Kay Wala koi Laing trabaho. Smooth kaayo ang dagan sa akong kinabuhi dri sa Cebu while akong mga manghod adto sa probinsya Kay naglisod na pag-ayo. Pagkabalo nako sa ila sitwasyon Kay Dili ko mahimutang samot na Kay nanawag akong ig-agaw na gisunog ni papa among balay. 

Don't judge my father guys Kay naa syay reason behind those situations.  Sa akong nahibaw an Kay nisugmat na sad ang sakit ni mama og si papa ang gi blame sa mga igsuon ni mama. By that time puno na kaayo si papa og nagplano na maghikog uban akong mga igsuon didto sa maong sunog sa among balay. Naabot na sa point na gi uli na ni papa si mama sa iyang mga igsuon by that time Kay sige naman og apil-apil ang mga igsuon ni mama. Sa kalagot ni papa instead of adto Niya ipagawas iyang kalagot adto sa mga igsuon ni mama mas maayo nalang daw na iyang kaugalingon iyang tapuson. Which is Dili sad sakto. Sa sobra ka apektado nako akong grado niubos og kadawat nakog singko gkan sa akong Lola og mga panumboy gkan sa akong ayaan na nitabang og gasto nako. Every day gahilak ko mo adto og skwelahan tungod sa mga sakit na storya na akong nabatian og sa situation nila papa sa probinsya. Naabot na sa point na magbuwag na si mama og si papa og gipapili mi og asa mi kuyog sa ilang duha. Gihuman nako ang grade 7 na 2nd honor ko og ni uli ko sa probinsya. Ni decide Kung dli na mobalik og Cebu og adto nalang mag stay uban akong mga manghod. 

Again nagsumpaki na sad mi ni papa sa akong pagpadayon sa skwela og nihangyo ko Niya na mopadayon Jud ko. Nisugot ra sad Siya pero dli ko mag boarding kundi mag ulian ko kada hapon. Kapoy sya guys pero akong gi agwanta. Mo mata kog 2:30 sa kadlawon para magtuon while ga prepare og pamahaw og bawon namong managsuon. At exact 3:00 maligo og mag prepare sa kaugalingon. At exact 4:00 magsugod nako og baklay padong sa skwelahan nya maabot ko adto Kay almost 7 sa buntag. Inig kahapon 7 pm nako maabot sa balay. Uwan , init, bagyo, baha mao na permi akong nasuwayan maglakaw sa dalan na perti lapuka, maglakaw na kapug an ang sinina sa singot tungod sa kainit, maglakaw na kuyaw kuyawan sa lipak og dugdug unya motabok sa baha na taga ilok. Dli sayon ang edukasyon adto sa among probinsya maong ang uban na dli Kaya mag boarding mas gipili nalang na manarbaho sa Manila. Makagraduate man tuod kag high School pero grabi imong pag antos. Apilan pa sa mga bati na storya sa mga tawo na si Muni Muna nagabhian og uli Kay gabagat Bagat og laki sa dalan. Little they don't know kung unsa na nga struggles ang naagian nako para lang makahuman. 

Grade 8 ko another tragedy happened, namatay akong Lola. Mama sa akong mama and I forgot to tell you guys Lola's girl diay ko. Gamay pako bukton Niya akong unlanan while iya kung kantahan og mga kanta sa katiguwangan. That was our intramurals sa skwelahan that time September 10 , 2014 gi apas ko sa skwelahan sa akong ig agaw Kay namatay daw si Lola. That was another hurtful feeling Kay nalagasan na sad ko og Isa ka importante na tawo. I forgot to mention na 3 years na diay to galubog si Lola Kay na mild stroke sya og gapuli-puli lang og bantay sila mama ato sa iyaha apil naming mga apo. 3 years ko kasud ong na nag antos si Lola maong sakit kaayo sa buot.  But that's it death will always be a part of human life. 

Life goes on og padayon ghapon kog skwela and same routine ghapon every year maghilak maghangyo kang papa na mopadayon kog skwela. This time medyo Wala na Jud nagkasinabtanay akong parents. Nilarga ako papa dri Cebu for work while akong mama nahabilin sa probinsya. Everytime mag storyhanay sila sa cellphone permi mag away Kay permi opposite ilahang nga desisyon para namo. This time guys nagkat on nakog bulakbol sa skwelahan Kay apektado kaayo ko sa situation sa among family. I can't stand na permi mag away si mama og si papa maong nangita kog lingaw na madivert nako akong huna-huna adto sa lain. Which is I realized na sayop to akong gibuhat. My circle of friends Kay same nako my mga problema sa family mao magkasinabot mi. Though naa ang term na bulakbol guys but never me na engage og mga bisyo or laag it's just a typical na dli maminaw sa klase, mo cutting Kay trip namo while mag unwind sa baybay, matug sa klase, permi late  ingon ana ra na binugoy guys. In result ni ubos akong grades pero dli Jud hagbong Kay conscious diay ko sa akong grades though gayabag ko atong panahuna ( kamo nalang sabot Basta mao na sya nagbinugoy ko na murag Wala). Nakabalo akong papa sa akong kayabag mao gusto Niya na inig Senior high School nako mobalhin ko dri sa sugbo and I can't forget sa gi ingon ni papa 

" Mo transfer ka or mo undang?" Ingon ni papa 

Ako na walay Plano mo undang, I choose na mo transfer sa akong Senior High dri sa Cebu which good thing sad Kay ako man lang gihapon ang nakabenifits Kay mas Advance ang learning dri kaysa probinsya. But things is not that easy. It turns out that I almost lost myself totally. Kay transfery man mag adjust na sad ko sa akong environment and yes lisod kaayo Jud samot na sa lesson Kay ahead sila even though same Raman unta mig year. 

Naa ko ga stay sa akong Lola na sad mama sa akong papa. Kini si Lola may pagka strikta Jud ni nya perfectionist. Unya Kay ako man iyaha panganay na apo dri nako han-ok tanang expectations. Gamay lang sayop nako daghan dayon kog mabatian na storya without even knowing kung unsa Jud ang nahitabo in short dli modawat og explanation. Permi Wala si papa Kay trabaho every week ra ma uli maong Wala koi kasumbungan or kastoryahan. Naa pud koi Auntie Asawa sa akong Tito na manghod ni papa  perti maka drag down like makapangutana ka na ayaan ba ni nako? I was in the midst of my adjustment then mosabay sad sila og bira nako paubos. Kapoi kaayo. 

There was a time sa among research paper (kaway-kaway sa mga nakasuway) Diba by group man Jud na? Come to think of it nag research mi na Wala mi mga gamit like cellphone man lang mao adto Jud mi mag salig sa comlab sa skwelahan. Magabhian kog uli pero pasidaan nako daan ana kang Lola inig padong nako sa skwelahan Kay it's either naa mi mga group activities or mag himo sa among research. Drained kaayo akong utok inig uli Kay gakan nagbuhat sa mga activity then inig abot nako bagton ko sa akong Auntie og panghimigaan ko. Sakit kaayo sa buot like ni skwela Raman unta ko nganu naa may mga ingon ana na storya and the worst thing is ipangsulti na Niya kang papa. Og akong papa adto na motoo Niya og dli na modawat og explanation nako. Akong walay gibuhat na sayop mabun og ko ni papa permi. Yes you are right even senior high school nako bunalan pako ni papa tungod lang sa mga palakaw sa akong Auntie. Sakit kaayo sa buot na naninguha Raman unta kog skwela nya mao Pani akong madawat? Like Wala man lang nila na appreciate sad akong pag paninguha. But I never stop guys padayon ra gihapon ko ako nalang gisalig tanan sa Ginoo Kay I know sya aware Jud na kung unsa akong gipangbuhat. 

Summer ni uli mi sa probinsya para mo bakasyon but our vacation turns out into a disaster. Ang 1 and half month unta namong vacation nahimong 3 weeks. Nag away si mama og si papa Wala ko kabalo sa reason nganu. Lingaw mi kaayo sa akong mga manghod na nagduwa adto sa Sala namo while si mama og si papa naa sa kusina nag storyahanay. Naigking nalang mi Kay nikalit lang og singka si papa and that was our first time nga ingon ato sila mag away nya naa mi. Niduol mi nila adto unya as in grabi na ilaha siningkahay. Naghilak na akong manghod and suddenly Dili ko kaginhawa. Perti na nilang siningkahay og ako nigawas ko sa balay og nilakaw ko Kay dli ko ka agwanta maminaw. Nilakaw ko na Wala sa akong huna-huna og naabot kog baybay na Wala ko kabalo kung mag unsa ko didto. I forgot to tell you guys bukid diay amoa og medyo layo-layo Jud ang baybay. Nilingkod rako kadali sa baybay while gahilak unya ni uli ko balik pero Wala Jud ko midayon sa amoa. Nitago ko sa sagingan pagkabati nako sa ilang tingog nga nag siningkahay pa nagsgi nalang kog hilak. Hilak na walay tingog to be exact cause I don't know how to cry out loud. Sige og pangita si papa nako but Wala Jud ko nitingog Kay sgi paman silag siningkahay. Samot kahuot akong dughan Kay nakabati ko kang papa na ni hilak na Jud sya and that was my first time nakabati kang papa na mo hilak. Sakit na Jud guro kaayo para kang papa kato na away Kay perti Jud niyang hilaka. Nagtago ko sa ilalom sa sagingan while si papa naa sa atong sagingan na akong gtaguan nagdangoy-ngoy og hilak. After those incident guys Dili ko ganahan makakita og makabati og lalaking maghilak it seems like trauma. Biskin kinsa na laki guys biskin og maagian ko rana sa dalan Dili Jud nako Kaya og motulo Jud dayon na akong luha Kay makaremember ko kang papa na ni hilak. Human ato nabalik ra sad ko og Cebu. 

This time grade 12 nako. Diri na depressed kog maayo. Gasakit akong Lola og colon cancer, Wala ko na anad na akong Lola mag lubog Kay dli Jud ni sya mapuyo. Gusto Niya naa syay trabahuon permi maong sakit kaayo tan awon na galubog sya. Though naa mi mga misunderstanding Ani Niya usahay pero mao baya sad ni Tig encourage nako na mopadayon Jud. Nakasud ong ko sa akong Lola sa side ni mama na nagsakit maong dli ko ganahan na makasud ong na sad ko ani sa akong Lola mama ni papa na maglubog. 1 year sya galubog og ako gibusy nako akong kaugalingon sa skwelahan samot Kay graduating na mao busy kaayo. Kini diay akong Lola guys ampay kaayo ni og mga awards sa skwelahan og maoy akong gitinguha. And yes I made it I graduated na with honor, best in emmersion, and other minor award sa Senior High School og para to ka Lola. But Dili sayon akong mga na agian para makuha to nga awards.  

I remember that was our second semester og depressed kaayo ko sa among research. Note guys sa group nako sa research Kay duha raming girl ang the rest boys na. Bali ang Isa ka grupo mag consist og tag 8 members. Tanan nakong ka grupo is magkabarangay ako ray nalahi. Kay group project man mao advice sa among teacher Kay kami Jud tanan magbuhat. Same ghapon ang situation guys Wala ghapon mi tarong cellphone or gadgets para sa among research. Salig gihapon sa comlab og adto me permi magabhian sa campus. Dli ra kami ang naa adto na group kundi halos kami tanang grade 12 students Kay walay mga tarong na gamit. 2 days before the Final defense busy kaayo mi og nagabhian kog uli unya gihatod ko sa akong mga ka groupmates Kay Wala nay sakyanan to be exact naglakaw Rami. Pagmata nako sa buntag Kay suko kaayo si papa Kay ni ingon daw akong Auntie na nagbiga-biga daw ko unya sige og laag og gabie nya gihatod kog mga laki. Og sa tinood lang nabukhad Jud akong dunggan atong panahuna. Perti nakong laguta but gipugngan lang Jud nako Kay lagi ayaan nako. 

Pagkasunod gabie nakadesisyon akong mga groupmates na sa amoa nalang ming balay magbuhat tiwas sa among research Kay para daw dli ko kasab an og magabhian which is nindot nga suggestions. This time diay guys naglain nami pero permi Wala si papa Kay trabaho og akong 3 kamanghod lang akong kauban sa balay. Among balay Kay tipon rag nataran sa akong Auntie og sa akong Lola maong makabalo ghapon sila sa mga lihok namo.  6 pm naabot na akong mga groupmates og naghimo mi sa among research tiwas Kay inig ka ugma na Ang defense namo. 4 am sa kadlawon mi nahuman og Wala Jud tawon mi tulganay. Pagkabuntag Kay tabi na sa silingan na nagdala daw kog mga laki sa among balay. Issue na sad pero Wala lang nako gipansin Kay basin mawagtang Niya tanang gireview nako para sa defense.  Pagkahapon human sa among defense kapoi kaayo akong lawas Kay ikaw daw walay tulog. But instead na matug ko inig abot nako gisugat naman nuon kog kasaba ni papa ang worst hapit pako madapugan Kay paminyuon nalang daw ko Kay sgi man daw kog dala og laki sa balay. G ingnan pako sa akong Auntie na dli daw ko ka graduate mabuntis nako. 

Wala ko kasabot sa akong bation by that time maong pwerti nakong hilaka og nanawag kung mama na magpakuha ko. I even tried to kill myself Kay mag echo permi sa akong dunggan ang mga storya nila nako. Mas prefer pa guro nakong bun ugon ko kaysa sultihan og sakit na Wala nako gibuhat Kay magbalik-balik Jud na sa akong dunggan. I even questioned myself kung nganu ingon Ani Mani akong kinabuhi na Wala man unta koi Laing gibuhat kundi ang maninguha lang og skwela. Gipugos nako akong mama na dri na pa stayhon for good at least naa koy kasultihan sa akong mga kasakit. 

" Ma please dri nalang ka stay" hangyo nako

" Kabalo baya Jud ka dai na Dili ko ganahan dha" tubag Niya 

" Ma sige na biskin birthday gift nalang nimo ni nako" hangyo na sad nako 

That time guys Kay 1 week before nako ecelebrate akong 18th Birthday. Good thing is naabot Jud si mama a day before sa akong birthday. And that my best gift ever. 

Pila lang ka months si Lola perti na Niya kaluya og niwang na sad sya kaayo. Until one day came na gipatawag mi ni Lola tanang apo Niya…..



So as I have said earlier luya na kaayo akong Lola. One day ana Kay gipugos ming papa na paadtuon kang Lola Kay nihangyo daw si Lola. Don't judge me Kay nasulti natu nako ang reason nganung dli ko ganahan mo adto. Since namugos man si papa ni adto nalang ko. From the moment na nitunob ko sa Sala nila Lola Kay nakulbaan ko. Nagpundok adto tanan among relatives. Nagduha duha kog sulod Kay nahadlok ko pero it's too late Kay nakit an nakong Lola. Gitawag ko Niya like mura nalang jud og hagawhaw iyaha tingog. Pagkakita nakong Lola Kay ni ingon ko sa akong kaugalingon na Dili ko mohilak Kay Dili ko ganahan mohilak na naay daghang tawo. Pero traydor kaayo akong luha sakto man unta sa seminar. Pagduol nakong Lola pwerti nakong hilaka og nigakos ko Niya largo. Naa gihunghong nako na until now mahuna hunaan lang nako Kay maghilak ko. And this the exact word that she said:

" Dai pasaylua ko sa akong mga Sala diha nimo. Pasaylua ko sa mga pagkuwang nako. Pag amping permi og pagtarong og skwela. Ayaw paminawa ang mga tabi sa tawo padayon lang kung sa paminaw nimo sakto imong gibuhat. Mingawon kaayo ko ninyo "

Until now sakit ghapon kaayo biskin almost mag 3 years na syang Dili namo kauban. Though permi kasaba akong madawat ato Niya og luknit sa kilid still gimingaw gihapon ko. Those moments na kasab an ko Niya na mo inom og tubig bugnaw kada uli nako sa skwelahan Kay Wala pa daw koi kaon. Kusniton ang kilid Kay maligo while reglahon ( I need a science explanation for these theory). Ang away namo sa Gaisano kung mangumpra mi Kay palitan ko Niya og mga fitted dresses pero dli ko mosugot. Makamingaw.

Ff. Sukad namatay si Lola dako na kaayo og nabag o nako sa akong personality. Kung hilumon ko sa una karon Dili na . I used to stand on my own feet na. Daghan gihapon kog nabatian na mga storya about nako from may auntie but I didn't take it seriously. I used it as a motivation for My self-growth.

2019 ni enroll kog college guys and as what I have said kinahanglan Jud mag agi og debate sa mi ni papa before ko tugtan mo skwela. Daghan kog gitake na entrance exam sa mga sikat na public University dri sa sugbo og daghan sad kog gipasahan na scholarship para lang makaskwela. But apparently fail ko tanan. I don't know na Jud that time kung asa nako padong og mopadayon paba ko Kay last month nalang sa enrollment. Daghan na sad kaayo og mga negative feedback gikan sa akong auntie na lagi daw ambisyosa kaayo daw murag dato mo skwela² pa daw og college mao lang ghapon daw walay ikagasto akong ginikanan. Pagkabalo ni papa ato sa gipanabi sa akong auntie Kay medyo napukaw si papa na dapat ko niyang la skwelahon. Actually guys naay duol ma University namo as duol ra kaayo 10 pesos ra gani ang pleti katong Wala pay pandemic. Ang problema Kay Wala didto akoa ganahan na course. Pero kadugayan og timbang² Naka realize ko na mo skwela nalang ko og lain course then mo proceed ko sa akong dream course if mahuman na nako. Sayang man sad ang opportunity guys Kay free tuition man. So I take education. Pag entrance exam namo Naka ana Jud ko na makapasar kaha ko ani nga 500 man mi kabuok ang intake sa entrance exam last batch na gani. But the thing is advantage na diay kaayo nako Kay naa nakoi experience Kay nakatake nakog exam sad sa lain na University. After examination nag paabot mig 1 week para sa official list sa mga nakapasar nya mo proceed sa screening. And luckily naapil tawon ko sa list. After that screening Naka ingon ko sa akong kaugalingon na ' lord ikaw nay bahala' Kay grabi kalisod sa mga pangutana sa interview. 1 after the screening gipagawas ang master list for official enrollment , and guys guess what naapil pa Jud tawon akong name . Rank 9 ko sa official list and 56 Rami tanan ang nakuha sa Educ sa kadaghan sa ni take makaingon ko na naa Jud diay maayong plano ang ginoo nako.

But I tell you guys Dili diay lalim mag educ, lesson plan palang daan kita nakag star samot nag bag o palang ka naa paka sa adjustment stage. Wala pa gani ka Kaila sa imong classmates nag detailed lesson plan na. Pwerti nako ka stress maong ni give up akong lawas. Kung sa una hilantan ko mosuka ra karon kuyapan na. Tungod sa akong hilanat Wala ko ka skwela og 2 weeks 1 semester Pana huh. Naay e maintain na grades ang Educ maong kinahanglan maningkamot Kay naa na gani Kay 2.5 ahw tagak na shift kag Laing course. Among instructor sa Isa subject walay consideration og way paki sa medical certificate maong ako paggawas palang sa hospital midterm dayon na walay alam. Pag abot sa grades iyaha ra Jung subject ang hapit ko mahagbong 2.3 guys. Na anad kung line of 9 akong grades paghigh school og senior high nya pag abot sa college wan a hunlos kalibutan inig kita sa percentage.

Though naay mga hard times usahay Kay part Mana sa atong life syempre naa say other side ana. It's up to you guys on how you manage the situation it's either magfocus ka sa problema or mangita kag solution. Kung naa koi narealize sa kinabuhi, kung naa man gani problema nga maabot gawas Ana nga problema og ayaw pagpabilin diha. Gawas sa problema og tan awa asa nagsugod ang problema Aron makakita kag solusyon.

Bag o rako naghisgot og problema og karon naa say problema nga naabot. Bag o palang sugod sa 2nd semester naabot pandemic. Stay at home and more prone to depression. Financial problem na sad for load para sa online class. Si papa walay tarong kita og si lolo naay maintenance. Si papa ray naay trabaho namo maong lisod kaayo iguon ang Gamay na kita ni papa sa maintenance ni lolo, gasto sa balay og sa among mga studyante. Putabuyag 6 raba mi kabuok nangiskwela. But life goes on God will provide maong ampo lang ubanan sa pagpaningkamot. But usahay dli Jud malikyan na mauwaw ko sa akong ginikanan samot nag financial nay hisgutan. Ganahan ko manarbaho pero walay modawat na part time Kay full time ang gipangita. Dili sad Kaya na I give up akong study so pabaga sa Kong mama og papa nagpalawog lang usa ko while tabang ² sa uma kung walay klase.

To tell you guys for me ang pandemic Kay Dili lang negative ang feedback dri natu. So imbis na magpastress ko sa online class og sa problema sa balay I used my free time para mag ampo. Yes , this is the best thing nga nahitabo sa akong kinabuhi sukad pag pandemic mas ni active ko sa church activity despite of busy schedule sa online class og responsibilidad sa akong mga manghod. Pero guys Dili porket duol na imong kasing² sa ginoo exception Naka sa problema still naa gahapon na. This year another tragedy happen sa among pamilya. Last September , namatay akong lolo tungod sa iyang heart failure. It was unexpected to be exact Kay baskog pa kaayo to si lolo sa buntag. Pagkaudto gi adto nako sya sa iyaha balay gihatdan nakog sud an og ni ingon sya na lain iyang lawas maong gipa inom lang nako sa iyaha maintenance Kay baglungon sad raba ni akong apuhan limot limutan ang tambal Aron daw dugay mahurot Kay mauwaw sya mangayo sa iyang mga anak. 4: 15 sa hapon gisampit sya sa akong tita Kay nananghid na mo adto sya og bukid

" Pa mo adto sa kog bukid , adto mi mangatog sa payag" ingon ni tita

Pero si lolo Wala nitubag og nilakaw nalang si Tita Kay basin natulog ra si lolo Kay abli man ang pultahan og Makita ra sad sya. Anyway guys kini si lolo Kay maglisod diay ni og katug og gabie Kay tungod sa iyang tambal so kasagaran udto to hapon Jud na iyang ting katug mao Wala nalang sad giduol ni tita. Pag exact 5 sa hapon human nako og lung-ag ni adto ko kang Lolo para mangutana kung unsay ganahan Niya na sud an Kay pilian kaayo ni sud an akong lolo maong ang gusto Niya among lutuon para daghan og kan-on. At first sige kog sampit pero walay tubag mao akong giduol og akong giuyog si lolo but this time lain na kaayo akong kulba. Sgi nakog sampit si lolo Dili man Jud sya mo mata Niya Wala na nagginhawa maong perti na nakong kulbaa Kay ako ra usa nahabilin raba sa balay Kay sila mama nagguna sa uma Wala pa nauli. Sa akong karatol nagdagan ko padong bukid apas nila papa og Wala nakoi kalibutan og naa ba diay koi nasugatan Kay nagsige nalang kog hilak while nag dagan . Nag abot akong ginhawa pag abot nako og bukid

" Na unsa ka?" Pangutana ni papa

Og ako sige lang kog hilak og I know for sure si papa nakulbaan na Kay ever since aware na si papa na Kung mohilak ko magpatulo rakog luha og dli magpagawas og tingog but this time is perti nakong bakho og naglibog ko kung unsay exact words ang akong isulti kang papa. Gisingkahan ko ni papa mao Naka storya ko og ang una ni gawas sa akong baba

" Wala na naglihok si lolo pa"

And the next thing is perti dagana ni papa Pauli. Pag abot nakog balay ni lolo didto na puro bakho og syagit akong naabtan. Double akong kasakit na nabatyagan that time first is ang pagkawala ni lolo og ang pangduha ang nakit an nako ang pagtulo sa mga luha sa akong mga manghod, uyuan og ig-agaw nakong laki. As what I have said I hate seeing boys crying Kay mag remind nako ang tingog ni papa nga naghilak sa una. Nag expect ko na sa graduation pictures nako sa college maka apil si lolo since sya nalang unta ang nahabilin nako na apuhan both sides but nag una² man sya og uli sa atong puluy anan. Sakit sya but we need to accept the fact knowing sad na we always end up like them mas na una lang sila. Until now kiwaw gihapon kaayo sa paminaw na kada lakaw nako naay mangutana og asa ko padong, naay mobagat para e remind ko na magdala og mask, naay mangutana nako nako kada uli gikan sa simbahan kung diin ko gikan. Those memories will never be forgotten and it will always be part of me wherever I go and whatever I become in God's plan.

Other people judge me by my weak appearance but Little they don't know that the burning fire of God strengthen me. If someone asked me , is there anything I would like to change about myself then my answer is apparently nothing. I would never change myself just for the sake of other In order for me to fit in. Maybe I would seek for improvements for myself growth rather then changing everything about myself. I hope guys you can see the difference. Even though my story is not good as what the others have but still I'm thankful to God that in the middle of the night I was able to see the light. As of now, I am a 3rd year college student and a future teacher and maybe a interior designer in God's grace I will claim it. I know that each us have different battles in life but just pray for it guys nothing is impossible if you trust the process of our Almighty God. I pray na naa sad moi nakat unan or na realize Aning akong story and I will end this story guys with my takeaway last Sunday. "People can't live alone by their own , they need Jesus Christ to sustain the health of their soul and Don't live your life with the past and future. Just focus with the present and trust his process and everything will follow♡ " Thank you guys keep safe and have a great time. ♡


No comments:

Post a Comment

Featured Audio: Hubog ka, mao gidala tika sa Paradise.

Latest Stories